Numere 12:3 - BIBELE

³ Moshe e ne e le motho ya mosa haholo ho feta batho bohle ba kileng ba phela lefatsheng.

Sesotho 1909/1961 (SO)

³ Haele Moshe, e ne e le monna ya mosa, ya mosa ho fetisa motho ofe le ofe ya lefatsheng.

Numere 12:3 Iomraidhean Croise

Dipesaleme 147:6

Morena o phahamisa ba eisehang, ba kgopo o ba dihela fatshe.

Dipesaleme 149:4

Morena o kgahlwa ke setjhaba sa hae, o tlotlisa bahlophehi ka ho ba pholosa.

Numere 12:4

Hanghang Morena a bua ho Moshe, le ho Arone, le ho Meriama, a re: “Lona ba bararo tloong ka Tenteng ya Morena!” Boraro ba bona ba tla ka Tenteng ya Morena.

Mattheu 11:29

Itjariseng joko ya ka, le ithute ka nna, kahobane ke mosa, ke na le pelo e ikokobeditseng, mme le tla fumana phomolo.

Mattheu 21:5

“Bolellang moradi wa Sione: Bona! Kgosi ya hao e tla ho wena e ikokobeditse, e palame tonki, e palame petsana ya tonki.”

Mattheu 5:5

Ho lehlohonolo ba mosa, hobane lefatshe e tla ba lefa la bona.

2 Bakorinthe 10:1

Nna Paulosi, eo ho thweng ke konyana ha ke le hara lona, empa ke tau ha ke le hole le lona, ka bonna ke ipiletsa ho lona ka mosa le ka bopelonolo ba Kreste.

2 Bakorinthe 11:5

Empa ha ke kgolwe hore baapostolahadi bao ba mpheta ka letho.

2 Bakorinthe 12:11

Ke fetohile sethoto, hobane ke lona ba ntlamileng ho ba jwalo. Ke ne ke lokela ho pakwa ke lona, etswe leha ke se letho, baapostolahadi bao ha ba mphete ka letho.

1 BaThesalonika 2:7

le hoja re ka be re nnile ra le kgoka, kaha re le baapostola ba Kreste. Empa re ile ra ba bonolo ha re le hara lona, jwalokaha mosadi a baballa bana ba hae.

Jakobo 3:13

Ke mang hara lona, ya bohlale, ya nang le tsebo? Ka boitshwaro ba hae bo botle, a ke a bontshe hore mesebetsi ya hae e etswa ka boikokobetso bo dumellanang le bohlale.

1 Petrose 3:4

Mokgabo wa lona o sa senyeheng o tswe botebong ba dipelo tsa lona, e leng moya wa mosa le kgutso, oo e leng ntho ya bohlokwa ho Modimo.