Diproverbia 2:9 - Sesotho 1909/1961 (SO)

⁹ Jwale, o tla tseba ho loka le tshwanelo le bokgabane le mekgwa yohle e molemo.

BIBELE

⁹ O tla utlwisisa ho loka, ho tshepeha, le ho nepahetseng, o utlwisise le ditsela tsohle, tsela tsohle, tse lokileng;

Diproverbia 2:9 Iomraidhean Croise

Jeremia 6:16

Ho itswe ke Jehova: Emang ditseleng le tadime, le botse ditsela tsa kgale; botsang hore na tsela e ntle ke efe? mme le tsamaye ka yona, le tle le fumanele meya ya lona phomolo. Ba mpa ba re: Ha re na ho tsamaya teng.

Isaia 48:17

Ho itswe ke Jehova, Molopolli wa hao, Mohalaledi wa Iseraele: Nna Jehova, Modimo wa hao, ke o ruta se o tshwanelang, ke o tsamaisa ka tsela eo o tshwanetseng ho tsamaya ka yona.

Johanne 14:6

Jesu a re ho yena: Ke nna tsela, le nnete, le bophelo; ha ho motho ya ka tlang ho Ntate, haese ka nna.

Dipesaleme 119:99

Ke na le kutlwisiso e fetisang ya ba nthutang kaofela, hobane dikeletso tsa hao ke nahano ya ka.

Dipesaleme 32:8

Ke tla o ruta, ke o bontshe tsela eo o tshwanetseng ho ya ka yona; ke tla o lemosa ke ntse ke o tadimile ka mahlo.

Isaia 35:8

Mmila o tla ba teng le tsela e bitswang tsela ya kgalalelo; ha ho motho ya ditshila ya tlang ho feta teng, e tla ba ya ba lokileng feela; ya tsamayang tseleng eo leha e le sethoto, a ke ke a lahleha.

Dipesaleme 119:105

NUN. Lentswe la hao ke lebone la maoto a ka, ke lesedi tseleng ya ka.

Diproverbia 4:18

Tsela ya ba lokileng e jwaloka lesedi le kganyang, le ntseng le eketsa ho kganya ho fihlela motshehare o moholo o phethehileng.

Diproverbia 8:20

Ke tsamaisa motho tseleng ya ho loka le mmileng o tatametseng.

Diproverbia 28:5

Ba babe ha ba utlwisise se lokileng; empa ba batlang Jehova ba utlwisisa ditaba tsohle.

Dipesaleme 25:12

Na motho ke ofe ya tshabang Jehova? Jehova o tla mmontsha tsela eo a tshwanetseng ho ikgethela yona.

Diproverbia 4:12

Ha o tsamaya teng, o ke ke wa patiswa maoto; mme ha o matha, o ke ke wa kgoptjwa.