Levitike 23:19 - Sesotho 1909/1961 (SO)

¹⁹ Le tla hlahisa phooko, e be sehlabelo sa sebe, le dikonyana tse tona tse pedi tse lemo se le seng, e be sehlabelo sa teboho.

BIBELE

¹⁹ Hape o tla nyehela ka phooko e le nyehelo e tlosang sebe, le ka dikonyana tse pedi tse tona, tse nang le selemo, e le sehlabelo sa nyehelo ya teboho.

Levitike 23:19 Iomraidhean Croise

Levitike 16:15

O tla hlabela setjhaba phooko ya sehlabelo sa sebe; o tla isa madi a yona kamora lesira, mme o tla etsa ka madi ao jwalokaha a entse ka madi a pohwana, o tla foka ka wona hodima sekwahelo, le pela sona.

Levitike 23:18

Mahobe a tla ekeletswa ka setjheso seo le tla se etsetsa Jehova ka konyana tse supileng tse lemo se le seng, tse se nang sekodi, le ka pohwana, le ka dipheleu tse pedi; le tla se hlahisa le nyehelo le ditshelo tsa sona, e tle e be sehlabelo se tjhesitsweng ka mollo, se monko o monate ho Jehova.

Levitike 23:20

Moprista o tla tsokotsa ntho tseo pela Jehova, hammoho le bohobe ba dilopotsiya, le dikonyana tse pedi; di tla kgethelwa Jehova, mme e tla ba tsa moprista.

Numere 15:24

ekare ha le sitilwe ka ho se tsebe, phutheho e sa ka ya lemoha, phutheho yohle e tla hlahisa sehlabelo sa pohwana, e be setjheso se monko o monate ho Jehova, hammoho le nyehelo ya sona le tshelo ya sona e loketseng; mme le teng e hlahise phooko ya sehlabelo sa sebe.

Numere 28:30

Le tla hlaba phooko, le tle le etsetswe pheko. Le tla hlahisa mahlabelo ao, kantle ho ditjheso tsa kamehla le dinyehelo tsa tsona.

Baroma 8:3

Hobane se neng se sita molao, ke ho fokodiswa ke nama, Modimo o se entse ha o romile Mora wa wona ka nama e tshwanang le ya baetsadibe, le ka baka la sebe, mme o tswile sebe nameng;

2 Bakorinthe 5:21

Hobane ya sa kang a tseba sebe, Modimo o mo entse sebe ka baka la rona, re tle re bewe ka yena ba lokileng pela Modimo.