Rom Teik pasi Pol hani teka kahikahi Jises Krais ti Rom 1:11 - Seimat

¹¹ Pahak wanen nga paxaimu amuto ti hualiamuto lehe amuto kui ahe ti pohe *Holi Spirit.

Rom Teik pasi Pol hani teka kahikahi Jises Krais ti Rom 1:11 Iomraidhean Croise

Aposel 16:5

Aile ape teka kahikahi Jises namilolato i xox ahe tetan ape lawe ngain kilan seilon laha soh papalahiwa teka kahikahin.

Aposel 19:21

Muhin ien Holi Spirit hanamiloa Pol alia hani Jerusalem nonoa xux ti Masedonia ma Akaia. Pol hone teka kahikahi Jises ukek, “Muhin ti na nga heisawa Jerusalem, nga kane *Rom.”

Aposel 19:6

Pol hana minan patul ti laha ti lotu hualialaha ape Haeu hani laha Holi Spirit. Tataen ien laha lotui Haeu ti kakain ti laha tai hanau ma tin laha kului kakai Haeu.

Rom Teik pasi Pol hani teka kahikahi Jises Krais ti Rom 1:12

Salangawe namilok masin lehe xoxoi namilokako ti Haeu i hakui ati kako.

Rom Teik pasi Pol hani teka kahikahi Jises Krais ti Rom 15:23

Pate kilan ahang pahak wanen nga lua paxai amuto. Tuahe nga po kokoukewa aope, nga tinami hatapoen puasak leili xux ti ie.

Rom Teik pasi Pol hani teka kahikahi Jises Krais ti Rom 15:29

Pate nga soh ka ti lalape soliai Krais, i hapuasa nga lehe waxi amuto uke kilan solian tetan ti nga kapimuto.

Rom Teik pasi Pol hani teka kahikahi Jises Krais ti Rom 15:32

Lotu elieliwa lehe waxi na Haeu pahan nga tahia kapimuto. Ape na nga luawa, nga tahia hetekiewa amuam he tiak ape kako he sekusek alia kako.

Rom Teik pasi Pol hani teka kahikahi Jises Krais ti Rom 16:25

Haeu i pon hakuiai xoxoi namilomuto tetan, usiwa *meng solian ti Jises Krais ti nga kakaxi, tetenen ti Haeu po hahatakewa aope.

2 Korin 1:15

Aile ape ti xoxoi namilok ti amuto, kemuk nga namiloiwen ka nga lua uke he huohu hani kapimuto lehe pamu amuto uke halapa huhual.

2 Korin 1:21

Puki i huhuali ati kako ti tu xox kakapita ti Jises Krais. I kilami kako ti ailei puasain tuah.

2 Korin 11:4

Nga kak ukek nake hina ti amuto hong amuke teka laha kakaxi kakain liai tenen sale Jises ti amite kaxiwen. Laha kakane amuto ukei spirit ti kapitiamuto tuahe i kumahe tenenawe masin tenen amuto kewen ti ape amuto sohoa ti Jises Krais. Laha ukek laha kaxi ahuti hahani amuto *meng solian, tuahe pate i sel ti tenen meng solian ti Jises Krais ti amuto hong waheniwen.

2 Korin 9:14

Ape ti lalape wawahen, lato lotu huali amuto nake huhual ti amuto i kola hawane *lalape soliai Haeu.

Pilipai 1:8

Haeu tioi ka pahak wanen nga paxai amuto nake nga waheni hawane amuto hanowi ti Jises Krais.

Pilipai 2:26

Pahan wanen i alia hani tesol puki tonan ti paxaiamuto. Tian kawat hawane nake amuto hongoen ka i tinun.

Pilipai 4:1

Tesol soliai akikik ti *Krais, tu xox tatalewa usiai *Jises tel Masiwi. Nga waheni amuto ma pahak wanen paxaiamuto. Nga sameni ma amuke hawane amuto nake soliai puasamuto i kola ani pupuasak.

1 Tesalonika 3:13

Amite lotu ukek waxi i hakui hawane amuto lehe amuto sohot hawane seilon ti Haeu ape i paxai ukek amuto seilon sawisawin taun ti Jises tel Masiwi ti kako aliama hetekie hatesol seilon tetan.

1 Tesalonika 3:2

Ape amite hakaua Timoti ukei totonamite. I tel akikimite ti *Krais, i pupuas ti Haeu sawateniai *meng solian ti Krais. Amite taloa i ti hakuiamuto ma haxoxoi namilomuto ti *Jises Krais.

2 Tesalonika 2:17

Amite kamei i ma Jises Krais tel Masiwi ti kako lalu hakui ma haxoxo tatalewa amuto ti ailei lawe puasain solian ma kakain sawisawin.

2 Tesalonika 3:3

Tuahe tel Masiwi Jises lawe i aile waliko tenen na i kakawen. Aile ape i hakui ma awai amuto ti pupuase *Satan.

Hibru 13:9

Kum hahani tel na seilon neini hakalala amuto ti Haeu ti laha hahanau waliko tenen haun ti i hahataxina seilon. Usiai nauna tenen tenen ti sale an i kum huali kaha. Teka laha usiusi nauna ti an tenen ewi kaha ani ma na kumahe, laha kum uke tenen na solian tetan. Haxoxoa namilokako ti *lalape soliai Haeu nake tenen ien i hakui hawane kako.

1 Pita 5:10

Tuahe malehe lalape solian ti Haeu. Pahan i hani amuto solian tetenen tap tahi tapoan nake amuto pakata xox kapi Jises Krais. Aile ape muhi kaui kawatan, Haeu haewia aliake amuto, hakui amuto ma haxoxo namilomuto lehe waxi amuto soh hamalum hawane ti soliai ngahat tetan.

1 Pita 5:12

Nga tatai teik pas ie hetekie huhual ti Sailas, tel akikikako ti Krais. I tel unaui Haeu wanen. Kilan tutuen kakain ti i tapai nga hone amuto tuahe nga tua tai kemuk ie ti hakuiamuto. Nga hone hawane amuto, lawe waliko nga tatai sale lalape soliai Haeu se salan wanen. Aile ape tu xox tatalewa tetan kalak na kawatan tunahi amuto.

2 Pita 1:12

Salan amuto tioiwen tesol waliko ien ma amuto tu xoxox ti nauna ti Haeu. Tuahe pahak nga hanamena kapitini amuto.