1 Bakorinthe 5:2 - Sesotho 1909/1961 (SO)

² Leha ho le jwalo, le ikgohomositse, kanthe ha le a ka la lla ka ho re, ho tloswe hara lona ya entseng ketso eo!

BIBELE

² Empa le a ikgohomosa, athe le ne le tshwanetse ho itshwabela, mme ya entseng ketso ena ebe o tlositswe hara lona.

Baasraak Sotho NT

² Mme lona le a ikgohomosa, mme haholo ha le a ka la lla, hore ya entseng ketso eo a tloswe hara lona.

Contemporary Southern Sotho Bible 2024

² Mme lona le a ikgohomosa, mme haholo ha le a ka la lla, hore ya entseng ketso eo a tloswe hara lona.

1 Bakorinthe 5:2 Iomraidhean Croise

2 Marena 22:19

kahobane pelo ya hao e swabile, wa ba wa ikokobetsa pela Jehova, mohla o utlwang seo ke se boletseng bakeng sa motse ona le bakeng sa ba ahileng teng, ka re, o tla fetoha lesupi le thohako, wa ba wa hahola diaparo tsa hao, wa lla pela ka, le nna ke utlwile, ho itsalo Jehova.

Dipesaleme 119:136

Diphororo tsa metsi di keleketla mahlong a ka, hobane ha ba boloke molao wa hao!

Jeremia 13:17

Empa ekare ha le sa utlwe hoo, pelo ya ka e tla lla sephiring ka baka la boikgohomoso ba lona, mahlo a ka a tla lla, a be a lle, a tsholle meokgo, ke hobane mohlape wa Jehova o ya iswa kgolehong.

Ezekiele 9:4

mme Jehova a re ho yena: Pholletsa ka motse, ka Jerusalema, o tshwaye diphatla tsa batho ba fehelwang, ba bobolang ka baka la manyala wohle a etswang hara wona.

Ezekiele 9:6

bolayang, le be le timeletse maqheku, le bahlankana, le dikgarebe, le bana ba banyenyane, le basadi; ha e le ba nang le letshwao, le se ke la ba ama; hlong le qale ka sehalalelo sa ka. Yaba ba qala ka banna ba baholo ba leng pela tempele.

Numere 25:6

Ka yona nako eo, ha fihla monna e mong wa bana ba Iseraele, ya tlisang mosadi wa Midiane ho banababo, pontsheng ya Moshe le pontsheng ya phutheho yohle ya bana ba Iseraele, ha ba ntse ba lla monyako wa tente ya pokano.

1 Bakorinthe 4:18

Ba bang ho lona ba ikgantshitse jwaloka hoja ke sa tlo hlola ke eya ho lona.

1 Bakorinthe 5:13

Haele ba kantle, Modimo ke wona o tlang ho ba ahlola. Tlosang e mobe hara lona.

2 Bakorinthe 12:20

Hobane ke a tshoha hoba, ekaba mohla ke tlang, ke tla le fumana le se jwalokaha nka le rata, mme le nna le tla fumana ke se jwalokaha le rata, mme mohlomong ke tla fihlela dikgang, le mehono, le diphapang, le dikomang, le ditshebo, le diketselletso, le boikgohomoso, le meferefere.

2 Bakorinthe 12:21

Mme jwale, ha ke boela ho lona, mohlomong Modimo wa ka o tla nkokobetsa ka lona, mme ke tla hlomoha ka ba bangata ba sitilweng pele, ba sa kang ba baka ditshileng, le bofebeng, le bohloleng boo ba bo entseng.