San Juan 2:24 - Sug Begu Ne Keligenan

²⁴ Ma'ad si Jesus nda'en salig su gegulingenen tu senilan tendeng ay misuunaan ma su dlaun ne nga getaw,

San Juan 2:24 Iomraidhean Croise

San Mateo 9:4

Misuunan ni Jesus landunik pigena'ena' nilan, bu' miktalu' giin tu senilan, “Tuma ma megena'ena' amu neng melaat ne ngag betang?

San Marcos 2:8

Misuunan rayun ni Jesus suk pigena'ena' nilan, aas miktalu' giin tu senilan, “Tuma ma megena'ena' amu ma neng maa' niin ne ngag betang?

San Juan 1:42

Inuwiten si Simon ritu ni Jesus. Migenleng rayun si Jesus tu ni Simon bu' miktalu', “Dya'a masi' si Simon sug bata' ni Juan. Ingelanan'u dya'a nek Cepas (maa' ra nek Pedro ne su gulugaan batu).”

San Juan 16:30

Nandaw, misuunan na nami neng misuunan mu su dlaun ne ngag betang bu' nda'a pedlekina'enlan ned duun paing meksaak seni'a. Aas miktu'u ami ne dya'a buwat gaid sed Diwata.”

San Juan 21:17

Miksaak se ketelu neg higayun si Jesus, “Simon neg bata' ni Juan, pinetail mau ba?” Migu'ul si Pedro tendeng ay miksaak si Jesus ri seniin se ketelu, “Pinetail mau ba?” Miksembag si Pedro, “Ginu'u, misuunan mu su dlaun ne ngag betang. Misuunan mu nek pinetail'u dya'a.” Miktalu' si Jesus seniin, “Na, ingat mu su nga getaw neng mikpesakup senaan maa' sek pegingat mu ri se nga karniruu.

San Juan 4:16

Miktalu' si Jesus seniin, “Puli'a bu' uwit mu rini sug bana mu.”

San Juan 5:42

Ma'ad misuunan'u amu ne suk pekpetail ri sed Diwata nda' riin seniyu.

San Juan 6:15

Mbuus si Jesus, mikesuun na neng mateng ilan bu' legesen nilan giin ne mbaal ne gari', migawa' giin ritu bu' tinumuwad puli' tu seg binenturan nek salaan ra.

San Juan 6:64

Ma'ad sud duma riin seniyu genda' pektu'u ri senaan.” (Tendeng ay misuunan ni Jesus gatad pa se getaran bu' ta' su nga gendi' mektu'u riin seniin bu' sung megbudhi' ri seniin.)

Su Ngak Pimbaal 1:24

Mbuus migampu' ilan, “Ginu'u, dya'a sung mikesuun ri se gena'ena' ne kada sala, aas pe'ita' mu ri senami bu' ta' ri senilan duwa' suk pinili' mu

Su Ngak Pimbaal 15:8

Bu' sud Diwata, neng mikesuun ri se gena'ena' se kada sala, pi'ita' ned dinawaten rema su nga gena' Judeo ay binegain ma rema su Gispiritu Santu ri senilan maa' seg binaalen ri senita nud diin.

Hebreo 4:13

Nda'irunig betang neng me'edlud buwat ri sed Diwata; su dlaun neg binaalen mibuwasan bu' miperayag ri seniin. Bu' riin seniin kina'enlan neng menembag ita ri se dlaun nek pimbaal ta.

Pirayag 2:23

Bu' petain'u rema su ngak sumusunuren bu' mbuus su dlaun ne nga dlumpuk ne ngang mektetu'u mekilala ne gaku' giin sung mikesuun se gena'ena' bu' se nga gangut ne getaw. Gentiyan'u suk salasala ri seniyu sumala' seng mibaal niyu.’