Mareka 14:61 - Sesotho 1909/1961 (SO)

⁶¹ A mpa a kgutsa, a se ke a araba letho. Moprista e moholo a boela a mmotsa, a re ho yena: Na ke wena Kreste, Mora wa Modimo o bokwang na?

BIBELE

⁶¹ Empa yena a kgutsa, a se ke a araba letho. Moprista e Moholo a mmotsa hape, a re: “Na o Kreste, Mora wa Ya Bokehang?”

Baasraak Sotho NT

⁶¹ Empa a kgutsa, a se ke a araba letho. Moprista e Moholo a boela a mmotsa, a re ho yena: “Na o Kreste, Mora wa Ya Bokwang?

Contemporary Southern Sotho Bible 2024

⁶¹ Empa a kgutsa, a se ke a araba letho. Moprista e Moholo a boela a mmotsa, a re ho yena: “Na o Kreste, Mora wa Ya Bokwang?

Mareka 14:61 Iomraidhean Croise

Dipesaleme 119:12

O bokwe, Jehova! Nthute dikomelo tsa hao!

Dipesaleme 2:7

A nke ke phethe morero; Jehova o itse ho nna: O Mora wa ka, kajeno ke o tswetse.

Dipesaleme 39:9

Ke a kgutsa, ha ke ahlamise molomo, hobane ke wena ya sebetsang.

Isaia 53:7

A etswa hampe, a ntse a mamelletse, a se ke a ahlamisa molomo wa hae, jwaloka konyana e iswang hlabong, le jwaloka nku e semumu pela bakuti ba yona; ha a ka a ahlamisa molomo wa hae.

Mattheu 16:16

Yaba Simone Petrose o araba, a re: O Kreste, Mora Modimo o phelang.

Mattheu 3:17

Mme ha utlwahala lentswe le tswang mahodimong, le re: Enwa ke Mora wa ka ya ratwang, eo ke kgahliswang ke yena.

Mattheu 8:29

Ba howa, ba re: Taba ya rona le wena keng, Mora wa Modimo? Na o tlile mona ho re hlokofatsa, e eso ho be nako ya teng na?

Mareka 14:60

Yaba moprista e moholo o ema kahare, a botsa Jesu, a re: Na ha o arabe letho na? Seo bao ba o qosang ka sona keng?

Mareka 15:2

Pilato a mmotsa, a re: Na o morena wa Bajuda na? A araba, a re ho yena: O boletse teng.

Johanne 1:34

Le nna ke bone, mme ke pakile hore enwa ke Mora Modimo.

Johanne 10:24

Yaba Bajuda ba mo teela hare, ba re ho yena: O tla re dikadikisa ho fihlela neneng? Ekare ha o le Kreste, o re bolelle phatlalatsa.

Johanne 10:36

haele nna ya halaleditsweng, ya romilweng lefatsheng ke Ntate, le ka bolela jwang, la re, ke a nyefola, ha ke itse, ke Mora wa Modimo?

Johanne 18:37

Pilato a re ho yena: Ke ho re, o morena na? Jesu a mo araba, a re: O a bolela, ke morena; ke tswaletswe hona, mme ke tletse hona lefatsheng, ke tle ke pake nnete. E mong le e mong eo e leng wa nnete, o utlwa lentswe la ka.

Johanne 19:7

Bajuda ba mo araba, ba re: Re na le molao, mme ka molao wa rona o lokelwa ke ho shwa, hobane o ikentse Mora wa Modimo.

Johanne 19:9

A boela a kena kgotla, a re ho Jesu: O wa hokae na? Empa Jesu ha a ka a mo nea karabo.

Diketso 8:32

Karolo ya lengolo leo a neng a le bala e ne e le yona ena: O huletswe hlabong jwaloka nku, hape o ne a le jwaloka konyana e semumu pela mokuti wa yona, mme ha a ka a ahlamisa molomo wa hae.

1 Timothea 1:11

e leng ka Evangeli e kganyang ya Modimo o lehlohonolo, eo ke e laetsweng.

1 Timothea 6:15

eo ponahalo ya hae e tlang ho hlahiswa nakong ya teng ke eo e leng ya lehlohonolo, ya matla a nnotshi, Mmusi wa babusi le Morena wa marena;

1 Petrose 2:23

enereha a rohakwa, o ne a sa rohake; ha a ne a utlwiswa bohloko, o ne a sa bope; empa o ne a tshepa ya ahlolang ka ho loka;