Jobo 39:13 - Sesotho 1909/1961 (SO)

¹³ Mpshe e pheretla ka mapheo e thabile; e ntle ka masiba le mapheo, empa ha e na lerato.

BIBELE

¹³ “Mapheo a dimpshe a phuphusela ka thabo, empa e ke ke ya fofa jwaloka mokotatsie.

Jobo 39:13 Iomraidhean Croise

1 Marena 10:22

Hobane morena o ne a na le sehlopha sa dikepe tsa Tarshishe lewatleng, hammoho le dikepe tsa Hirame; kepe tsa Tarshishe di ne di tlisa hang ka dilemo tse tharo kgauta, le silefera, le naka tsa ditlou, le ditshwene, le dipikoke.

2 Dikronike 9:21

Hobane dikepe tsa morena di ne di ya Tarshishe le bahlanka ba Hurame, mme ha ho fetile dilemo tse tharo, kepe tsa Tarshishe di ne di fihla, di tlisa kgauta le silefera, le manaka a ditlou, le ditshwene, le dipikoke.

Jobo 30:29

Ke se ke le ngwanabo phokojwe le molekane wa mpshe.

Jobo 39:12

Na o tla e tshepa hore e tlise mabele a hao hae, le ho a thotha seotlong sa hao na?

Jobo 39:14

Hobane e ye e tlohele mahe a yona fatshe, a tle a alangwe ke lehlabathe;

Dipesaleme 104:17

moo dinonyana di ikgahelang dihlaha tsa tsona teng, moo mokotatsie o dutseng hodima dikiprese.

Jeremia 8:7

Haele mokotatsie, o tseba nako ya yona lehodimong, le leeba, le lefokotsane, le moholodi, di nne di lemohe nako ya ho boela ha tsona; empa setjhaba sa ka, ha se tsebe tokelo ya Jehova.

Levitike 11:16

mpshe, kgohwadira, letlakapipi, le phakwe ka mefuta ya tsona;

Levitike 11:19

mokotatsie, masianoke, ka mefuta ya tsona, le lehehemu, le mmankgane.

Sakaria 5:9

Jwale, ka emisa mahlo a ka, ka tadima; mme bonang, ha hlaha basadi ba babedi, mapheo a bona a tletse moya, ba ne ba na le mapheo a jwaloka mapheo a mokotatsie; mme ba emisetsa efa mahareng a lefatshe le lehodimo.