Jakobo 3:16 - Sesotho 1909/1961 (SO)

¹⁶ Hobane moo mona le kgang di leng teng, ke moo ho leng moferefere le mesebetsi yohle e mebe.

BIBELE

¹⁶ Moo lefufa le dikgang di leng teng, ho na le meferefere le mesebetsi e kgopo.

Baasraak Sotho NT

¹⁶ Hobane moo mona le dikomang di leng teng, ho na le moferefere le mesebetsi yohle e mebe.

Contemporary Southern Sotho Bible 2024

¹⁶ Hobane moo mona le dikomang di leng teng, ho na le moferefere le mesebetsi yohle e mebe.

Jakobo 3:16 Iomraidhean Croise

Genese 11:9

Ka baka leo, motse oo wa rewa Babele, kahobane ke moo Jehova a ferekantseng teng puo ya lefatshe lohle, le moo Jehova a ba qhalanyeditseng teng lefatsheng lohle.

Genese 38:9

Empa Onane, ka ho tseba hobane bana e ke ke ya eba ba hae, e ne e re ha a eya ho mosadi wa moholwane wa hae, o ne a ithusetsa fatshe, a tle a se ke a fa moholwane bana.

Mareka 3:25

le ntlo ha e kgaohane ho itwantsha, ntlo eo e ke ke ya tiya.

Diketso 19:29

Motse kaofela wa ba wa tlala moferefere; ba phallela theatereng hammoho hobane ba tshware Gaiuse le Aristarke, banna ba Masedonia, balekane ba Pauluse.

Baroma 2:8

empa ba ngangellang, ba sa utlweng nnete, ba utlwang ho sa lokang, o ba nee kgalefo le bohale.

1 Bakorinthe 14:33

Hobane Modimo hase Modimo wa moferefere, empa e le wa kgotso, jwalokaha ho bonwa dikerekeng tsohle tsa bahalaledi.

1 Bakorinthe 3:3

hoba le sa le ba nama. Hobane haele moo mona o sa le teng hara lona, le diphapang, na ha le ba nama na? na ha le ye ka mokgwa wa batho na?

2 Bakorinthe 12:20

Hobane ke a tshoha hoba, ekaba mohla ke tlang, ke tla le fumana le se jwalokaha nka le rata, mme le nna le tla fumana ke se jwalokaha le rata, mme mohlomong ke tla fihlela dikgang, le mehono, le diphapang, le dikomang, le ditshebo, le diketselletso, le boikgohomoso, le meferefere.

Bagalata 5:20

ke ho rapela medimo ya bohata, le boloi, ke hloyano, le dikomang, ke mona, le bohale, le dikgang, le diphapang, le dikgaohano;

Jakobo 3:14

Empa ha ekaba le ena le mona o bohloko le kgang ka dipelong tsa lona, le se ke la ithorisa, mme le se ke la etsa leshano, ka ho sitelwa nnete.

1 Johanne 3:12

mme re se ke ra ba jwaloka Kaine, e neng e le wa e mobe, mme a bolaile ngwanabo. Mme o mmolaile ka baka lang? Ke hobane yena mesebetsi ya hae e ne e le e mebe, athe ya ngwanabo e ne e lokile.