San Lucas 1:77 - Sug Begu Ne Keligenan

⁷⁷ sek pegasuy tu se nga getawaan neng meluwas ilan pebiyan sek pekpasaylu riin se ngak sala' nilan.

San Lucas 1:77 Iomraidhean Croise

San Lucas 3:3

Aas linaup ni Juan sek pegwali su dlaun ne dlugar sek pelibut seg Bagel tubig neg Jordan, “Peddiksu' bu' beleng niyu suk sala' niyu bu' mekpebendyag amu bu' pasayluun nud Diwata su ngak sala' niyu.”

San Lucas 3:6

Bu' me'ita' ne dlaun ne nga getawan suk pedluwas nud Diwata riin se nga getaw!’”

San Juan 1:29

Sek sunud ne gendaw, mi'ita' ni Juan si Jesus neng mikpagaw ri seniin, miktalu' rayun si Juan ri se nga getaw, “Enlengay niyu, giin sung Nati ne Karniru ned Diwata, sung mekpasaylu sek sala' se dlaun ne nga getaw ri seg benwa.

San Juan 1:34

Bu' mi'ita'u giin bu' pimetuuran'u ne Giin sug Bata' ned Diwata.”

Su Ngak Pimbaal 10:43

Su dlaun ne ngak propeta migasuy metendeng ri seniin, neng miktalu' ne su dlaun neng mektu'u ri seniin pasayluun ri ngak sala' nilan pebiyan se ga'em ri se ngalanen.”

Su Ngak Pimbaal 19:4

Miktalu' si Pablo ri senilan, “Sug bendyag ni Juan para ri se ngang middiksu' ri se ngak sala' nilan; bu' miktalu' si Juan tu se nga getaw Israel ne kina'enlan mektu'u ilan seng meddendug ri seniin, ne genda'irun nai dlain bu' ndi' si Jesus.”

Su Ngak Pimbaal 2:38

Miksembag si Pedro senilan, “Salasala ri seniyu meddiksu' ri se ngak sala' niyu bu' mekpebendyag amu ri se ngalan ni Jesus Christ arun mpasaylu su ngak sala' niyu bu' merawat niyu rema sug begay ned Diwata ne giin su Gispiritu Santu.

Su Ngak Pimbaal 3:19

Aas meddiksu' amu bu' puli' amu ri sed Diwata arun mpasayluun amu ri se ngak sala' niyu. Bu' baalen niyu ini, begayan amu ne Ginu'u ne ngag begu nek sekeg bu' sugu'en rayun riin seniyu sung Misiyas, si Jesus nek pinili'en na para riin seniyu.

Su Ngak Pimbaal 5:31

Piperitaas ned Diwata si Jesus tu sed dapit dlintuun gisip Geseg bu' Menleluwas arun sek pegbegay nek panahun se nga getaw Israel sek peddiksu' bu' arun mpasaylu su ngak sala' nilan.

Roma 3:25

Binegay giin ned Diwata, arun pebiyan se dugu'en mbaal giin ne getaran ne su ngak sala' ne nga getaw mpasaylu pebiyan ri sek pektu'u nilan ri seniin. Binaal ini ned Diwata arun sek pekpe'ita' ne giin metareng. Nud diin melipebeba'en giin bu' nda'en pengebetay run su ngak sala' ne nga getaw; ma'ad nemuun inebeten na su ngak sala' nilan arun sek pekpe'ita' ne giin metareng, bu' baalenen neng metareng su dlaun neng mektu'u riin ni Jesus.

Efeso 1:7

Ay pebiyan sed dugu' ni Christ, linekat ita, neng migulugan nek pinasaylu na su ngak sala' ta. Gendun kebagel su kepiya ned Diwata,