1 Marena 11:9 - Sesotho 1909/1961 (SO)

⁹ Ebile moo Jehova a halefelang Salomone, hobane pelo ya hae e be e kgelohile ho Jehova, Modimo wa Iseraele, ya neng a iponahaditse ho yena habedi;

BIBELE

⁹ Morena a halefela Solomone, hobane pelo ya hae e ne e furaletse Morena Modimo wa Iseraele, ya neng a ile a itlhahisa ho yena ka makgetlo a mabedi,

1 Marena 11:9 Iomraidhean Croise

2 Samuele 11:27

Hobane a role thapo, Davida a romela ho mo nkela ha hae, ya eba mosadi wa hae, a ba a mo tswalla moshemane. Empa taba ena, e entsweng ke Davida, ya eba mpe mahlong a Jehova.

2 Samuele 6:7

Ebile Jehova o halefela Ussa, mme Modimo wa mmolaela hona teng ka molato oo; a shwela teng pela areka ya Modimo.

1 Marena 11:8

A etsetsa medimo ya basadi bohle ba hae ba baditjhaba jwalo; le bona ba tjhesetsa medimo ya bona dibano, ba e hlabela mahlabelo.

1 Marena 3:5

Jehova a iponahatsa ho Salomone, Gibeone, ka toro ya bosiu, mme Modimo wa mmolella, wa re: Kopa seo ke tla o nea sona.

1 Marena 9:2

Jehova a iponahatsa ho Salomone la bobedi, jwalokaha a ne a kile a iponahatsa ho yena Gibeone.

1 Dikronike 21:7

Taba eo ya eba mpe mahlong a Modimo, mme a otla Iseraele.

Eksoda 4:14

Yaba kgalefo ya Jehova e tukela Moshe, a re: Aarone Molevi, ngwaneno, na ha a yo na? Ke tseba hobane yena o bua hantle, mme ebile ke enwa ya tlang ho o kgahlanyetsa; etlare ha a o bona, o tla thaba pelong ya hae.

Diproverbia 4:23

Boloka pelo ya hao ka ho fetisisa, hobane ke yona mehlodi ya bophelo.

Hosea 4:11

Bofebe le veine le jwala di fedisa kelello ya bona.

Numere 12:9

Kgalefo ya Jehova ya ba tukela, mme a tloha.

Deuteronoma 3:26

Empa Jehova a nkgalefela ka baka la lona, a se ke a nkutlwa; mme Jehova a re ho nna: Ho lekane, o se ke wa hlola o bua le nna ka taba eo.

Deuteronoma 7:4

hobane bara ba hao ba ka kgeloswa ke bona, hore ba ntlohele, mme ba sebeletse medimo esele, mme kgalefo ya Jehova e ka le tukela, a o fedisa hang.

Deuteronoma 9:20

Hape, Jehova o ne a halefetse Aarone haholo, a rata ho mo timetsa; empa ka rapella le Aarone nakong eo.

Deuteronoma 9:8

Esita le Horebe, le phepheditse Jehova; Jehova a le halefela, a ba a hopola ho le timetsa.

2 Timothea 4:10

hobane Demase o ntahlile ka ho rata lefatshe la jwale, mme o ile Thesalonika; Kresense o ile Galatia, Tite Dalmatia.

1 Samuele 15:11

Ke swabile ha ke beile Saule morena; hobane o mphuraletse, mme ha a phetha mantswe a ka. Moo Samuele a hlomoha, a howeletsa ho Jehova bosiu bohle.