1 Marena 7:2 - Sesotho 1909/1961 (SO)

² A haha ntlo ya Moru wa Lebanone; boholo ba yona e ne e le ditswe tse lekgolo, bophara e le ditswe tse mashome a mahlano, bophahamo e le ditswe tse mashome a mararo, e eme ka mathathamo a mane a ditshiya tsa kedare, tse kopantsweng kahodimo ka difate tsa kedare.

BIBELE

² A haha le ntlo e bitswang Moru wa Lebanone. Bolelele ba yona e ne e le dimethara tse mashome a mane a metso e mene, bophara e le dimethara tse mashome a mabedi a metso e mmedi, bophahamo e le dimethara tse leshome le metso e meraro le halofo. E ne e ena le mela e mene ya ditshiya tsa kedare, mme hodima ditshiya tseo ho beilwe maballo a kedare.

1 Marena 7:2 Iomraidhean Croise

1 Marena 10:17

A etsa le dithebe tse makgolo a mararo tsa kgauta e teilweng; thebe e nngwe le e nngwe ya etswa ka kgauta e boima ba pondo tse tharo, mme morena a di bea tlung ya Moru wa Lebanone.

1 Marena 10:21

Mehope yohle ya morena Salomone e ne e le ya kgauta, le dipitsa tsohle tsa ntlo ya Moru wa Lebanone e ne e le tsa kgauta e hlwekileng; ho ne ho se pitsa ya silefera: ho ne ho sa thwe letho ka yona mehleng ya Salomone.

1 Marena 7:3

A kwahela ka kedare dikamore tse mashome a mane a metso e mehlano, tse hahilweng hodima ditshiya di le leshome le metso e mehlano lethathamong le leng le le leng.

1 Marena 9:1

Eitse hobane Salomone a phethe ho haha ntlo ya Jehova, le ntlo ya morena, le tsohle tseo Salomone a lakaditseng ho di etsa,

1 Marena 9:19

le metse yohle ya mediko ya Salomone, le metse ya makoloi, le metse ya bakalli, le tseo Salomone a ithatetseng ho di haha Jerusalema, le Lebanone, le naheng yohle ya mmuso wa hae.

2 Dikronike 9:16

a etsa le dithebe tse makgolo a mararo tsa kgauta e teilweng, thebe e nngwe le e nngwe ya etswa ka dishekele tse makgolo a mararo tsa kgauta e teilweng; mme morena a di bea tlung ya Moru wa Lebanone.

Sefela sa Salomone 7:4

molala wa hao eka tora e sebeditsweng ka dinaka tsa tlou; mahlo a hao a jwaloka matsha a Heshbone, monyakong wa Bathe-Rabbime; nko ya hao e jwaloka tora ya Lebanone e lebileng nqa Damaseka;

Isaia 22:8

Lesira la Juda ha le tloswa, tsatsing leo o tadimile ka nqa dihlomong tse bolokilweng ka tlung ya moru.