Jobo 16:15 - Sesotho 1909/1961 (SO)

¹⁵ Ke apesitse letlalo la ka ka lesela le mahwashe, mme ka silafatsa lenaka la ka ka lerole.

BIBELE

¹⁵ “Mmeleng wa ka ke apere tse mahwashe, ka phatla ya ka leroleng ka sunyama;

Jobo 16:15 Iomraidhean Croise

Genese 37:34

Yaba Jakobo o hahola dikobo tsa hae, a itlama letheka ka lesela le mahwashe, a llela mora wa hae ka ditshiu tse ngata.

1 Marena 21:27

Akabe, ha a utlwa taba tseo, a hahola diaparo tsa hae, a itlama mmele ka lesela le mahwashe, a itima dijo, a robala ka lesela le mahwashe, a nanya butle.

Jobo 19:9

O ntlhobodisitse kganya ya ka, o rotse moqhaka hloohong ya ka.

Jobo 30:19

Modimo o ntihetse seretseng, ke tshwana le lerole le melora.

Dipesaleme 69:11

ha nka ikapesa ka lesela le mahwashe le teng ke tsosa ditshomo tsa bona.

Dipesaleme 7:5

sera a se ke se phallele moya wa ka, se ntshware, se setlakelle bophelo ba ka fatshe, se hulanye kganya ya ka leroleng. (Sela.)

Dipesaleme 75:10

Ke tla roba dinaka tsa ba bolotsana; empa dinaka tsa ba lokileng di tla phahamiswa.

Dipesaleme 75:5

Le se ke la phahamisa lenaka la lona hakalo, le se ke la bua ka bonyefodi, ka melala e sataletseng!

Isaia 22:12

Morena, Jehova wa makgotla, o le bileditse ho lla le ho hlomoha ka tsatsi leo, ho kuta moriri le ho apara lesela le mahwashe.

KOLI-YA-MALLA 3:29

a ke a bee molomo wa hae leroleng ka ho re: Mohlomong tshepo e teng!

1 Samuele 2:1

Anna a rapela, a re: Pelo ya ka e thabetse Jehova, lenaka la ka le emisitswe ke Jehova; molomo wa ka o ahlametse dira tsa ka, ke tswe ke nyakaletse ke poloko ya hao.

1 Samuele 2:10

Jehova o tla tshosa ba mo tsekisang, o tla ba dumisetsa a le lehodimong. Jehova o tla ahlola dipheletso tsa lefatshe; o tla nea morena wa hae matla, a emise lenaka la motlotsuwa wa hae!