Luka 22:61 - Sesotho 1909/1961 (SO)

⁶¹ Morena a reteleha, a sheba Petrose. Mme Petrose a elellwa polelo ya Morena kamoo a neng a mmolelete kateng, a re: Mokoko ha o eso ho lle, o tla be o se o ntatotse hararo.

BIBELE

⁶¹ Yaba Morena o a reteleha, o tadima Petrose, mme Petrose a hopola polelo ya Morena, kamoo a ileng a re ho yena kateng: “Kajeno, pele mokoko o lla, o tla be o se o ntatotse hararo.”

Baasraak Sotho NT

⁶¹ Morena a reteleha, a tadima Petrose. Yaba Petrose o elellwa lentswe la Morena, kamoo a mmoletseng kateng, a re: Pele mokoko o lla, o tla be o se o ntatotse hararo.

Contemporary Southern Sotho Bible 2024

⁶¹ Morena a reteleha, a tadima Petrose. Yaba Petrose o elellwa lentswe la Morena, kamoo a mmoletseng kateng, a re: Pele mokoko o lla, o tla be o se o ntatotse hararo.

Luka 22:61 Iomraidhean Croise

Jobo 33:27

O bina pela batho, o re: Ke na be ke sitilwe, ka kgopamisa ho loka; empa ha ke a ka ka otlelwa ho tlola ha ka;

Ezekiele 16:63

hore o tle o hopole, o hlajwe ke dihlong, mme o se ke wa hlola o ahlamisa molomo wa hao ka baka la dihlong tsa hao, mohla ke o leballang tsohle tseo o di entseng; ho rialo Morena Jehova.

Hosea 11:8

Oho! nka o lahla jwang, Efraime? Iseraele, nka o tela jwang? Nka o lahla jwang jwaloka Adma? Nka o etsa jwang jwaloka Tseboime? Pelo ya ka e fetoha ka ho nna, mehauhelo ya ka yohle e tsohile.

Mattheu 26:34

Jesu a re ho yena: Kannete ke re ho wena: Ka bona bosiu bona, mokoko ha o eso ho lle, o tla be o se o ntatotse hararo.

Mattheu 26:75

Yaba Petrose o elellwa se boletsweng ke Jesu, kamoo a neng a itse ho yena kateng: Mokoko ha o eso ho lle, o tla be o se o ntatotse hararo. Yaba o tswela ntle, a lla habohloko.

Mareka 5:30

Jesu a mpa a phakisa a lemoha ka ho yena matla a tswileng ho yena, mme a reteleha hara bongata, a re: Ke mang ya amileng kobo ya ka?

Luka 10:41

Empa Jesu a araba, a re ho yena: Maretha, Maretha, o belaela, o ikgathatsa ka tse ngata;

Luka 22:34

Empa Jesu a re: Petrose, ke a o bolella hoba mokoko o ke ke wa lla kajeno, o eso ho latole hararo hore o a ntseba.

Luka 22:60

Empa Petrose a re: Monna towe, ha ke tsebe seo o se bolelang. Empa hanghang, a re a sa bua, mokoko wa lla.

Luka 22:62

Yaba Petrose o tswela ntle, a lla habohloko.

Luka 7:13

Eitse ha Morena a mmona, a mo utlwela bohloko, a ba a re ho yena: Se lle.

Luka 7:19

Yaba Johanne o bitsa barutuwa ba hae ba babedi, a ba romela ho Jesu, a re: Na ke wena ya boletsweng, ho thwe, o tla tla, kapa re sa lebeletse e mong na?

Johanne 13:38

Jesu a mo araba, a re: O re, o tla tela bophelo ba hao ka baka la ka na? Kannetenete ke re ho wena: Mokoko o eso ho lle, o tla be o se o ntatotse hararo.

Diketso 5:31

Modimo o mo phahamiseditse letsohong le letona la wona, hore e be yena Morena le Mmoloki ya neang Iseraele pako le tshwarelo ya dibe.

Baefese 2:11

Ka baka leo, le ke le hopole hobane lona bao pele le neng le le baditjhaba ka nama, le neng le bitswa maqai ke ba bitswang babolli ka lebollo le etswang nameng ka matsoho;

Tshenolo 2:5

Hopola hle moo o weleng, mme o bake, mme o etse mesebetsi ya pele; ha ho se jwalo, ke tla tla ho wena, ke tlose kandelare ya hao tulong ya yona, ha o sa bake.