San Lucas 6:21 - Sug Begu Ne Keligenan

²¹ Pedleliyag amu ne ngang miperii'an numuun, ay pebesugen amu! Pedleliyag amu ne ngang minsegaw numuun; ay mentawa amu ra!

San Lucas 6:21 Iomraidhean Croise

San Mateo 5:4

Pedleliyagen su nga getaw ned diin se kegu'ul, tendeng ay pengemu'en ilan ned Diwata.

San Mateo 5:6

Pedleliyagen su nga getaw neng miktinguha' sek pektuman ri sed Diwata, tendeng ay petekenen ilan ned Diwata.

San Lucas 1:53

Pibesug ned Diwata su ngang miperii'an, bu' pipe'awa'en su ngang mekeratu', ne nda'iruning me'uwiten.

San Lucas 6:20

Inenlengan ni Jesus su ngak tinu'unaan bu' miktalu', “Pedleliyag amu ne ngak pupus, ay misakup amu sek pedlegeseg ned Diwata!

San Lucas 6:22

“Pedleliyag amu gupiya bu' gemetan amu, bibain amu, tampela'en amu, bu' pementelu'an amu neng melaat ne nga getaw, dlaunen keni tendeng seg Bata' ne Getaw.

San Lucas 6:25

Mekelelaatlelaat amu, gamu ne ngang mibesug numuun, ay mperii'an amu ra! Mekelelaatlelaat amu, gamu ne ngang mintawa numuun, ay megu'ul amu ra bu' mensegaw!

San Juan 11:35

Aas miksegaw rayun si Jesus.

San Juan 4:10

Miksembag si Jesus ri seniin, “Bu' misuunan mu pa sug begay neg binegay ned Diwata bu' ta' sung minengi seni'a nek tubig neng me'inum, dya'a pa siya sung menengi ri seniin arun mbegayaan'a nek tubig neng mekegbegay ne ketubu'.”

San Juan 6:35

Miksembag si Jesus, “Gaku' suk pan neng megbegay ne ketubu'. Sung meriin senaan ndi' na gaid mperii'an; bu' sung mektu'u senaan ndi' na gaid kinumen.

1 Corinto 4:11

Isan tampan nemuun, miperii' bu' kinumen ami, mikseluk ami ne ngad danul, binunalan ami, bu' nda'irunik pekengelan nami.

2 Corinto 11:27

Misegaran'u suk pekterbahu bu' bu'us; taang run nda' naik tulug'u; miperii'anu bu' kininumu; taang run nda' nai gigu' nek pekaan'u, gempenilungan, awas mesuub.

2 Corinto 12:10

Pidleliyagu ri se nga keluya, se ngak pektampela', se ngak pegantus, se ngak pedlutus, bu' se nga keliseran, tendeng sek peksunud ri ni Christ. Ay bu' meluyau, meksiligenu tumu'.

2 Corinto 6:10

isan pesi' migu'ul, pidleliyag ami kanunay; isan pupus ami, ma'ad binaal nami neng meratu' sung melaun ne nga getaw riin se gispirituhanen; bu' isan pa nda'irunik petigayun nami, tumu' mi'angken nami gaid su dlaun ne ngag betang.

San Santiago 1:12

Pedleliyagen su ngang mekpebilin neng metinumanen isan se ngak pengindan, tendeng ay bu' mekegantus ilan se ngak pengindan, mekerawat ilan se ketubu' gisip ganti nek sinaad ned Diwata tu se ngang mikpetail ri seniin.

Pirayag 21:3

Rayun mirengeg'u sung mesekeg nek talu' neg buwat sek trunu: “Nemuun suk pekengelan ned Diwata duma na se nga getaw! Mekengel giin duma senilan, bu' gilan mbaal ne nga getawaan. Sud Diwata mismu duma na ri senilan, bu' giin mbaal ned Diwata nilan.

Pirayag 7:16

Ndi' ilan na gaid mperii'an awas kinumen; isan pa sung melebiyan ne kiinit ne gendaw gena' mekesereng ri senilan,