Matiu 4:23 - Seimat

²³ Jises nahih hani tesol tesol ti Galili hahanau teka seilon leili *synagog, ing ti apuhai teka *Ju. I kakaxi meng solian ti Haeu neini seilon ape i aile hasolia teka hina nax tenen tenen.

Matiu 4:23 Iomraidhean Croise

Matiu 11:5

Teka pulaxa, laha nahih hanima kapik ape laha paxapax, teka laha kum nanahih ape laha nahih uke, teka hina nax lialun he tinulaha, laha ewi, teka taxingalaha sutu ape laha hong uke kakain. Teka maten laha moih alia ape teka pahalaha wanen Haeu neini ma ngahati laha, laha hongohong meng solian ti Haeu.

Matiu 12:9

Jises nahih salili tesol ien ape i nahih hani *synagog.

Matiu 13:19

Teka laha hong kakain ti Haeu neini seilon a laha kum xeu, laha masin aweisal ti waki maia put to. Laha hong kakai Haeu tuahe malimun wanen na *Satan xaxaweni kakai Haeu ti leilolaha.

Matiu 13:54

I alia hani tesol puki tonan ti Nasaret. I nahih soh hani *synagog ape i hanau teka seilon. Teka laha hongohong laha ongake hawane waliko ti i kakak ape laha ukek, “I kekema anesoan ia? Alahan i pon aile hasohotui waliko tenen poh ti seilon kum pon ailean?

Matiu 14:14

Ti Jises mosua he tea koap, i ningahi kilan wanen seilon. I tahane hawane laha ape i haewia teka tinun.

Matiu 24:14

Ape teka kahikahik kaxi ahuti meng solian ti Haeu neini seilon hani hatesol xux. Taen ien tehu pon ie i tapo.

Matiu 3:2

I ukek, “Towiahua ti saun lialun ti amuto nake nenein ti Haeu i xohiwen!”

Matiu 9:35

Jises nahih kakalini taon ma toan tewau tewau. I hanau teka seilon leili *synagog. I kaxi meng solian ti Haeu neini seilon ma i aile haewia seilon ti hina nax tenen tenen.

Mak Meng solian ti Jises tataiai Mak 1:14

Muhin ti *Herod Antipas hanawa Jon leili kalabus, Jises nahih hani Galili ape i kaxi ahuti tenen meng solian ti Haeu.

Mak Meng solian ti Jises tataiai Mak 1:21

Jises ma tesol kahikahin nahih hani tehu taon Kapenaum. Telao *Sabat, i nahih hani leili *synagog, tehu ing ti apuhai teka *Ju, ape i hanau teka seilon.

Mak Meng solian ti Jises tataiai Mak 1:39

Ape Jises nahih kakalini Galili ti kaxi ahutiai kakai Haeu leili synagog ma i xaxaweni spirit lialun leili kilan seilon.

Mak Meng solian ti Jises tataiai Mak 3:10

I haewia kilan seilon, aile ape teka seilon tinun nahih tatale hani kapin. Pahalaha wanen laha soti i.

Mak Meng solian ti Jises tataiai Mak 6:2

Telao *Sabat i hutui hanaui teka seilon leili *synagog. Kilan seilon ti ien laha hongoa kakai Jises, laha ongaini hawane ape kumahe laha amuam. Laha kamea, “I kema ia kakain tenen masin? Anesoin tenen lahan i hina? I aile ukek ia poh tenen ti seilon kum aile uke?

Mak Meng solian ti Jises tataiai Mak 6:6

Pate i ongaini hawane ka lato tap namil xoxoan hani i. Ape Jises nahih hani toan tewau tewau hanaui teka seilon.

Luk Meng solian ti Jises tataiai Luk 10:9

Haewiawa teka tinun leili tehu taon ien ape kaxi haniwa laha ka taun ti Haeu neini laha ape i xohiwen.

Luk Meng solian ti Jises tataiai Luk 13:10

Telao Sabat Jises hahanau teka seilon leili tehu *synagog.

Luk Meng solian ti Jises tataiai Luk 16:16

Jises kak tatale ukek, “Imat ti Jon Baptis kaxi ahuti kakai Haeu, amuto teka *Israel hahitake hatesol *nauna ti Moses ma kakain ti *teka kuluiai kakai Haeu. Tuahe aope ie, nga ma tesol kahikahik kakaxi meng solian ti Haeu neini seilon ape kilan seilon pahalaha wanen Haeu neini laha.

Luk Meng solian ti Jises tataiai Luk 20:1

Ngain tehu ti Jises kakaxi *meng solian ti Haeu hani teka seilon leili *Ingi Haeu, teka masiwi tuah ti hukuminiai Haeu ma seilon, *teka hanaui nauna ti Moses ma teka masiwi liai ti teka *Ju, lato hatesol nahih hani kapin.

Luk Meng solian ti Jises tataiai Luk 4:14

Jises alia hani Galili hetekie xuhai pohe Holi Spirit. Meng ti sale Jises sawata hani lawe toan ma taon ti Galili.

Luk Meng solian ti Jises tataiai Luk 5:17

Ngain tehu ti Jises hahanau teka seilon, teka *Parisi ma *teka hanaui nauna ti Moses laha toto ien. Laha luama ti Jerusalem, Judia ma kilan toan ti Galili. Haeu tel Masiwi hapohea Jises ti haewiai teka tinun.

Luk Meng solian ti Jises tataiai Luk 6:17

Muhin ti Jises ma teka kahikahin mos aliawa he maunten, i tu teke nahonahon ape teka kilai kahikahin ma kilai seilon liai tu kalini i. Teka seilon ien laha ti Judia, Jerusalem ma taon Taia ma Saidon xohixohin peixux.

Luk Meng solian ti Jises tataiai Luk 6:6

Tehu ngain Sabat liai Jises nahih hani tehu *synagog ape i hanau teka seilon kakai Haeu. Ti ien tel seilon minan tepaun manau maten.

Luk Meng solian ti Jises tataiai Luk 7:21

Lokon ien Jises haewia kilan seilon laha hina nax tenen tenen, teka ti *spirit lialun kapiti hahalialu ma teka pulaxa.

Luk Meng solian ti Jises tataiai Luk 7:22

Ape i pahoi huhua kahikahi Jon i ukek, “Amulu alia honewa Jon waliko ti amulu hongohong ma niningahi. Teka pulaxa laha nahih hanima kapik ape laha paxapax, teka laha kum nanahih ape laha nahih uke, teka hina nax lialun he tinulaha ape laha ewi, teka taxingalaha sutu ape laha hong uke kakain. Teka maten laha moih alia ape teka pahalaha wanen Haeu neini ma ngahati laha, laha hongohong *meng solian ti Haeu.

Luk Meng solian ti Jises tataiai Luk 8:1

Muhin ien Jises lua hani taon ma toan tewau tewau kaxiai meng solian ti sale Haeu neini seilon. Tesol huopanim huhua *aposel nahih kakahiti i.

Luk Meng solian ti Jises tataiai Luk 9:11

Tuahe kilan seilon laha hongoen tetesol Jises ma tesol aposel lua hahaniwa ape laha kahiti lato. Jises paxai amuke laha. I haewia teka tinun ma hanau teka seilon sale nenein ti Haeu.

Luk Meng solian ti Jises tataiai Luk 9:60

Jises ukek, “Teka seilon kumahe ti Haeu laha masin seilon maten. Tiliwen teka ien tihiniai teka maten. Tuahe o nahih kaxi sawateniwa meng solian ti Haeu neini seilon.”

Jon Meng solian ti Jises tataiai Jon 18:20

Jises kak pahoi i ukek, “Lawe nga kak hehei ti taxingi seilon. Nga hahanau laha leili *synagog ma leili Ingi Haeu, tetesol ti teka Ju apuha hehetekie. Nga kum kak mumuneni tenen na waliko.

Jon Meng solian ti Jises tataiai Jon 6:59

Jises hahanau teka seilon leili tehu *synagog ti tehu taon Kapenaum ti i kakaxi tesol kakain ien.

Jon Meng solian ti Jises tataiai Jon 7:1

Muhin ien Jises hanau tatale teka seilon leili Galili. Kumahe pahan i nahih hani Judia nake teka *Ju ien hina namil ti teleian.

Aposel 10:38

Amuto tioi Haeu hani Jises Holi Spirit ma poh. I nahih hani tesol tesol ailei puasain solian ma haewiai teka seilon *spirit lialun kapiti hahalialu nake Haeu kapin.

Aposel 18:4

Lawe *Sabat Pol nahih hani leili *synagog. I tohongi itiniai namili teka Ju ma teka *Grik lehe laha soh ti *Jises.

Aposel 20:25

“Nga tioi ka tap tel ti amuto, teteka ti nga kaakane sale nenein ti Haeu, po ningahi ulea nga.

Aposel 28:31

I angiamatake kaxiai sale nenein ti Haeu ma sale puase tel Masiwi Jises Krais. Tap tel kongini uke i.

Rom Teik pasi Pol hani teka kahikahi Jises Krais ti Rom 10:15

Ape tap tel kaxi hani laha na masin tap tel taloi tel seilon ti kaxian. Ti leili pepai Haeu, *Aisaia tai kaxiwen ukek, “Teka laha kakaxi *meng solian ti Haeu, tahiaialaha se pate solian.” (Isa 52:7)