Mak Meng solian ti Jises tataiai Mak 5:7 - Seimat

⁷ Tel spirit lialun tilol eliel ukek, “Jises, tel Nati Haeu pate tuah! Lehe o aile la hani nga? Nga kamei hawane o ti puli Haeu, o kum aile hahalialu nga!”

Mak Meng solian ti Jises tataiai Mak 5:7 Iomraidhean Croise

Matiu 16:16

Saimon Pita ukek, “O Krais, tel Nati Haeu. Haeu tel tap tahi matean!”

Matiu 26:63

Tuahe Jises tai wix pahoi. Ape Kaiapas hone ulei i ukek, “O tuohawa ti puli Haeu na masin o *Krais tel Nati Haeu.”

Matiu 4:3

Satan nahih hani kapin ape i ukek, “Na o tel Nati Haeu, kolitiniwa tesol pot ie haniwa bret.”

Matiu 8:29

Ti lalu ningahiwa Jises, tesol spirit lialun leilolalu ausini, “Tel Nati Haeu, o paham waliko la ti amite? O nanahima ti aile halialuamite? I tai meiwa ngain ti Haeu kikilami.”

Mak Meng solian ti Jises tataiai Mak 1:24

I ukek, “Jises ti Nasaret, paham la ti amite? Nakon o ie ti halialuamite? Nga tioi o tel seilon sawisawin Haeu taloma!”

Mak Meng solian ti Jises tataiai Mak 14:61

Tuahe Jises tai wix pahoi. Kaiapas kamei ulei i, “Nakon o Nati Haeu, tel *Krais Haeu taloma?”

Mak Meng solian ti Jises tataiai Mak 3:11

Lawe seilon ti *spirit lialun kapiti hahalialu, laha ningahiwa Jises, laha put hani mateiwaun ape tilol ausisini ukek, “O se tel Nati Haeu!”

Mak Meng solian ti Jises tataiai Mak 5:6

Ti i xauxaun tutuen, i ningahi Jises ape i kiliwau lokuha hani itan kapi aen.

Mak Meng solian ti Jises tataiai Mak 5:8

I kak ukek nake imat Jises honemu i, “Ahutawa ti tel seilon ien!”

Luk Meng solian ti Jises tataiai Luk 1:32

I sohot tel seilon pate tuah ma pohe Haeu toi i ape laha axai i Nati Haeu. Haeu hana i tel masiwi ti teka Ju masin tel masiwi David, tetel Jises nakuama tetan.

Luk Meng solian ti Jises tataiai Luk 4:34

“Jises ti Nasaret, paham la ti amite? Nakon o ie ti halialuamite? Nga tioi o tel seilon sawisawin Haeu taloma!”

Luk Meng solian ti Jises tataiai Luk 6:35

“Tuahe amuto kewa liai tenen ti laha. Waheniwa teka seilon laha watakai amuto ma ailewa saun solian hani laha. Axiwa seilon moni ape kum amemene lehe laha aliake hani amuto. Na amuto aile ukek ien, i kola ka amuto salan wanen nati Haeu ape Haeu kahui halapa hani amuto. Aile kolawa solian ti amuto haniwa teka laha watakai amuto nake Haeu tin i aile kola soliaian hani teka seilon lialun ma teka laha kum nam waxi soliaian.

Luk Meng solian ti Jises tataiai Luk 8:28

Ti i ningahiwa Jises, i tang ausini ape i lokuha mateiwaun. I tilol ukek, “Jises, tel Nati Haeu pate tuah, lehe o aile la hani nga? Nga kamei eliel o, kum aile hahalialu nga!”

Jon Meng solian ti Jises tataiai Jon 20:31

Tuahe tetesol ti leili pepa ie nga tai lehe amuto soh ka Jises i se *Krais tel Nati Haeu ape ti xoxoi namilomuto tetan, amuto uke *tonain kapi Haeu ti tap tahi tapoan.

Aposel 16:17

Tel hehin kakahiti amite Pol to titilol, “Tesol seilon ie lato unaui Haeu tel Masiwi tapein. Lato kakaxi sale awaiai seilon ti kawatan ti saun lialun ti laha.”

Aposel 19:13

Tesol ti teka Ju, ti lato lua hani tesol tesol, lato hapuasa axe Jises tel Masiwi ti xaxaweniai spirit lialun ti seilon. Lato hone teka spirit lialun ukek, “Ti pohe Jises, tetel Pol kakaxi, amuto ahutawa!”

Aposel 8:36

Ti lalu kikiliwawa, lalu tahia hani ngixi tehu kan. Ape tel seilon hone Pilip, “Tehu kan ie. Ewi na o baptaisi nga?”

Rom Teik pasi Pol hani teka kahikahi Jises Krais ti Rom 16:20

Soh hawanewa ka Haeu, tetel i hatona hasolia tiakako ma wasolakako tel tel, i halialu tamusuke koseni pohe *Satan tetel lawe i pupuas ti halialui wasolamuto. Nga kamei Haeu lehe Jises tel Masiwi ti kako aile kola lalape soliaian hani amuto.

Hibru 2:14

Nake kako teka nati Haeu se seilon, Jises tin i takah hanowi kaha seilon lehe pon i mat ukei totonakaha. Ti matean i halialu tamusuke *Satan, tetel nenein tetan mewenae kane matemate.

Hibru 7:1

Melkisedek tel ti imat. I masiwi ti Salem tehu taon lalap ma tin masiwi tapein ti hukuminiai Haeu ma seilon. I ailele puase Haeu tel axan lalap tapein. Ti *Abraham aliliama ti hile, muhin ti i xoiniwa tesol hinalo masiwi lato neneini lawalawai seilon, Melkisedek nahih tengeni i ape kamei Haeu aile hasolia hanian.

Jeims 2:19

Amuto soh ka Haeu i telawe, kewak? Salan wanen. Tuahe teka *spirit lialun tin laha soh ma laha mamata xexex Haeu.

2 Pita 2:4

Kalak puki teka *engel tetan, laha kum salia kaui kawatan ti laha tahi kakaian ma aile saun lialun. Haeu tiehi kongini laha leili tesol pate tilokoan ti kaui moloan atengi ngain tapeinan ti paxai kolongeniai woi lawe seilon.

1 Jon 3:8

Seilon tetel na i to aile tatale saun lialun, tel seilon ien se nati *Satan, tetel i aile saun lialun lilian ti i tahiwa Haeu. Tuahe Haeu talo Jises Krais hani tehu pon itan ie ti halialu tamusukei pupuase Satan.

Jud Nauna ti Jud hani teka kahikahi Jises Krais 1:6

Nameniwa teteka *engel laha heleini poh ti Haeu haniwen laha ape laha lioi tonalaha kapin lian tehue. Aile ape Haeu hamalumini laha xinotan leili tilokoan atengi ngain tetehu ti i hiniti lawe seilon.

Hahatakei Haeu 12:12

Aile ape amuto tetesol toto ti tone Haeu, amuamua! Tuahe lehe ape lialui lawe waliko ti tehu pon itan ma kanitax nake Satan ape i mos haniwen ien. Lon pate lialun nake i tioi ka ngainun pate ape kukunun.”