Jobo 41:11 - Sesotho 1909/1961 (SO)

¹¹ Ke mang eo ke nang le molato wa hae, ke tle ke tshwanele ho mo lefela? Tsohle tse katlasa lehodimo kaofela ke tsa ka.

BIBELE

¹¹ Ya ntsekisang molato ke ofe, ke tsebe ho mo lefela? Ditsohletsohle tlasa lehodimo ke tsa ka.

Jobo 41:11 Iomraidhean Croise

Jobo 26:6

Nqalo ya bafu e feela pela wona; ho wona bodiba ha bo na tshirelo.

Jobo 28:24

hobane o bona ho isa pheletsong tsa lefatshe, o shadima tsohle tse tlasa lehodimo.

Jobo 34:33

A Modimo o tla ya ka wena, ha o putsa motho na? O re, ha o kgolwe ke molao oo o yang ka wona! A e be wena, e seng nna, ya kgethang o mong molao; hlahisa seo o se tsebang!

Jobo 35:7

Ha o lokile, o o thusitse kang? O ruile eng ka mosebetsi wa hao?

Jobo 41:12

Nke ke ka kgutsa kamoo ditho tsa yona di bopehileng kateng, le matla a yona, le botle ba sebopeho sa yona.

Jobo 9:5

O tshoha o suthisa dithaba, o di heletsa kgalefong ya wona.

Dipesaleme 115:16

Haele mahodimo, ke mahodimo a Jehova, mme lefatshe o le neile bana ba batho.

Dipesaleme 21:3

O mo rakile ka mahlohonolo a molemo, o mo rwesitse moqhaka wa kgauta e tshekehileng hloohong.

Dipesaleme 24:1

Lefatshe ke la Jehova le tsohle tse ho lona, lefatshe le ba ahileng ho lona.

Dipesaleme 50:12

Hola ke a lapa, ke be nke ke ka o bolella; hobane lefatshe ke la ka, le tse ho lona kaofela.

Eksoda 19:5

Mme jwale ekare ha le ka fela la utlwa lentswe la ka, la boloka selekane sa ka, le tla ba le letlotlo la ka la sebele hara ditjhaba tse ding kaofela, etswe lefatshe lohle e le la ka.

Baroma 11:35

Kapa ke mang ya mo fileng pele, ho tle ho busetswe ho yena?

1 Bakorinthe 10:26

hobane lefatshe ke la Morena, le ho tlala ha lona.

1 Bakorinthe 10:28

Empa etlere ha motho a le bolella, a re: Ntho eo e hlabetswe ditshwantsho, le se ke la e ja ka baka la ya le eleditseng, le ka baka la letswalo; hobane lefatshe ke la Morena, le ho tlala ha lona.

Deuteronoma 10:14

Bona, mahodimo le mahodimo a mahodimo ke a Jehova, Modimo wa hao, le lona lefatshe le dintho tsohle tse ho lona.

Joshua 3:11

bonang, areka ya selekane sa Morena wa lefatshe lohle e ya tshela Jordane e le eteletse pele.