Tshenolo 6:14 - Sesotho 1909/1961 (SO)

¹⁴ Lehodimo le finahana jwaloka lengolo ha le phuthwa, mme dithaba le dihlekehleke kaofela tsa suthiswa ditulong tsa tsona.

BIBELE

¹⁴ Lehodimo la meneha jwaloka buka ha e kwalwa, mme dithaba tsohle le dihlekehleke tsa suthiswa ditulong tsa tsona.

Baasraak Sotho NT

¹⁴ Lehodimo la tloha jwaloka moqolo ha o phuthwa; mme dithaba tsohle le dihlekehleke tsohle tsa tloswa tulong tsa tsona.

Contemporary Southern Sotho Bible 2024

¹⁴ Lehodimo la tloha jwaloka moqolo ha o phuthwa; mme dithaba tsohle le dihlekehleke tsohle tsa tloswa tulong tsa tsona.

Tshenolo 6:14 Iomraidhean Croise

Dipesaleme 102:26

Wona a tla fela, empa wena, o tla nne o be teng; a tla tsofala jwaloka seaparo; o tla a fetola jwaloka kobo, mme a tla fetoha;

Isaia 34:4

Makgotla kaofela a mahodimo a tla qhibiliha; mahodimo a tla menwa jwaloka buka e ngodilweng, makgotla a wona a wele fatshe jwaloka mahlaku a morara ha a foforeha, le jwaloka mahlaku a sefate sa feiye ha a pona.

Isaia 54:10

Dithaba di ka sutha, maralla a sisinyeha, empa mohau wa ka o ke ke wa tloha ho wena, mme selekane sa ka sa kgotso se ke ke sa sisinyeha: ho bolela Jehova ya o hauhetseng.

Jeremia 3:23

Efela poloko e tswang maralleng le dithabeng ke thetso feela; efela pholoho ya Iseraele e ho Jehova, Modimo wa hae.

Jeremia 51:25

Bona, ke tla ho wena, thaba e senyang, ho bolela Jehova, wena ya senyang lefatshe kaofela; ke tla otlolla letsoho la ka hodima hao, ke o dihe mafikeng, ke o fetole thaba e tjhesitsweng;

Ezekiele 38:20

Pontsheng ya ka, ho tla thothomela dihlapi tsa lewatle, le dinonyana tsa lehodimo, le diphoofolo tsa naha, le dihahabi tsohle tse hahabang fatshe, le batho bohle ba lefatsheng; dithaba di tla heletswa, dilomo di thetehe, marako wohle a wele fatshe.

Nahume 1:5

Dithaba di sisinyeha pela hae, maralla a qhibidiha; pela hae lefatshe le a kokomoha, lefatshe la batho, le tsohle tse ho lona.

Habakuke 3:10

Dithaba di a o bona, mme di a meneka; ho feta sekgohola sa metsi; bodiba bo phahamisa lentswe la bona, bo emisetsa matsoho a bona hodimo.

Habakuke 3:6

O a ema, mme o thothometsa lefatshe; o a tadima, mme o tlakasedisa ditjhaba; dithaba tsa kgale di a qhalana, o pharama le maralla a boholoholo. Tsela tsa hae ke tsa boholoholo.

2 Petrose 3:10

Letsatsi la Morena lona le tla tla ka mokgwa wa leshodu la bosiu, mme ka lona mahodimo a tla feta ka lerata le tshabehang, mme metheo ya dintho e tla fediswa ke ho tjha, le lefatshe le tla tjha ruri le mesebetsi e ho lona.

Tshenolo 16:20

Dihlekehleke tsohle tsa baleha, mme dithaba ha di a ka tsa hlola di fumanwa.

Tshenolo 20:11

Yaba ke bona terone e tshweu e kgolo, le e mong ya dutseng hodima yona; yaba lefatshe le lehodimo di baleha pela sefahleho sa hae, mme ha di a ka tsa hlola di fumanelwa sebaka.

Tshenolo 21:1

Yaba ke bona lehodimo le letjha le lefatshe le letjha; hobane lehodimo la pele le lefatshe la pele di ne di fetile, le lona lewatle le ne le se le le siyo.