Jakobo 1:8 - Sesotho 1909/1961 (SO)

⁸ Ke motho ya pelo tse pedi, ya dikadikang metsamaong ya hae yohle.

BIBELE

⁸ hobane ke motho ya sa tsebeng moo a emeng teng, ya sa tsitsang ditseleng tsohle tsa hae.

Baasraak Sotho NT

⁸ Motho wa menahano e mmedi o a tsitsipana ditseleng tsohle tsa hae.

Contemporary Southern Sotho Bible 2024

⁸ Motho wa menahano e mmedi o a tsitsipana ditseleng tsohle tsa hae.

Jakobo 1:8 Iomraidhean Croise

1 Marena 18:21

Elia a atamela pela setjhaba sohle, a re: Le tla tenyetsehela ho le hokae ka nqa tse pedi? Ha Jehova e le Modimo, mo lateleng; ha eba ke Baale, mo lateleng. Empa setjhaba ha se a ka sa mo araba letho.

2 Marena 17:33

Ba tshaba Jehova jwalo, ba sebeletsa le medimo ya bona ka mokgwa wa ditjhaba tseo ba neng ba tlositswe hara tsona.

2 Marena 17:41

Haele ditjhaba tseo, tsa tshaba Jehova jwalo, tsa mpa tsa sebeletsa le ditshwantsho tsa bona; le bana ba bona le ditloholo tsa bona ba ntse ba etsa le kajeno jwalokaha ho nnile ha etsa bontata bona.

Dipesaleme 119:113

SAMEK. Ke hloile mehopolo e dikadikang, empa ke rata molao wa hao.

Isaia 29:13

Morena o itse: Erekaha setjhaba sena se ikatametsa ho nna ka molomo, se ntlhonepha ka melomo, athe pelo ya sona e hole le nna, le tshabo eo ba ntshabang ka yona e le molao feela wa batho, oo ba o rutilweng,

Hosea 10:2

Pelo tsa bona di mano; jwale, ba tla kgalemelwa. Modimo o tla qhebolla dialetare tsa bona, o fedise ditshwantsho tsa bona.

Mattheu 6:22

Lebone la mmele ke leihlo; ka baka leo, ha leihlo la hao le lokile, mmele wohle wa hao o tla ba le lesedi.

Mattheu 6:24

Ha ho motho ya ka tsebang ho sebeletsa marena a mabedi: hobane kapa o tla hloya e mong, a rate e mong; kapa o tla kgomarela e mong, a nyedise e mong. Le ka sitwa ho sebeletsa Modimo le Mamona.

Jakobo 1:7

Ya jwalo a se ka a tshepa hobane a ka newa letho ke Morena.

Jakobo 4:8

Atamelang Modimo, mme o tla le atamela. Baetsadibe, hatlelang, mme lona ba pelo di pedi, hlatswang dipelo tsa lona.

2 Petrose 2:14

Mahlo a bona a tletse bofebe le sebe se sa phetseng, ba tjheha meya e dikadikang; ba na le dipelo tse hlalefetseng ho batla leruo; ke ba rohakilweng.

2 Petrose 3:16

jwalokaha a ngola mangolong a hae wohle, moo a bolelang tse jwalo; empa ho wona ho na le ditaba tse ding tse thata, tseo ba sa rutehang le ba tetemang ba di kgopamisetsang tahleho ya bona, jwalokaha ba etsa mangolo a mang.