Jeremia 43:4 - Sesotho 1909/1961 (SO)

⁴ Ha ba ka ba utlwa lentswe la Jehova, e le yena Johanane, mora Karea, le balaodi kaofela ba makgotla, le setjhaba kaofela, la hore ba nne ba ahe lefatsheng la Juda.

BIBELE

⁴ Kahoo bo-Johanane, mora wa Karea, le balaodi bohle ba mabotho, le setjhaba sohle, ba se ke ba mamela lentswe la Morena, la hore ba ahe naheng ya Juda.

Jeremia 43:4 Iomraidhean Croise

2 Marena 25:26

Ebile setjhaba sohle, ba banyenyane le ba baholo, le balaodi ba makgotla, ba tloha, ba ya Egepeta, kahobane ba ne ba tshaba Bakalde.

2 Dikronike 25:16

A re a sa bua, morena a re ho yena: Na re o entse neng moeletsi wa morena? Tloha! O ratelang ho otlwa? Yaba moporofeta o tloha, a re: Ke tseba hoba Modimo o rerile ho o timetsa, kahobane o entse hoo, mme o sa ka wa mamela keletso ya ka.

Dipesaleme 37:3

O be le tshepo ho Jehova, o etse ho hotle; o ahe lefatsheng, o ikgorisetse nneteng.

Moeklesia 9:16

Ka ba ka re: Bohlale bo molemo ho ena le matla, leha bohlale ba mofutsana bo nyediswa, mme mantswe a hae a sa elwe hloko.

Jeremia 41:16

Yaba Johanane, mora Karea, le balaodi ba makgotla kaofela ba neng ba le ho yena, ba nka masala wohle a setjhaba ao Ishmaele, mora Nethania, a neng a a tlositse Mitspe, hobane a bolaye Gedalia, mora Akikame, e leng banna ba dinatla tsa ntwa, le basadi le bana, le maqhalaha, ba ba kgutlisa Gibeone;

Jeremia 42:21

Mme ke fela ke le tsebisitse tsona kajeno; empa ha le utlwe lentswe la Jehova, Modimo wa lona, le tsohle tseo a nthomileng tsona ho lona.

Jeremia 42:8

Yaba o bitsa Johanane, mora Karea, le balaodi kaofela ba makgotla ba neng ba le ho yena, le setjhaba kaofela, ba banyenyane le baholo;

Jeremia 44:5

Ba mpa ba sa ka ba utlwa; ha ba ka ba sekeha ditsebe tsa bona, hore ba bake bolotsaneng ba bona, mme ba lese ho tjhesetsa medimo esele dibano.