2 Bakorinthe 3:7 - Sesotho 1909/1961 (SO)

⁷ Mme ekare ha tshebeletso ya lefu, e ngodilweng ka diletere tse betlilweng majweng, e ne e na le kganya e kgolo, bana ba Iseraele ba ba ba sitwa ho tadima Moshe mahlong, ka baka la kganya ya sefahleho sa hae, athe ke e neng e tla fela;

BIBELE

⁷ Molao oo tshebeletso ya wona e isang lefung, o ngotsweng ka ditlhaku majweng, o ile wa fanwa ka tlotla, hoo bana ba Iseraele ba neng ba sitwa ho tadima sefahleho sa Moshe, ke baka la tlotla e felang ya sefahleho sa hae.

Baasraak Sotho NT

⁷ Empa ha tshebeletso ya lefu, e ngodilweng, e betlilweng majweng, e ne e na le kganya, hoo bana ba Iseraele ba neng ba sitwa ho tadima sefahleho sa Moshe ka baka la kganya ya sefahleho sa hae; e leng tlotla e neng e tla fela.

Contemporary Southern Sotho Bible 2024

⁷ Empa ha tshebeletso ya lefu, e ngodilweng, e betlilweng majweng, e ne e na le kganya, hoo bana ba Iseraele ba neng ba sitwa ho tadima sefahleho sa Moshe ka baka la kganya ya sefahleho sa hae; e leng tlotla e neng e tla fela.

2 Bakorinthe 3:7 Iomraidhean Croise

Genese 3:21

Jehova Modimo a etsetsa Adama le mosadi wa hae dikobo tsa matlalo, mme a ba apesa tsona.

Nehemia 9:13

Wa ba wa theohela thabeng ya Sinai, wa bua le bona o le mahodimong; wa ba nea dikahlolo tse lokileng le melao ya nnete, le ditemoso tse molemo le ditaelo.

Dipesaleme 119:174

Jehvoa, ke hlolohetswe poloko ya hao, mme molao wa hao ke dithabiso tsa ka.

Dipesaleme 119:97

MEM. Molao wa hao ke o rata hakakang! Ke o nahana tsatsi lohle.

Eksoda 24:12

Jehova a re ho Moshe: Nyolohela ho nna thabeng, mme o hlole teng; ke tla o nea matlapa a nang le molao le taelo tseo ke di ngodileng hore ba rutwe tsona.

Eksoda 31:18

Eitse hobane Modimo o qetelle ho bua le Moshe, thabeng ya Sinai, wa mo nea matlapa a mabedi a bopaki, matlapa a majwe a ngodilweng ka monwana wa Modimo.

Eksoda 32:19

Eitse ha a atamela diahelong, a bona namane le mehobelo. Yaba bohale ba Moshe bo a tuka, mme a lahla matlapa ka matsoho a hae, a a bolaya mosifeng wa thaba.

Eksoda 34:1

Yaba Jehova o re ho Moshe: O betle matlapa a mabedi a kang a pele, mme ke tla ngola matlapeng mantswe a neng a le matlapeng a pele ao o a bolaileng.

Diketso 6:15

Mme bohle ba dutseng kgotla ha ba mo hlaba ka mahlo, ba bona sefahleho sa hae se le jwaloka sefahleho sa lengeloi.

Baroma 10:4

hobane Kreste ke phetho ya molao, ho bea ya lokileng mang le mang ya dumelang.

Baroma 4:15

hobane molao o hlahisa bohale; hobane moo molao o leng siyo, le ho tlola ho siyo.

Baroma 5:20

Empa molao o hlahile hore tlolo e ngatafale; mme moo sebe se ngatafetseng, mohau le wona o ngatafetse kahodimo;

Baroma 7:10

Ha fihlelwa jwalo hobane taelo e beilweng ho mphedisa, ke yona e mpolaileng.

Baroma 7:22

Hobane haele ka motho wa kahare, ke thabela molao wa Modimo;

Baroma 7:5

Hobane, eitse ha re ne re sa le nameng, maikutlo a dibe, a halefiswang ke molao, a ne a sebetsa dithong tsa rona a tle a hlahise ditholwana tsa lefu.

1 Bakorinthe 13:10

Empa mohla ho hlahang phetheho, ke moo se leng ka nqa e le nngwe feela se tla fediswa.

2 Bakorinthe 3:3

Le a bonahala hoba le lengolo la Kreste, le lokisitsweng ke tshebetso ya rona, le ngodilweng, e seng ka enke, empa e le ka Moya wa Modimo o phelang; ha le a ngolwa matlapeng a lejwe, empa e le matlapeng a nama, a dipelo tsa lona.

2 Bakorinthe 3:6

e leng wona hape o re fileng matla a ho ba basebeletsi ba selekane se setjha, e seng sa letere, empa e leng sa Moya; hobane letere yona e a bolaya, empa Moya o a phedisa.

2 Bakorinthe 3:8

tshebeletso ya Moya e tla ba le kganya e fetisang hakakang!

Bagalata 3:10

Hobane bohle bao e leng ba mesebetsi ya molao, ba thohakong, hobane ho ngodilwe, ho thwe: Ho rohakwe mang le mang ya sa tiisetseng nthong tsohle tse ngodilweng bukeng ya molao, ho di etsa.

Bagalata 3:21

Ha ho le jwalo, na molao o hanana le dipallo tsa Modimo na? Le hanyenyane! Hobane molao o neilweng batho hoja o ka tseba ho phedisa, ruri ho loka ho ne ho tla tswa molaong.

Deuteronoma 4:13

A le tsebisa selekane sa hae, seo a le laetseng hore le etse ka sona, mantswe a leshome; mme a a ngola matlapeng a mabedi.

Deuteronoma 4:8

Ke sefe setjhaba se seholo se nang le melao le ditaelo tse lokileng jwalokaha molao ona wohle oo ke o beang pela lona kajeno?

Deuteronoma 5:22

Dipolelo tseo Jehova o di boleletse phutheho ya lona yohle, a le thabeng hara mollo, le lerung, le lefifing, ka lentswe le leholo, mme ha a ka a eketsa letho. A di ngola matlapeng a mabedi, mme a nnea wona.

Deuteronoma 9:15

Yaba ke a tloha, ka theoha thabeng; thaba e ne e tuka mollo; ke ne ke tshwere matlapa a mabedi a selekane matsohong a ka.

BaHebheru 12:18

Hobane ha le a tla thabeng e ka angwang ka letsoho, leha e le mollong o tjhesang, leha e le lerung le letsho, leha e le lefifing, leha e le sefefong,

BaHebheru 3:3

Hobane Kreste o lekantswe hoba o tshwanelwa ke tlotliso e fetisang ya Moshe, kamoo ya hahileng ntlo a felang a ena le hlompheho kateng, e fetisang ya ntlo.

BaHebheru 9:4

se neng se na le aletare ya dibano ya kgauta, le areka ya selekane e apesitsweng hohle ka kgauta, moo ho kenntsweng pitsa ya kgauta e tshetsweng manna, le thupa ya Aarone e thuntseng, le matlapa a selekane.