Diketso 21:3 - Sesotho 1909/1961 (SO)

³ Yare ha re hlahela sehlekehleke sa Sipera, ra se teela ka ho le letshehadi, ra leba Siria, mme ra fihla Tire; hobane sekepe se ne se tshwanela ho phahlwa teng.

BIBELE

³ Yare hoba re hlahele Sipera, mme re e nee letsoho le letshehadi, ra tshelela Siria ka sekepe, ra emisa Tire, hobane sekepe se ne se tshwanetse ho laolla thoto teng.

Baasraak Sotho NT

³ Eitse ha re bona Sipera, ra e siya ka ho le letshehadi, ra kena ka sekepeng ho ya Siria, mme ra emisa Tire, hobane sekepe se ne se tla laolla phahlo ya sona teng.

Contemporary Southern Sotho Bible 2024

³ Eitse ha re bona Sipera, ra e siya ka ho le letshehadi, ra kena ka sekepeng ho ya Siria, mme ra emisa Tire, hobane sekepe se ne se tla laolla phahlo ya sona teng.

Diketso 21:3 Iomraidhean Croise

2 Samuele 8:6

Davida a ntoo bea bahlabani naheng ya Siria ya Damaseka, mme Basiria ya eba bafo ba Davida, ba mo ntshetsa lekgotho. Jehova a nna a boloka Davida jwalo hohle moo a yang.

Dipesaleme 45:12

Moradi wa Tire o tla o nyehela, ba baholo hara setjhaba ba o ananele.

Dipesaleme 87:4

Hara ba ntsebang ke tla bala Egepeta le Babilona; Filestia ke eo le Tire, le Ethiopia; di tswaletswe teng.

Isaia 7:2

Eitse ha ntlo ya Davida e bolellwa ho thwe, Basiria ba kopane le Baefraime, pelo ya Akase le dipelo tsa batho ba hae tsa sisinyeha, jwaloka difate tsa meru ha di sisinngwa ke moya.

Mattheu 11:21

Ho madimabe wena, Korasine! ho madimabe wena, Bethsaida! hobane mehlolo e entsweng ha eno, hola ya be e entswe Tire le Sidone, metse eo e ka be e bakile kgale, ka masela a mahwashe le ka molora.

Mattheu 4:24

Botumo ba hae ba utlwahala Siria yohle; ha tliswa ho yena bohle ba seng monate ke malwetse a mefutafuta, le ba tshwerweng ke mafu, le ba nang le bademona, le ba jewang ke sethwathwa, le ba omeletseng ditho; mme a ba fodisa.

Luka 10:13

Ho madimabe wena, Korasine! Ho madimabe wena, Bethsaida! Hobane mehlolo e entsweng hara lona, hoja ya be e entswe Tire le Sidone, metse eo e ka ba e bakile kgale ka masela a mahwashe le ka molora.

Luka 2:2

Palo eo ke ya pele, ya etswa Kuirine e le mmusisi wa Siria.

Diketso 11:19

Ba neng ba qhalantswe ke hloriso e hlahileng ka Setefane, ba fetela pele ho ya Fenisia, le Sipera, le Antioke, ba sa bolelle motho lentswe, haese Bajuda ba nnotshi.

Diketso 12:20

Heroda o ne a halefetse Batire le Basidone. Empa ba tla ho yena ba le lentswe le le leng, mme yare ha ba itlholetse Blaste, qhoku ya morena, ba kopa kgotso, kahobane naha ya bona e ne e sela ho ya morena.

Diketso 13:4

Yare hobane Moya o Halalelang o ba rome, ba theohela Selosia; teng ba kena sekepeng, ba tshelela Sipera.

Diketso 15:23

Ba ba ba ngola ka bona, ba re: Re le baapostola le baholo le baena, dumelang, lona baena ba ditjhaba tsa Antioke, tsa Siria, le tsa Silisia!

Diketso 15:39

Phapang ya hlaha ke hona, ba ba ba kgaohana. Barnabase a nka Mareka, a tshelela Sipera ka sekepe.

Diketso 15:41

Mme a etela dinaha tsa Siria le tsa Silisia, a ntse a tiisa dikereke tsa teng.

Diketso 18:18

Pauluse a boela a hlola teng matsatsi a mangata, a ntoo dumedisa baena, a ya Siria ka sekepe, a ena le Priscila le Akila, a ikutisitse hlooho Kenkrea, kahobane a ne a itlamile ka kano.

Diketso 21:16

Barutuwa ba bang ba Sesarea le bona ba ya le rona, ba re isa ha Mnasone, morutuwa wa kgale, ya tswang Sipera, eo re neng re tshwanetse ho fapohela ha hae.

Diketso 21:2

Teng, ra fumana sekepe se fetelang Fenisia; ra kena ho sona, ra tswela pele.

Diketso 21:7

Yare hobane re tswe Tire, ra kena Ptolemaise, moo leeto la rona la sekepe le feletseng teng; yaba re dumedisa baena, ra hlola tsatsi le le leng le bona.

Diketso 27:4

Yare ha re tlohile teng, ra sika le sehlekehleke sa Sipera, kahobane sekepe se ne se hanelwa ke moya.

Diketso 4:36

Le yena Jose, ya reilweng Barnabase ke baapostola, e leng ho re, mora tshediso, ha ho fetolwa, e neng e le Molevi, ya tswaletsweng Sipera,

Baahlodi 10:6

Bana ba Iseraele ba boela ba etsa ho leng hobe pela Jehova; ba sebeletsa boBaale le boAshtarothe, le medimo ya Siria, le medimo ya Sidone, le medimo ya Moabe, le medimo ya bana ba Ammone, le medimo ya Bafilesta; ba furalla Jehova, ba lesa ho mo sebeletsa.