Numere 35:12 - Sesotho 1909/1961 (SO)

¹² Metse eo e tla ba ditshabelo tsa ho balehela mophetetsi wa madi, mmolai a tle a se ke a bolawa a eso ho hlahe pela phutheho a ahlolelwa teng.

BIBELE

¹² Metse ena e tla ba setshabelo sa lona ho mophetetsi, e le hore mmolai a tle a se ke a bolawa a eso hlahiswe kapele ho setjhaba hore a ahlolwe.

Numere 35:12 Iomraidhean Croise

2 Samuele 14:7

Jwale, bohle ba mofuta wa heso ba tsohetse lekgabunyane la hao matla, ba tlile, ba re: Re neele ya bolaileng ngwanabo, re tle re mmolaye ka baka la moya wa ngwanabo eo a mmolaileng, re timetse mojalefa. Ka ho etsa jwalo, ba rata ho tima leshala le hlenneng, le setseng ho nna, ba se ke ba siela monna wa ka lebitso, leha e le ya salang wa hae lefatsheng.

Numere 35:13

Hara metse eo le tlang ho e nea Balevi, e tsheletseng e tla ba metse ya setshabelo ho lona.

Numere 35:19

Mophetetsi wa madi o tla bolaya mmolai; mohla a teanang le yena, o tla mmolaya.

Deuteronoma 19:4

Haele mmolai ya ka balehelang teng ho boloka ho phela ha hae, ha e ke e be ya tshohileng a bolaya wa habo a sa rate, eo a neng a sa mo hloya maoba le maobane.

Deuteronoma 19:6

esere mohlomong mophetetsi wa madi a phallela mmolai, ha pelo ya hae e sa le bohale, mme ha tsela e le telele, a mo tshwara, mme a mmolaya, leha a sa tshwanelwa ke lefu; athe o ne a sa hloya wa habo maobane le maoba.

Joshua 20:2

Bolella bana ba Iseraele, o re: Ikgetheleng metse ya ho tshabela teng, eo ke le laetseng yona ka Moshe;

Joshua 20:9

Ke yona metse e beetsweng bana ba Iseraele bohle le baditjhaba ba jakileng hara bona, e le hore e mong le e mong ya bolaileng motho, a sa etse ka boomo, a tshabele teng, a se ke a bolawa ke mophetetsi wa madi, a eso ho hlahe pela phutheho.