Rom Teik pasi Pol hani teka kahikahi Jises Krais ti Rom 4:21 - Seimat

²¹ Abraham soh hawane ka Haeu pon ailei waliko ti i kakawen i aile.

Rom Teik pasi Pol hani teka kahikahi Jises Krais ti Rom 4:21 Iomraidhean Croise

Matiu 19:26

Jises paxai lato ape i ukek, “Ti mewenae kui seilon i kum pon. Tuahe hetekie huhual ti Haeu, seilon pon.”

Luk Meng solian ti Jises tataiai Luk 1:1

Nga tua tai hahongo o tel masiwi Teopilus, kilan seilon laha tohongiwen taiai menge *Jises ti lawe waliko ti i sohotuen leilomite teka *kahikahi Jises.

Luk Meng solian ti Jises tataiai Luk 1:37

Tap tenen waliko Haeu kum aile uke.”

Luk Meng solian ti Jises tataiai Luk 1:45

Haeu aile kola hani o lalape soliaian nake o hong soh ka i aile hawane waliko ti i kakawen.”

Rom Teik pasi Pol hani teka kahikahi Jises Krais ti Rom 14:4

Amuto aita lehe amuto howini halialu seilon ti unaui Haeu? Hani lioiwa Haeu tel Masiwi ti kaha paxai kolongeniai waliko ti laha ailele, na masin sawisawin ma na kumahe. I pon hualialaha ti ailei waliko tenen sawisawin lehe laha tu xox hawane tetan.

Rom Teik pasi Pol hani teka kahikahi Jises Krais ti Rom 14:5

Tin masin, seilon teka laha namiloi ukek ka ngain hina pamu tuah ti ngain liai tuahe teka laha ukek ka tenenawe. Kaha tel tel soh hawanewa ti puki namilon wanen waliko tenen ewi ma na lialun ti na i aile.

Rom Teik pasi Pol hani teka kahikahi Jises Krais ti Rom 8:38

Nga soh hawane ka tap tenen na waliko kongini uke wawahen ti Haeu hani kako. Na kako moihin ma na kako maten tin i hahamalum. Teka *engel, teka *spirit lialun ma na poh tenen tenen, laha kum tiehi uke wawahen ti Haeu. Tin masin lawe waliko ti i sosohot aope ie ma na imuh.

2 Korin 9:8

Haeu lawe i hani amuto kilan wanen waliko solian. Salan tetan i axi akulai mongohun ti i tapai ngahatiamuto. Aile ape i pon na lawe amuto aile kilan waliko solian ti hualiai seilon liai.

2 Timoti 1:12

Nake ti tenen ien laha axi nga kawatan. Tuahe nga kum hiena puluhini ka nga leili kalabus nake nga tioi tetel namilok xoxoan tetan. Nga tioi hawane ka Haeu ngahati tenen meng solian ti i hani nga kaxi ahutian atengi ngain ti i hiniti hatesol seilon.

Hibru 11:13

Abraham, Aisak ma Jekop xoxoi namilolato ti Haeu hahamalum atengi lato mat. Tuahe lato tai uke waliko ti Haeu kakawen i hani lato. Lato tioi ka pake lato uke ma lato amuam. Lato to hahaxe ngain tetehu ti ukean. Lato ilameni ukek tehu pon ie kumahe tonalato wanen. Lato kum to latuha uke.

Hibru 11:19

Abraham tioi ka Haeu pon hamoihai teka maten. I namiloi ukek na Haeu pahan, i hamoiha aliake Aisak. Lokon ti Haeu hakongu i ti teleiai Aisak, masin ka Abraham waxi aliake i ti matean.