1 Bakorinthe 1:10 - Sesotho 1909/1961 (SO)

¹⁰ Ke a le rapela, banabeso, ka lebitso la Morena wa rona Jesu Kreste, ke re: Le ke le bolele bohle taba e le nngwe; dikgaohano di se ke tsa eba teng hara lona, le mpe le phethehe boikutlong bo le bong le kgopolong e le nngwe.

BIBELE

¹⁰ Bana beso, ka lebitso la Morena wa rona Jesu Kreste ke ipiletsa ho lona hore bohle le be ntsweleng, dikarohano di be siyo hara lona, le mpe le utlwane, le be le maikutlo a le mang le kgopolo e le nngwe.

Baasraak Sotho NT

¹⁰ Jwale, banabeso, ke a le rapela ka lebitso la Morena wa rona Jesu Kreste, hore le bue bohle ka ho tshwana, hore ho se be le dikgaohano hara lona; le mpe le kopanngwe ka ho phethehileng mohopolong o le mong le mohopolong o le mong.

Contemporary Southern Sotho Bible 2024

¹⁰ Jwale, banabeso, ke a le rapela ka lebitso la Morena wa rona Jesu Kreste, hore le bue bohle ka ho tshwana, hore ho se be le dikgaohano hara lona; le mpe le kopanngwe ka ho phethehileng mohopolong o le mong le mohopolong o le mong.

1 Bakorinthe 1:10 Iomraidhean Croise

Dipesaleme 133:1

Bonang, ho hotle, ho monate hakakang, ha baena ba phela hammoho ba ntse ba le bang!

Jeremia 32:39

Ke tla ba nea pelo e le nngwe le mokgwa o le mong wa ho ntshaba kamehla, ba tle ba be le lehlohonolo, bona le bana ba bona kamora bona.

Mattheu 9:16

Ha ho motho ya ka beang setsiba se setjha seaparong se tsofetseng, hobane setsiba se kenntsweng se ka hahola seaparo, sa eketsa taboho.

Mareka 2:21

Ha ho motho ya rokellang setsiba se setjha seaparong se tsofetseng; ha ho ka etswa jwalo, setsiba se setjha se ka hahola ho tsofetseng, sa eketsa taboho.

Mareka 3:24

Mmuso ha o kgaohane ho itwantsha, mmuso oo o ke ke wa tiya;

Johanne 10:19

Yaba phapang e boela e eba teng hara Bajuda ka baka la dipolelo tseo.

Johanne 17:23

nna ke be ho bona, mme wena o be ho nna, ba tle ba phethehe bonngweng, lefatshe le tle le tsebe hoba o nthomile, le hoba o ba ratile jwalokaha o nthatile.

Johanne 7:43

Yaba bongata bo fapana ka baka la hae.

Johanne 9:16

Ka baka leo, bafarisi ba bang ba re: Motho eo hase wa Modimo, hobane ha a boloke Sabatha. Ba bang ba re: Motho wa moetsadibe a ka etsa jwang mehlolo e kale ka eo na? Mme phapang e ne e le teng hara bona.

Diketso 4:32

Bongata bohle ba ba dumetseng bo ne bo le pelo e le nngwe le moya o le mong feela; ho ne ho se motho ya reng, dintho tseo a nang le tsona ke tsa hae, empa dintho tsa e mong le e mong ba ne ba re, ke tsa bona bohle.

Baroma 1:13

Banabeso, ha ke rate ha le sa tsebe hobane ke rerile hangata ho ya ho lona, ke tle ke kge ditholwana tse ding le ho lona, jwalokaha ke entse ditjhabeng tse ding; ke mpa ke thibetswe ho fihlela jwale.

Baroma 12:1

Ka baka leo, banabeso, ke a le rapela hle ka mehauhelo ya Modimo, hore le ke le o beele mmele ya lona, e be sehlabelo se phelang, se halalelang, se kgahlisang Modimo; ke yona tshebeletso e le tshwanetseng.

Baroma 12:16

Kgomarelanang hammoho ka pelo e le nngwe; le se ke la lakatsa tse phahameng, le mpe le ipapise le tse nyenyane. Le se ke la ipona bohlale.

Baroma 15:30

Jwale, banabeso, ke a le rapela, ka baka la Morena wa rona Jesu Kreste, le ka lerato la Moya, hore le lona le tle le ntwanele merapelong eo le nketsetsang yona ho Modimo;

Baroma 16:17

Jwale, banabeso, ke a le kgothatsa, ke re, le iponele ho ba hlahisang dikgaohano le dikgopiso ka ho senya thuto eo le ithutileng yona, mme le ba sesefe.

1 Bakorinthe 1:11

Hobane, banabeso, ke boleletswe bakeng sa lona ke ba ha Klowe hore dikgang di teng hara lona.

1 Bakorinthe 11:18

Hobane taba ya ho qala, ke hore, ha le phuthehela kerekeng, ke utlwa hoba diphaphang di teng ho lona; mme ka nqa e nngwe ke kgolwa hoba ho jwalo,

1 Bakorinthe 12:25

hore kgaohano e tle e se ke ya eba teng mmeleng, ditho di mpe di baballane.

1 Bakorinthe 3:3

hoba le sa le ba nama. Hobane haele moo mona o sa le teng hara lona, le diphapang, na ha le ba nama na? na ha le ye ka mokgwa wa batho na?

1 Bakorinthe 4:16

Ke le kgothatsa ke hona, ke re, le be baetsisi ba ka.

2 Bakorinthe 10:1

Ke le Pauluse, ke a le kgothatsa ka bonolo le ka mosa wa Kreste, e le nna eo ho thweng ke ikokobetsa ha ke le hara lona, empa ha ke se teng, ke ye ke le etsetse ka matla;

2 Bakorinthe 13:11

Ha ke qetella, banabeso, ke re: Ithabeleng, le phethehe, le tshedisane, le be le kgopolo e le nngwe, le dule ka kgotso; mme Modimo wa lerato le wa kgotso o tla ba le lona.

2 Bakorinthe 13:9

Re thaba ha rona re fokola, le lona ha le le matla; mme seo re se eletsang, ke phetheho ya lona.

2 Bakorinthe 5:20

Re manqosa a Kreste ke hona, mme ho ka thwe, ke Modimo o le kgothatsang ka rona; re a le rapela, bakeng sa Kreste, re re: Boelanang le Modimo!

2 Bakorinthe 6:1

Jwale, kahobane re le ba sebedisanang le Modimo, re a le kgothatsa hore le se ke la ba ba nketseng mohau wa Modimo lefeela.

Bagalata 4:12

Le be jwaloka nna, hobane le nna ke jwaloka lona; ke a le rapela hle, banabeso. Ha le a ka la nketsa hampe ka letho.

BaFilipi 1:27

Feela, le itsamaeleng ka mokgwa o tshwanelang Evangeli ya Kreste; hore leha, nka tla, ka le bona, leha nka ba siyo, ke nne ke utlwe taba tsa lona tsa hore le ntse le eme moyeng o le mong le pelong e le nngwe, le ntse le lwanela hammoho tumelo ya Evangeli,

BaFilipi 3:16

Empa haele moo re setseng re fihletse teng, re ke re tsamaye ka molao o le mong.

1 BaThesalonika 5:13

Le ba hlomphe haholoholo ka lerato, ka baka la tshebetso ya bona. Dudisanang hammoho ka kgotso.

2 BaThesalonika 2:1

Haele tsa ho tla ha Jesu Kreste Morena, le tsa ho phuthehela ha rona ho yena re a le rapela, banabeso, re re:

1 Timothea 5:21

Ke o laela pela Modimo le Morena Jesu Kreste, le mangeloi a kgethilweng, hore taba tseo o di ele hloko, mme o se ke wa phaka wa ahlola, leha e le ho ya ka tshobotsi.

2 Timothea 4:1

Ke o laela ke hona haholo pela Modimo, le pela Morena Jesu Kreste, ya tlang ho ahlola ba phelang le ba shweleng mohla a hlahang ka mmuso wa hae, ke re:

Joshua 22:15

Ba tla ho bana ba Rubene, le ho bana ba Gade, le ho ba mothapo o mong wa leloko la Manasse, naheng ya Gileade, ba ba bolella, ba re:

1 Petrose 2:11

Baratuwa, ke a le kgothatsa jwalokaha le le basele le baeti, ke re: Tshabang ditakatso tsa nama, tse lwantshang moya;

1 Petrose 5:10

Empa Modimo wa mehauhelo yohle, o re bileditseng ka Jesu Kreste ho rua kganya ya wona e sa feleng, ha le se le utlwile bohloko ka ditshiuana, o tla le etsa ba phethehileng, o le tiise, o le fe matla, o le thee.