Rom Teik pasi Pol hani teka kahikahi Jises Krais ti Rom 5:1 - Seimat

¹ Haeu namiloi ukek kako ape sawisawin nake kako hina namil xoxoan ti *Jises Krais. Aile ape wasolakako hani kapi Haeu solian, usiwa waliko ti Jises Krais tel Masiwi ti kako ailewen.

Rom Teik pasi Pol hani teka kahikahi Jises Krais ti Rom 5:1 Iomraidhean Croise

Luk Meng solian ti Jises tataiai Luk 19:38

Laha tilol ukek, “Kako sameniwa ma amukewa tel kahi nati *David, tel i nahih hehetekiema poh ma solian ti Haeu! Kako sameniwa Haeu tel pohen tapein, tel i hatona hasolia tiakako.” (Ps 118:25-26, 148:1)

Luk Meng solian ti Jises tataiai Luk 19:42

I ukek, “Nga hahaxe amuto seilon ti Jerusalem hasawiai wasolamuto kapi Haeu taen tetelao. Haeu kola haniwen amuto aweisal ti na amuto usi tuahe amuto watakai.

Luk Meng solian ti Jises tataiai Luk 2:14

“Haeu, tel tonan patul wanen, i pate tuah ma pate solian! I aile hasolia wasolakaha hani i ma wasole teka seilon i amumuke!”

Jon Meng solian ti Jises tataiai Jon 14:27

“Kum hahakawata tiamuto ti tenen na waliko ma kum maamata. Nga tel hapaui namilomuto ma tiamuto. Ti nga aile ukek, namilomuto ma tiamuto heh hawane, kumahe masin ti seilon aile hahani amuto.

Jon Meng solian ti Jises tataiai Jon 16:33

Nga kakane amuto waliko ie lehe namilomuto ma tiamuto i ewi hawane ti amuto pakata xox kapik. Ti tehu pon ie amuto tunahi kilan kawatan tuahe tu xoxoa. Nga waxainiwen pohe Satan ma lawe waliko lialun.”

Jon Meng solian ti Jises tataiai Jon 20:31

Tuahe tetesol ti leili pepa ie nga tai lehe amuto soh ka Jises i se *Krais tel Nati Haeu ape ti xoxoi namilomuto tetan, amuto uke *tonain kapi Haeu ti tap tahi tapoan.

Jon Meng solian ti Jises tataiai Jon 5:24

“Nga kakane hawane amuto, tel na i hong usi kakaiak ma namilon xoxoan ti Haeu tetel i taloma nga, tel seilon ien liai hoi i to hutuiwen kapi Haeu. Haeu kum axi i kawatan ti lialui woun. Kemuk ti i tai hong usi kakaiak, woun haxau i ti Haeu ape aope ie i pakata xoxox kapi Haeu lian tehue.

Aposel 10:36

Amuto tioi tenen meng solian ti Jises Haeu haniwen amite tesol seilon ti *Israel. Jises, Masiwi ti lawe seilon, i aile hasolia wasolakaha hani Haeu.

Rom Teik pasi Pol hani teka kahikahi Jises Krais ti Rom 1:17

Se tenen meng solian ien i nexi kola aweisal ti hasawiai wasolakaha hani Haeu. Tap tewau aweisal tutuen, mewenae na kaha hana hatapo xoxoi namilokaha hani Jises Krais kaha sohot seilon sawisawin ti puli Haeu. Masin ti tel kuluiai kakai Haeu tai kueiniwen, i ukek, “Teka seilon sawisawin, xoxoi namilolaha ti Haeu neneini laha ape laha to lian tehue kapin.” (Hab 2:4)

Rom Teik pasi Pol hani teka kahikahi Jises Krais ti Rom 1:7

Aile ape nga tai hani amuto hatesol teka *Rom ti Haeu waheni, teteka i kilami seilon tetan ape amuto hani hahatapo i tupuamuto. Nga kamei Haeu tel Tamakako ma tel Masiwi Jises Krais kolai lalape soliaialalu ma hatona hasoliai tiamuto.

Rom Teik pasi Pol hani teka kahikahi Jises Krais ti Rom 10:10

Se salan wanen nake wasolakaha hani kapi Haeu i sawi na kaha soh hawane ti Jises Krais. Ape ti xoxoi namil ien, na kaha kak matuha ka i se tel Masiwi tapein, Haeu awai kaha ti kawatan ti lialui woukaha.

Rom Teik pasi Pol hani teka kahikahi Jises Krais ti Rom 10:15

Ape tap tel kaxi hani laha na masin tap tel taloi tel seilon ti kaxian. Ti leili pepai Haeu, *Aisaia tai kaxiwen ukek, “Teka laha kakaxi *meng solian ti Haeu, tahiaialaha se pate solian.” (Isa 52:7)

Rom Teik pasi Pol hani teka kahikahi Jises Krais ti Rom 14:17

Hongoa, Haeu ti i neini seilon, kumahe tuah tetan waliko ti kaha ani ma unumi. Pahan masin, hetekie huhual ti *Holi Spirit kaha ailewa waliko tenen ti i paxai ukek sawisawin, kaha hasolia kapitiniwa wasolakaha kapi teka liai ma tin hina amuam leili tiakaha.

Rom Teik pasi Pol hani teka kahikahi Jises Krais ti Rom 15:13

Haeu tetel salangawe monomon ti kako. Nga kamei i ti axiamuto amuam ma hatona hasoliai tiamuto usiwa xoxoi namilomuto tetan lehe ti pohe *Holi Spirit amuto mon eliel hawane atengiai waliko solian ti Haeu kakawen i aile hani amuto.

Rom Teik pasi Pol hani teka kahikahi Jises Krais ti Rom 15:33

Nga kamei Haeu, tetel hatona hasoliai tiai seilon, akatiamuto hatesol. *Salan wanen.

Rom Teik pasi Pol hani teka kahikahi Jises Krais ti Rom 3:22

Haeu namiloi ukek wasole seilon hani kapin i sawi na namilokaha xoxoan ti *Jises Krais. Haeu hei tewau aweisal ien hani hatesol teka laha soh ti Jises Krais, teka Ju ma teka kumahe Ju. I kum nam nenexi na tel.

Rom Teik pasi Pol hani teka kahikahi Jises Krais ti Rom 3:30

Pate amuto tioi ka Haeu se telawe ape tin aweisal tewawawe ti hasawiai wasolakaha hani kapin. Aile ape mewenae ti xoxoi namil ti Jises Krais wasolakaha hani kapi Haeu i sawi, kako teka hina kikilam ti kotiai uli walikoukako ma teka kumahe Ju laha tap kikilam tenen ien.

Rom Teik pasi Pol hani teka kahikahi Jises Krais ti Rom 4:5

Tuahe soliai wasolakaha hani kapi Haeu kumahe ka kahi pupuasakaha. Ien se ani xoxoi namilokaha ti *Jises Krais. Kaha soh ka Haeu i pon aile teka seilon laha xauxaun tetan, wasolalaha hani kapin i sawi.

Rom Teik pasi Pol hani teka kahikahi Jises Krais ti Rom 5:11

Kumahe mewenae tenen ien. Tin i pon kako amuke hawane Haeu usiwa waliko ti Jises Krais ailewen ti i pakateni kako hani kapi Haeu.

Rom Teik pasi Pol hani teka kahikahi Jises Krais ti Rom 5:18

Aile ape nake ti seilon tel tahi kakai Haeu, kaha hatesol tunahi lengelenge ti Haeu ti lialui woukaha. Tuahe tin seilon tel, Jises Krais, i aile waliko sawisawin ti i hong tamani Haeu. I hei aweisal hani kaha hatesol lehe wasolakaha hani kapi Haeu i sawi ape kaha sohot seilon haun ti usian.

Rom Teik pasi Pol hani teka kahikahi Jises Krais ti Rom 6:23

Nameniwa ka kahi saun lialun se matemate. Tuahe teteka kako pakata hahawane kapi Jises Krais tel Masiwi ti kako, ti *lalape soliai Haeu i hani kako tonain kapin ti tap tahi tapoan.

Rom Teik pasi Pol hani teka kahikahi Jises Krais ti Rom 9:30

Kaie ape kako namiloi ukek ia? Teka kumahe Ju, wasolalaha hani kapi Haeu i sawi nake ti xoxoi namilolaha ti Jises Krais, kalak laha tai puas eliel ti hasawian.

Galasia 2:16

Tuahe kako teka Ju kahikahi Jises kako tioi ka seilon kum pon hasawiai wasolalaha kapi Haeu ti usiai nauna ti kako teka Ju, mewenae na namilolaha xoxoan ti Jises Krais. Aile ape kako soh hawane ti Jises Krais lehe Haeu namiloi ukek kako seilon sawisawin, kumahe nake kako usiusi nauna ti kako teka Ju tuahe nake namilokako xoxoan ti Jises Krais.

Galasia 3:25

Aope ie kako hana xoxoi namilokako hani Krais. Kako ape kumahe hahitake tesol nauna ien.

Galasia 5:22

Tuahe na Holi Spirit kakapiti kaha seilon, kaha aile kilan saun solian. Kaha waheni Haeu ma seilon liai. Kaha hina amuam leili tiakaha. Lawe kaha eliel hasawiai wasole seilon. Ailan lengeakaha ma kaha kum aile lioi puasakaha kalak kawatan tunahi kaha. Lawe kaha huali seilon liai ma aile hasolia hani laha. Seilon liai hina namil xoxoan ti kaha.

Epesus 2:7

I aile ukek ien lehe teka seilon ti imuh laha paxai tioi lalape soliaian ti i aile kola hani kako usiwa puase Jises Krais.

Pilipai 3:9

Haeu namiloi ukek nga seilon sawisawin kumahe nake nga usi hahatapo nauna ma saun ti teka Ju tuahe nake ti xoxoi namilok ti Krais. Haeu namiloi ukek wasolakako hani kapin i sawi mewenae na kako soh hawane ti Krais.

Kolosi 1:20

Krais tetel Haeu hapuasa hasawiai lawe waliko hani i, hatesol waliko ti patul ma itan ie. Ti Krais mat he *kros i hasawi hatesol waliko ien.

Kolosi 3:15

Jises Krais hatona hasolia tiamuto, aile ape amuto elieliwa ti hasoliai wasolamuto nake amuto hukuma hawanewen ape amuto sohot hanowiwen ka seilon tel. Ape lawe kak kemulik haniwa Haeu.

1 Tesalonika 5:23

Amite kamei Haeu, tetel i haewia hawane leilokako, ti aile hasohotuamuto seilon sawisawin tenen i amuke. Amite kamei Haeu hualiamuto lehe amuto salini tatale hatesol waliko tenen lialun waxi tap tel pon tieniamuto ti tenen na waliko tataen ti Jises tel Masiwi ti kako aliama.

2 Tesalonika 3:16

Nga kamei tel Masiwi Jises tetel i aile hasolia tiakaha, lehe lawe i aile haewia leilomuto ti sale haewian tenen tenen. Tel Masiwi Jises kapimuto hatesol.

Hibru 13:20

Jises Krais i masin tel ngahatiai *sipsip solian. I waxeni, i awai ma i neini kako. Haeu tel i hatona hasolia tiakako, i hamoiha Jises tel Masiwi ti kako ti tehu matean he *kros. Ti aweisal tewau ien, i hapoponowi tenen namil haun ti i xinotiwen kapi kako lian tehue.