Baefese 2:20 - Sesotho 1909/1961 (SO)

²⁰ le mohaho o theilweng hodima motheo wa baapostola le wa baporofeta, oo Jesu Kreste e leng yena lejwe la ntlha la wona;

BIBELE

²⁰ Le hahilwe hodima motheo oo e leng baapostola le baporofeta, oo Kreste Jesu ka sebele e leng lejwe la mantlha la wona.

Baasraak Sotho NT

²⁰ mme le hahilwe hodima motheo wa baapostola le baporofeta, Jesu Kreste ka sebele sa hae ke lejwe la ntlha la motheo;

Contemporary Southern Sotho Bible 2024

²⁰ Mme le hahilwe hodima motheo wa baapostola le baporofeta, Jesu Kreste ka sebele sa hae ke lejwe la ntlha la motheo;

Baefese 2:20 Iomraidhean Croise

1 Marena 7:11

Kahodima wona, ha hahuwa ka majwe a hlokwang, e le majwe a betlilweng ka tekano ya wona, le ka dikedare.

Dipesaleme 118:22

Lejwe le lahlilweng ke bahahi, le fetohile lejwe la ntlha, la motheo.

Diproverbia 9:1

Bohlale bo hahile ntlo ya jona ka ditshiya tse supileng tse betlisitsweng hantle.

Isaia 28:16

Ka baka leo, Morena Jehova o boletse, a re: Bonang, ke bea lejwe Sione, e be motheo, lejwe le lekilweng, lejwe la ntlha la bohlokwa, le theilweng ka mokgwa o tiileng; ya dumelang ha a na ho baleha.

Sakaria 10:4

Ho yena Juda ho tla tswa lejwe la ntlha, ho yena ho tswe kgokgwane, ho yena ho tswe seqha sa ntwa, ho tla tswa le ho yena babusi kaofela hammoho.

Mattheu 16:18

Hape, ke re ho wena, o Petrose, mme kahodima lejwe leo, ke tla haha kereke ya ka, mme dikgoro tsa nqalo ya bafu ha di ka ke tsa e hlola.

Mattheu 21:42

Jesu a re ho bona: Ana ha le a ka la bala Mangolong taba e reng: Lejwe leo bahahi ba le lahlileng, ke lona le entsweng la motheo, la sekgutlo? Le entswe le jwalo ke Morena, mme ke le makatsang mahlong a rona.

1 Bakorinthe 12:28

Mme bao Modimo o ba beileng kerekeng, pele ke baapostola, ba bobedi ke baporofeta, ba boraro ke baruti, ho ntoo ba ba mehlolo, le dineo tsa phodiso, le ditshebeletso, le ditsamaiso, le mefuta ya dipuo.

Bagalata 2:9

Jakobo, le Kefase, le Johanne, eitse ha ba lemoha mohau oo ke o neilweng, ba re nea matsoho a bolekane, nna le Barnabase, hore rona re ikele ho baditjhaba, mme bona ba ye ho ba lebollo.

Baefese 3:5

Sephiri seo ha se a ka sa senolelwa bana ba batho melokong e fetileng, jwalokaha se tswa senolwa mehleng ena ke Moya ho baapostola ba hae ba halalelang, le ho baporofeta;

BaKolose 2:7

le ntse le tebisa metso ho yena, le thewa ka ho yena, le tiya tumelong, jwalokaha le rutilwe, le ntse le tletse teboho.

1 Petrose 2:6

Hobane ho itswe Lengolong: Bonang, ke bea Sione lejwe la ntlha, le kgethilweng, la bohlokwa; mme ya dumelang ho lona a ke ke a swaba.

Tshenolo 21:14

Lerako la motse le na le metheo e leshome le metso e mmedi eo ho ngodilweng ho yona mabitso a baapostola ba Konyana ba leshome le metso e mmedi.