Eksoda 17:3 - Sesotho 1909/1961 (SO)

³ Setjhaba se fela se ne se nyoretswe metsi, sa ngangisa Moshe, sa re: O ne o re ntshetsang Egepeta, ho tla re bolaisa lenyora rona le bana ba rona, le makgomo a rona?

BIBELE

³ Setjhaba sa nyorelwa metsi haholo, mme sa nna sa korotlela Moshe, sa re: “Ke hobaneng ha o re ntshitse Egepeta, ho tla re bolaya ka lenyora, rona le bana ba rona, le diphoofolo tsa rona?”

Eksoda 17:3 Iomraidhean Croise

Nehemia 9:15

Wa ba nea bohobe bo tswang mahodimong ho ba fepa, wa ba ntshetsa metsi lefikeng ho ba nosa, wa re ho bona, ba kene, mme ba rue lefatshe leo o neng o hlapantse hore o tla ba nea lona.

Nehemia 9:20

O nnile wa ba fa moya wa hao o molemo ho ba hlalefisa; ha o a ka wa tima melomo ya bona manna ya hao, mme wa nna wa ba nea metsi a ho ba nosa.

Dipesaleme 107:5

ba ne ba shwele ke tlala le ke lenyora, meya ya bona e ne e idibana kahare ho bona.

Eksoda 12:38

Letshwele le kopakaneng la ya le bona, le mehlape ya manku le ya makgomo a mangata haholo.

Eksoda 14:11

Ba re ho Moshe: Hleka ho ne ho se mabitla Egepeta, ha o re tlisitse ho shwela lefeelleng na? O ne o re etsang, ha o re ntsha Egepeta?

Eksoda 15:24

Setjhaba sa ngangisa Moshe, sa re: Re tla nwang?

Numere 14:22

Haele batho bana kaofela ba boneng kganya ya ka le mehlolo eo ke e entseng Egepeta le lefeelleng, ba seng ba ntekile ha leshome, ba sa kang ba utlwa lentswe la ka,

Numere 20:4

Na ke ka baka lang le tlisitseng phutheho ya Jehova lefeelleng lena, hore re shwele teng, rona le makgomo a rona?