Mak Meng solian ti Jises tataiai Mak 16:10 - Seimat

¹⁰ Mary Magdalen nahih hani kapi tesol *kahikahi Jises lawan. Lato hatesol tang tahane hawane matei Jises. Ape i kakane lato waliko ti i sohot hani i.

Mak Meng solian ti Jises tataiai Mak 16:10 Iomraidhean Croise

Matiu 19:22

Tel seilon uluha hongoa, i nahih alia hetekie tatahan, nake soxian pate kilan ape i watakai na i hangaini.

Matiu 24:30

Tataen ien, kolakol ti aliaiak tel Nati Seilon i sohot he maun. Teka seilon ti lawe xux laha tang mamata. Ape laha ningahi nga tel Nati Seilon mosulih patul he maun hetekie lalape poh ma soliai talepai xewaiak.

Matiu 9:15

Jises kak pahoi lato, “Taen tel seilon i sal i kapi tesol seilon ti laha ilowima ti salasala, kaie lato to ti tatahan ape kum ang? Kumahe! Lato ang amuam kapin. Tuahe ngain tehu i luluainima ti laha waxi tel seilon i sal ti lato ape tataen ien lato halini an.

Mak Meng solian ti Jises tataiai Mak 14:72

Tataen ien tok mom wawan kokoini uke he huohu. Ape Pita nameni aliake kakain ti Jises kaakane i ka imat ti tok mom wawan kokoini uke he huohu, i kak uke he toluhu ka i kum tioi Jises. Pita nameniwa ape i tang tahane hawane.

Luk Meng solian ti Jises tataiai Luk 24:17

Jises kamei lalu, “Amulu he kakak waliko la?” Lalu tu hamalum, kawalalu kola ka lolalu pate teluan.

Jon Meng solian ti Jises tataiai Jon 16:6

Tiamuto xuhai tatahan nake ti waliko nga kakanewen amuto.

Jon Meng solian ti Jises tataiai Jon 20:18

Mary Magdalen nahih hani kapi tesol kahikahin ape i ukek, “Nga ningahiwen tel Masiwi!” Ape i kakane lato kakain ti Jises hohone i.