Levitike 14:10 - Sesotho 1909/1961 (SO)

¹⁰ Ka letsatsi la boroba meno e le mmedi, o tla tlisa dikonyana tse pedi tse tona, tse se nang sekodi, le nku e lemo se le seng, e se nang sekodi, le dikarolo tse tharo tsa boshome ba efa ya lefi la phofo le dubilweng ka ole, ho di etsa nyehelo, le loge ya ole e be teng.

BIBELE

¹⁰ “Ka letsatsi la borobedi o tla nka dikonyana tse pedi, tse tona, tse se nang sepha; le konyana ya sethojana e nang le selemo, e se nang sepha; le phofo e thumisehileng, e boima ba dikilo tse tharo, e dubilweng ka ole, e le nyehelo ya phofo; le ole e ka etsang halofo ya lethara.

Levitike 14:10 Iomraidhean Croise

Eksoda 29:40

o hlahise konyana e nngwe le e nngwe e na le tekanyo ya leshome ya phofo e sefilweng, e dubilweng tekanyong ya bone ya hine ya ole e hlwekileng, le tshelo ya karolo ya bone ya hine ya veine.

Levitike 1:10

Sehlabelo sa hae haele setjheso sa dikgutshwane, sa dinku, kapa sa dipodi, o tla ntsha e tona, e se nang sekodi.

Levitike 1:3

Ha sehlabelo sa hae e le setjheso sa kgomo, a hlahise e tona e se nang sekodi, a e hlahise monyako wa tente ya pokano, a tle a amohelwe ke Jehova.

Levitike 14:11

Moprista ya etsang hlatsuo, o tla hlahisa motho ya itlhatswang le dintho tseo pela Jehova, monyako wa tente ya pokano.

Levitike 14:12

Moprista o tla nka e nngwe ya dikonyana tse tona, eo a tlang ho e hlahisa le loge ya ole, e be sehlabelo sa molato, mme o tla di tsokotsa, e be kabelo e tsokoditsweng pela Jehova.

Levitike 14:15

Moprista o tla nka logeng ya ole, mme o tla tshela koting sa seatla sa hae se setshehadi;

Levitike 14:21

Empa ekare haele mofumanehi, mme a sitwa ho hlahisa ntho tseo, o tla nka konyana e tona e le nngwe, e be sehlabelo sa molato, mme o tla e hlahisa ka tsokotso, e be pheko ya hae; a tlise le karolo ya leshome ya efa ya lefi la phofo le dubilweng ka ole, e be nyehelo, le loge ya ole,

Levitike 2:1

Ekare ha motho a rata ho hlahisetsa Jehova nyehelo, nyehelo ya hae a e be ya lefi la phofo; o tla le tshela ka ole, a le nonetse ka dibano.

Levitike 2:11

Leha le hlahisetsa Jehova nyehelo efe le efe, e se ke ya etswa ka ditomoso, hobane le ke ke la tjhesetsa Jehova nyehelo ya setjheso e nang le ditomoso, leha e le dinotshi.

Levitike 2:13

O tla noka ka letswai nyehelo tsohle tseo o di hlahisang; o ke ke wa lebala le ka mohla o le mong letswai la selekane sa Modimo wa hao nyehelong ya hao; o tla kenya letswai nyehelong e nngwe le e nngwe eo o e hlahisang.

Levitike 23:13

le tla se ekeletsa ka dikarolo tse pedi tsa boshome ba efa ya lefi la phofo le dubilweng ka ole, e be nyehelo e tjheswang ka mollo, e monko o monate ho Jehova: tshelo ya veine eo le tla e hlahisa e be ya karolo ya bone ya hine.

Levitike 4:32

Ha ekaba a hlahisa nku ya sehlabelo sa sebe, o tla hlahisa e tshehadi, e sa nang sekodi.

Levitike 9:1

Ka letsatsi la boroba meno e le mmedi, Moshe a bitsa Aarone, le bara ba hae, le baholo ba Iseraele, a re ho Aarone:

Numere 28:20

Le tla di ekeletsa ka nyehelo ya lefi la phofo le dubilweng ka ole, e ba karolo tse tharo tse boshome ka pohwana, le karolo tse pedi tsa boshome ka pheleu,

Numere 6:14

O tla hlahisetsa Jehova kabelo ya hae, e leng konyana e tona e lemo se le seng, e se nang sekodi, e be setjheso; le sethole sa nku se se nang sekodi, se lemo se le seng, e be sehlabelo sa sebe, le pheleu e se nang sekodi, e be sehlabelo sa teboho;

Numere 7:43

Kabelo ya hae ya eba mokeke wa silefera, boima ba wona e le dishekele tse lekgolo le mashome a mararo; le morifi wa silefera wa dishekele tse mashome a supileng, e leng dishekele tsa sehalalelo; tse pedi tseo di ne di tletse lefi la phofo le dubilweng ka ole, e be nyehelo;

Mattheu 8:4

Jesu a re ho yena: O iponele, o se ke wa bolella motho; o mpe o ye, o ipontshe ho moprista, mme o hlahise mpho e laetsweng ke Moshe, e tle e be bopaki ho bona.

Mareka 1:44

a re ho yena: Bona! o se ke wa bolella motho letho; o mpe o ye, o ipontshe ho moprista, mme o ananele ntlafalo ya hao ka se laetsweng ke Moshe, e tle e be bopaki ho bona.

Luka 5:14

A mo laela, a re, a se ke a bolella motho, a re: O mpe o yo ipontsha ho moprista, mme o ananele ho ntlafala ha hao kamoo Moshe a laetseng kateng, e tle e be bopaki ho bona.

Johanne 1:29

Ka hosasane, Johanne a bona Jesu a etla ho yena, mme a re: Bonang, ke Konyana ya Modimo e tlosang dibe tsa lefatshe.

Johanne 6:33

Hobane bohobe ba Modimo ke bo theohileng lehodimong, bo neang lefatshe bophelo.

Johanne 6:51

Ke nna bohobe bo phelang, bo theohileng lehodimong; ekare ha motho a eja bohobe bona, o tla phela kamehla; mme bohobe boo ke tla mo nea bona, ke nama ya ka, eo ke tla e nea lefatshe, le tle le phele.

1 Petrose 1:19

empa e le ka madi a bohlokwa a Kreste, konyana e se nang letheba le sekodi;