Jeremia 8:16 - Sesotho 1909/1961 (SO)

¹⁶ Modumo wa dipere tsa hae o utlwahetse Dane, fatshe lohle le reketla ke dillo tse tshabehang tsa tsona; ba ya tla ho bolaya naha le tseo e tletseng tsona, metse le baahi ba yona.

BIBELE

¹⁶ Ho kgorohla ha pere tsa Sera ha utlwahala, ha utlwahala ho etswa Dane, naha yohle ya thothomela ha e utlwa ho tsetsela ha pere tsa dishoqopa, hoba di tlile ho tla timetsa naha, ho timetsa le tsohle tse leng ho yona: Motse le baahi bohle ba wona.”

Jeremia 8:16 Iomraidhean Croise

Jobo 39:20

Na o ile wa e qotomisa jwaloka tsie na? Ho kurutla ha masoba a dinko tsa yona ho budula tshabo.

Dipesaleme 24:1

Lefatshe ke la Jehova le tsohle tse ho lona, lefatshe le ba ahileng ho lona.

Jeremia 10:25

O ke o tshollele kgalefo ya hao ditjhabeng tse sa o tsebeng le merabeng e sa rapeleng lebitso la hao; hobane ba jele Jakobo, ba mo jele le ho mo qeta, ba ripitlile leaho la hae.

Jeremia 3:24

Dihlong di jele mofufutso wa bontata rona esale le botjheng ba rona, dinku tsa bona le dikgomo tsa bona, bara ba bona le baradi ba bona.

Jeremia 30:16

Leha ho le jwalo, bohle ba o jang ba tla jewa, bohle ba o patisang ba tla iswa kaofela kgolehong; ba o tlatlapang ba tla tlatlapjwa, bohle ba o senyang ke tla ba neela tshenyeho.

Jeremia 30:5

Ho itswe ke Jehova: Re utlwa mohoo wa tshabo; ke tshoho, hase kgotso.

Jeremia 4:24

Ke tadima dithaba, mme bonang, di a thothomela, marallana kaofela a tlakasela.

Jeremia 4:7

Tau e tswile letsabeng la yona, mosenyi wa ditjhaba o futuhile, o tswile nqalong ya hae ho senya lefatshe la hao, metse ya hao e tle e ripitlwe, e be e hloke moahi.

Jeremia 47:3

ka baka la modumo wa ho hata ha ditlhako tsa dipere tsa hae tse matla, le la ho matha ha makoloi a hae le ho dumaduma ha maoto a wona. Bontata bana ha ba tadime bana, hobane ho fokotse matsoho;

Jeremia 5:17

Se tla ja lehwetla la hao le bohobe ba hao; se je bara ba hao le baradi ba hao; se je dinku tsa hao le dikgomo tsa hao, se je merara ya hao le difeiye tsa hao, se heletse ka lerumo metse ya hao e diqhobosheane, eo o e tshepileng.

Jeremia 50:42

Ba tshwere seqha le lerumo, ba bohalehale, ha ba na ho hauhela; lentswe la bona le duma jwaloka lewatle, ba palamile dipere, ba hlomeletse ntwa jwaloka motho ya tlang ho o lwantsha, wena moradi wa Babilona.

Jeremia 51:29

Lefatshe le a sisinyeha, le a thekesela, hobane morero wa Jehova o etsahalla Babilona ho fetola lefatshe la Babilona lesupi feela, le se nang moahi.

Jeremia 6:23

Ba tshwere seqha le lerumo, ba bohalehale, ha ba na ho hauhela; lentswe la bona le duma jwaloka lewatle, ba palamile dipere, ba hlometse jwaloka motho ya o futuhelang, wena moradi wa Sione.

Nahume 3:2

Utlwang lerata la diphadi ke lena, le modumo o moholo wa maoto a makoloi, le pere tse kgemang, le makoloi a tlolakang!

Habakuke 3:10

Dithaba di a o bona, mme di a meneka; ho feta sekgohola sa metsi; bodiba bo phahamisa lentswe la bona, bo emisetsa matsoho a bona hodimo.

1 Bakorinthe 10:26

hobane lefatshe ke la Morena, le ho tlala ha lona.

1 Bakorinthe 10:28

Empa etlere ha motho a le bolella, a re: Ntho eo e hlabetswe ditshwantsho, le se ke la e ja ka baka la ya le eleditseng, le ka baka la letswalo; hobane lefatshe ke la Morena, le ho tlala ha lona.

Baahlodi 18:29

Mme motse oo ba o rea lebitso la Dane, ka lebitso la Dane ntata bona, ya neng a tswaletswe Iseraele. Empa bitso la pele la motse e ne e le Laishe.

Baahlodi 20:1

Yaba bana ba Iseraele bohle ba tswa, ho tloha Dane le ho isa Beerseba, le naheng ya Gileade, mme Baiseraele ba phuthehela Mitspe pela Jehova, jwaloka hoja ke motho a le mong.

Baahlodi 5:22

Ke mohlang oo ditlhako tsa dipere di kileng tsa batalatsa lefatshe ke ho baleha hampe, ke ho baleha hampe ha dinatla tsa hae.