Rom Teik pasi Pol hani teka kahikahi Jises Krais ti Rom 1:9 - Seimat

⁹ Haeu, tetel nga hani hahatapo i tupuak kaxiai meng solian ti tel Natun, i tioi ka nga nameni kakapitini amuto.

Rom Teik pasi Pol hani teka kahikahi Jises Krais ti Rom 1:9 Iomraidhean Croise

Mak Meng solian ti Jises tataiai Mak 1:1

Hutuiai *meng solian ti *Jises Krais tel Nati Haeu.

Luk Meng solian ti Jises tataiai Luk 18:1

Telao *Jises kaxi tenen meng hani tesol kahikahin ti hanaualato ka lawe lato kamei talingoiwa Haeu ma kum kakapaxe i.

Aposel 12:5

Tuahe ti Pita leili kalabus, teka *kahikahi Jises lato lotu kamei eliliel Haeu hualian.

Aposel 19:21

Muhin ien Holi Spirit hanamiloa Pol alia hani Jerusalem nonoa xux ti Masedonia ma Akaia. Pol hone teka kahikahi Jises ukek, “Muhin ti na nga heisawa Jerusalem, nga kane *Rom.”

Aposel 24:14

“A waliko tetenen salan ie. Nga usiusi aweisali *Krais tenen lolaha kum al. Nga lolotui tel Haeu ti teka matahaun ti amite lolotui ape nga soh hawane hatesol *nauna ti Moses ma lawe waliko ti *teka kuluiai kakai Haeu taiwen.

Aposel 27:23

Haeu, tetel nga unauan ma lawe nga lolotui, i taloma tel *engel tetan hani kapik ipong tehu tatamusua.

Aposel 3:26

Haeu kilamiwen tel unauan Jises ti talo hanimu kako teka *Ju. I aile kola lalape soliaian ti i huali kako ti towiahuakako ti saun lialun.”

Rom Teik pasi Pol hani teka kahikahi Jises Krais ti Rom 9:1

Nga kaxi hahawane kakain salan. Nga se kahikahi Krais, nga kum puluti wanen amuto. Namilok xoxoan wanen ka waliko ti nga kakak salan nake *Holi Spirit pupuas leilok.

2 Korin 1:23

Salangawan ti nga tai lua hani kapimuto nake kumahe pahak nga tumei amuto. Puki Haeu tioi ka salan.

2 Korin 11:31

Haeu tel Tame Jises tel Masiwi, tetel kako haxawawa axan lian tehue, i tioi ka kumahe nga puputa.

Galasia 1:20

Meng ti nga tatai ie se sawisawin. Haeu paxai tioi hawane ka kumahe nga puputa.

Epesus 6:18

Lawe lotu tatale haniwa Haeu masin ti Holi Spirit kakapiti amuto. Kameiwa Haeu hualiamuto ti lawe waliko. Na amuto lotu, hana hatapoa namilomuto haniwa Haeu. Lotu hualiwa hatesol seilon ti Haeu ma kum lotu lilioa.

Pilipai 1:3

Na nga namiloiwa amuto, lawe nga kak kemulik hani Haeu tel Masiwi tetak.

Pilipai 1:4

Lawe lotu tetak ti hualiamuto hatesol, nga lotu hehetekie amuam nake huhual ti amuto hahani nga ti kaxi ahutiai *meng solian ti Jises Krais se lilian ti amuto hong sohoa tenen meng ien hanima taen aope ie.

Pilipai 2:22

Tuahe amuto tioi ka Timoti kola hawanewen ka i tel unaui Krais wanen. I pupuas kapik kaxiai meng solian ti Jises. I huali nga hanowi tel akaik huali tel taman.

Pilipai 3:3

Se kako teteka seilon ti Haeu wanen, kumahe lato. Kako teteka ti *Holi Spirit kakapiti ti lotuiai Haeu. Kumahe ka kako sameni aliake kako ti soliai puasakako. Kako kum kak ukekek kako sawisawin na kako aile saun solian. Kako se sameniai Jises Krais ti waliko i aile haniwen kako.

1 Tesalonika 1:2

Tapai na amite lotu huali amuto, lawe amite kak kemulik hani Haeu ti amuto hatesol.

1 Tesalonika 3:10

Ngain ma ipong amite kamei eliliel Haeu ti lehe amite paxai uleimu amuto. Pahamite hapono ahekei waliko tenen amuto tae ti namilomuto hani Krais.

1 Tesalonika 5:17

Lawe lotu haniwa Haeu.

1 Timoti 2:7

Aile ape Haeu kilami nga tel *aposel ma ti kaxi ahutiai mengon. Nga tel hanaui *teka kumahe Ju kakain salan sale Jises Krais. Kumahe nga tua kaxi putini. Kakain ien salan wanen.

2 Timoti 1:3

Ngain ma ipong ti na nga lotu, nga nameni o ma kak kemulik hani Haeu ti xoxoi namilom tetan. I tetel nga ailele pupuasan ti leili atek masin ti teka seilon tetan ti matahaun.

Pilemon 1:4

Pilemon, tapai na nga lotu huali o, nga kak kemulik hani Haeu tel Masiwi tetak nake nga to hongohong xoxoi namilom ti Jises tel Masiwi ma wawahen tetam hani hatesol seilon ti Haeu.