San Juan 1:3 - Sug Begu Ne Keligenan

³ Pebiyan ri seniin, binaal ned Diwata su dlaun ne ngag betang; bu' nda' giin, nda'iruni isan landun ne ngag betang ne gembaal.

San Juan 1:3 Iomraidhean Croise

San Juan 1:10

Rini giin seg benwa, bu' isan su nga dlangit bu' dlupa' binaal pebiyan ri seniin, ma'ad su nga getaw ri seg benwa genda' mekilala ri seniin.

San Juan 1:2

Giin sud duma ned Diwata se genda' pa mbaal sug benwa.

1 Corinto 8:6

ma'ad para senita, duunik sala raid Diwata, su Gama' neng migbaal se dlaun ne ngag betang. Giin sung migbegay ri senita ne ketubu' arun mekesaya' ita ri seniin saanay miktetubu' ita. Bu' duunik sala rai Ginu'u, si Jesus Christ nek pebiyan seniin binaal su dlaun ne ngag betang bu' tendeng ri seniin, mitubu' ita.

Efeso 3:9

bu' sek pekpe'ita' tu se dlaun ne nga getaw landuning mi'edlud nek pelanu ned Diwata. Sud Diwata, ne giin sung migbaal se dlaun ne ngag betang, nda'en perayag su ginedluren nek pelanu se dlaun neng minayan ne ngak panahun,

Hebreo 11:3

Pebiyan sek pektu'u, misabut ta ne ginamit ned Diwata suk talu'en sek pegbaal ri se dlangit bu' se dlupa', aas su dlaun neng me'ita', nda' baalay buwat ri seng me'ita'.

1 San Juan 5:1

Su isan ta' sung mektu'u ne si Jesus giin sung Misiyas bata' giin ned Diwata; bu' su isan ta' sung mekpetail ri se gama' mikpetail rema ri seg bata'.

Pirayag 3:14

“Sulat mu ini para seg anghel se dlumpuk ne ngang mektetu'u sed Laodicea: “‘Giin nini sung minsahi nek tinalu' seg Amen, su keseligan bu' metuud nek sintigus, ne giin su getaran se dlaun neg binaal ned Diwata.

Pirayag 4:11

“Ginu'u nami bu' Diwata! Dya'a su gembaya' dumawat sek peksaya', pekpesiddengeg, bu' se ga'em. Ay dya'a ma sung migbaal se dlaun ne ngag betang, bu' pebiyan se keliyag mu, mibaal su dlaunan, aas duuni ketubu' nilan.”