Rom Teik pasi Pol hani teka kahikahi Jises Krais ti Rom 7:7 - Seimat

⁷ Kaie kako ukek nauna ti Moses hina lialun tetan? Tap wanen. Nake ti nauna ien kako tioi waliko tenen lialun. Teik ti tesol nauna i ukek, “Kum hohongeni lialui isiaiam.” (Exod 20:17) Na masin tap teik nauna ien, nga kum tioi ka saun tenen ien kumahe sawisawin.

Rom Teik pasi Pol hani teka kahikahi Jises Krais ti Rom 7:7 Iomraidhean Croise

Matiu 5:28

Tuahe nga kakane amuto, tel na i paxai nahaini tel na hehin ape namilon i eliel pahan i eng akati, tel seilon ien i ailewen saun lialun ti wawan hehin leili namilon.

Luk Meng solian ti Jises tataiai Luk 12:15

Ape i kakane laha hatesol, “Lepeteniwa amuto kum halepelep ti tenen tenen. Kalak mongohe soxi ti amuto hina, i kum pon i hasolia ma i hawelu tonamuto he tehu pon ie.”

Luk Meng solian ti Jises tataiai Luk 20:16

Nga kakane hawane amuto, i telei hatapo teka ngahatiai tesol kin ape i hani teka seilon liai ngahati.” Ti laha hong kewak ien, laha ukek, “Kumahe, tap wanen i sohot ukek ien.”

Aposel 20:33

“Tiliai kakaiak, nga liai kumahe pahak moni ma na maia ti amuto.

Rom Teik pasi Pol hani teka kahikahi Jises Krais ti Rom 13:9

Nauna ti Haeu ukek, “Kum tetelei seilon, kum ailele saun lialun ti wawan hehin, kum xuuxuina, kum tua isiis waliko ti seilon liai.” (Exod 20:13-15,17) Tesol nauna ien ma hina nauna liai, hatesol lohiama leili teik nauna ti Haeu ie, “Waheniwa seilon liai hanowi ti amuto waheni aliake amuto.” (Lev 19:18)

Rom Teik pasi Pol hani teka kahikahi Jises Krais ti Rom 3:20

Ti tenen ien kako paxai tioiwa ka Haeu kum ukek kaha seilon sawisawin ti usiai nauna tetan ti hahaniai Moses. Nauna ien i kola haxewa ka kaha hina saun lialun.

Rom Teik pasi Pol hani teka kahikahi Jises Krais ti Rom 3:5

Uke teka ti amuto namiloi ukek, na masin lialui woukako i kola hawane ka Haeu se pate sawisawin, kaie i poponowi na i kahui kako ti lialui woukako? Nga tua kak hahanowi paxapaxa ti seilon.

Rom Teik pasi Pol hani teka kahikahi Jises Krais ti Rom 4:1

Namiloi paxaiwa Abraham tel tamakako teka *Ju ti matahaun. Ti lahe aweisal wasolan hani kapi Haeu i sawi?

Rom Teik pasi Pol hani teka kahikahi Jises Krais ti Rom 4:15

Aile ape i halenge Haeu nake lawe kaha xaputi tunahi. Mewenae na liai Haeu tai hani kaha nauna ien, kaha kum xaputi.

Rom Teik pasi Pol hani teka kahikahi Jises Krais ti Rom 5:20

Nauna ti Haeu hahaniai Moses i soholih lehe waxi seilon paxai tioi uke lialui woulaha. Tuahe ti seilon to aile ahehekele saun lialun, lalape solian ti Haeu hani kaha i lap aheahele.

Rom Teik pasi Pol hani teka kahikahi Jises Krais ti Rom 6:15

Kaie lahan? Ti kako ape hahitake lalape soliai nenein ti Haeu, kaie kako aile tatale saun lialun pake kako kumahe hahitake nauna ti Moses? Tap wanen.

Rom Teik pasi Pol hani teka kahikahi Jises Krais ti Rom 7:11

Lialui isiaiakako i puluti aliake kako ka leilon ti kako ailele saun lialun i pon kako usi nauna ti Haeu. Tuahe salan tetan, kako xau ahe ti Haeu.

Rom Teik pasi Pol hani teka kahikahi Jises Krais ti Rom 7:13

Kaie kako ukek nauna solian ien haxau kako ti Haeu? Tap wanen. Tuahe i kola hawane hani kako lialui woukako ape kako tioi kako se xauxaun ti Haeu ti kako xaputi nauna solian ien. Aile ape kako paxai tioi hawane lialui saun lialun.

Rom Teik pasi Pol hani teka kahikahi Jises Krais ti Rom 7:5

Kemuk, lokon ti kako tua aile usiusi isiai tupuakako, kako is eliel ahe ailei waliko ti Haeu hahalini. Lialui isiaiakako i pupuas leilokako ape lialui pupuasakako neini kako hani aweisali matemate.

Rom Teik pasi Pol hani teka kahikahi Jises Krais ti Rom 7:8

Tuahe na kaha tua usiusi isiai tupuakaha, titioakaha ti teik nauna ien i tua hahika kaha ti xaputian. Lialui isiai seilon ti ailei saun lialun kumahe pate xoxoan na masin tap nauna.

1 Korin 15:56

Matemate i sohot nake ti saun lialun ti kaha seilon. A kaha tioi kaha ailewen saun lialun nake nauna ti Haeu kola hani kaha.

Epesus 5:3

Amuto ape seilon ti Haeu. Kum ailele saun lialun ti wawan hehin, kum ailele sikisiki tenen ti hienain ma kum halepelep. Na amuto kum aile, tap wanen laha misahi amuto ti tesol waliko ien.

Kolosi 3:5

Aile ape lioi xaxaweni hawanewa saun lialun tenen amuto ailele ti isiai pahamuto. Kum ailele saun lialun ti wawan hehin, kum ailele sikisiki tenen ti hienain ma konginiwa isiai namilomuto ti tua sik lalolal. Kum halepelep nake na namilomuto i eliel hawane waxiai waliko kilan tenen tenen, ien se masin ka amuto lolotui tesol waliko ien.

1 Tesalonika 4:5

Kum hohongeni isiai pahamuto ti ailei saun lialun ti wawan hehin hanowi teka laha kum tioi Haeu.

Hibru 7:19

Aile ape Haeu hei tenen aweisal liai ti hukuminiai seilon hani kapin. Na kaha hani namilokaha usiai tenen aweisal ien kaha pakata hawane kapin.