2 Bakorinthe 2:3 - Sesotho 1909/1961 (SO)

³ Leha ke ne ke le ngolle jwalo, e ne e le hore mohla ke fihlang, ke se ke ka swabiswa ke bao ke tshwanetseng ho thabiswa ke bona; kamoo ke ntseng ke le tshepile kaofela kateng, hobane thabo ya ka ke ya lona bohle.

BIBELE

³ Ke ka hona ke le ngoletseng lengolo leo. Ke ne ke sa rate hore ha ke etla ho lona ke tlo swabiswa ke bona batho ba tshwanetseng ho nthabisa, hobane ke tseba ka ho tlala hore thabo ya ka ke ya lona bohle.

Baasraak Sotho NT

³ Ke le ngoletse tsona tseo, e le hore mohla ke fihlang, ke se ke ka utlwa bohloko ka baka la bao ke tshwanetseng ho thaba ka bona; ke na le tshepo ho lona bohle, hore thabo ya ka ke ya lona bohle.

Contemporary Southern Sotho Bible 2024

³ Ke le ngoletse tsona tseo, e le hore mohla ke fihlang, ke se ke ka utlwa bohloko ka baka la bao ke tshwanetseng ho thaba ka bona; ke na le tshepo ho lona bohle, hore thabo ya ka ke ya lona bohle.

2 Bakorinthe 2:3 Iomraidhean Croise

1 Bakorinthe 4:21

Na le ratang? Ke tle ho lona ka thupa, kapa ka lerato le ka moya o mosa na?

2 Bakorinthe 1:15

Mme ha ke ne ke ntse ke tshepa jwalo, ke ne ke ratile ho tla ho lona pele, le tle le newe molemo wa bobedi,

2 Bakorinthe 1:23

Mme ke bitsa Modimo, e be paki ya taba tsa moya wa ka, ha ke re, e ne e le ka baka la ho le hauhela, ha ke eso ho ye Korinthe le jwale;

2 Bakorinthe 12:11

Ha ke ithorisitse, ke fetohile lewatla, ke lona le ntshusumeleditseng teng; hobane ke ne ke tshwanelwa ke ho emelwa ke lona, hobane ha ke a ka ka fetiswa ka letho, leha le le leng, ke baapostola ba fetisang ka boholo, leha ke se eng.

2 Bakorinthe 12:21

Mme jwale, ha ke boela ho lona, mohlomong Modimo wa ka o tla nkokobetsa ka lona, mme ke tla hlomoha ka ba bangata ba sitilweng pele, ba sa kang ba baka ditshileng, le bofebeng, le bohloleng boo ba bo entseng.

2 Bakorinthe 13:10

Ke ka baka leo ke ngolang taba tseo, ke sa le siyo ho lona, hore mohla ke leng teng, ke se ke ka etsa ka thata, ka matla ao Morena a nneileng wona ho hahisa, e seng ho heletsa.

2 Bakorinthe 2:9

etswe ke le ngoletse hore ke tle ke le leke, mme ke tsebe hobane na nthong tsohle le a nkutlwa.

2 Bakorinthe 7:12

Leha ke le ngoletse jwalo, e ne e se ka baka la ya sentseng, leha e le ka baka la ya senyeditsweng, empa e ne e le ho bonahatsa ho lona paballo eo re le etsetsang yona pela Modimo.

2 Bakorinthe 7:16

Ke fela ke itumela kahobane nka le tshepa nthong tsohle.

2 Bakorinthe 7:6

Empa Modimo o tshedisang ba kokobetseng, o re tshedisitse ka ho fihla ha Tite.

2 Bakorinthe 7:8

Hobane leha ke le swabisitse ka lengolo la ka, ha ke inyatse ke hona; ha ke ne ke inyatse — ke fela ke bona hobane lengolo leo le le swabisitse, leha ekaba e bile ka motsotso o se okae —

2 Bakorinthe 8:22

Re romile le bona moena e mong, eo re boneng hangata a le mafolofolo ditabeng tse ngata; le jwale o sa na le mafolofolo a fetisang ka ho le tshepa haholo.

Bagalata 5:10

Haele nna, ke le tshepile Moreneng hore le ke ke la ba le kgopolo esele; empa ya le ferekanyang o tla fihlelwa ke kahlolo, leha e ka ba mang le mang.

2 BaThesalonika 3:4

Haele ka lona, re tshepile ka baka la Morena hoba le etsa tseo re le laelang tsona, le hoba le ya nne le di etse.

Filemone 1:21

Ke o ngoletse tseo, ke ntse ke tshepile kutlo ya hao, mme ke a tseba hore o tla etsa le ho fetisa seo ke se boletseng.