Matiu 27:2 - Seimat

² Lato hone teka unaualato xinotian ape laha ati i hani kapi Pailat, tel ti teka masiwi ti *Rom.

Matiu 27:2 Iomraidhean Croise

Matiu 20:19

Lato hangaini nga hani mini teka seilon ti *Rom. Laha soxeni nga, heti nga ma tahi hakea nga hani he *kros ape nga mat. Tuahe muhi ngain toluhu nga xahat alia.”

Matiu 28:14

Ape na Pailat hong tunahi ka kumahe amuto peteni aluluini, amite tukei awamuto.”

Luk Meng solian ti Jises tataiai Luk 13:1

Lokon ien hina seilon laha kakane Jises ka Pailat, tel kiliwakei texux xux Galili, i hone teka unauan teleiai teka seilon ti ien. Laha telei lato leilon ti lato kakau waliko hani Haeu leili Ingan.

Luk Meng solian ti Jises tataiai Luk 20:20

Teka hanaui nauna ti Moses ma teka *masiwi ti hukuminiai Haeu ma seilon, lato pepeteni tutuen Jises. Lato talo hina seilon ti kamei tohongiai Jises lehe waxi i kak waliko tenen na i sului aliake i ape lato hana hani he mini Pailat tel ti teka masiwi ti Rom kiliwakei Judia.

Luk Meng solian ti Jises tataiai Luk 23:1

Muhin ien hatesol masiwi ti tehu apuhain ien, laha tua ape ati Jises hani kapi Pailat, tel ti teka masiwi ti *Rom kiliwakei Judia.

Luk Meng solian ti Jises tataiai Luk 23:12

Kemuk, Herod ma Pailat lalu he wawatak tuahe ngain tehu ien ape lalu lohuloh.

Luk Meng solian ti Jises tataiai Luk 3:1

Leili ahang 15 ti Taiberius masiwi tapein ti *Rom, Pontius Pailat i masiwi ti Judia, *Herod Antipas i masiwi ti Galili, tel ukalan Pilip i masiwi ti Iturea ma Trakonitis ape Lisanias i masiwi ti Abilene.

Jon Meng solian ti Jises tataiai Jon 18:12

Ape tesol seilon ti hile ti Rom hetekie tel masiwi ti laha ma teka peteniai *Ingi Haeu, laha xioti Jises.

Jon Meng solian ti Jises tataiai Jon 18:24

Ape Anas talo Jises ti i xiotan tutuen hani kapi Kaiapas tel masiwi tapein ti hukuminiai Haeu ma seilon.

Jon Meng solian ti Jises tataiai Jon 18:28

Ti pate uli letu, laha hakahita Jises ti ingi Kaiapas hani tehu ingi Pailat, tel ti teka masiwi ti Rom. Tuahe hahalin ti teka Ju soh hani tehu ing ien nake se ingi *teka kumahe Ju. Na laha soh, laha kum pon aniai an ti *Pasova nake laha ape lolo.

Aposel 12:6

Ipong tehu imat ti Herod pahan i hatuhi Pita ti sulusulu, Pita mamatih leili kalabus wasole hua petenian. Laha xinoti i ani sen hani lalu hauhua ape hua liai pepeteni aweing.

Aposel 21:33

Ape tel masiwi Klodius xoti Pol. I hone teka unauan ka lato kewa huaik sen xinoti konginian. Ape i kamei teka kilai seilon, “Aita tel seilon ie? I ailewen waliko la?”

Aposel 22:25

Ti lato xinoti kewa Pol ape apeas ti hetian, Pol kakane tel masiwi hahitake Klodius tutu ien, “Nakon ewi ti hetiai tel seilon hahitake ngahat ti Rom na masin i tai tu ti sulusulu?”

Aposel 22:29

Tataen ien wanen teka seilon ti hile lehe laha heti Pol, laha sia alia tetan. Ti Klodius tioiwa ka Pol tel ti hahitake ngahat ti Rom, i mamata hawane nake i honewen teka unauan xinoti hetiai Pol.

Aposel 24:27

Feliks aile ukek ien leili ahang huohu. I kongini hamalumini Pol leili kalabus nake pahan i hamuamua teka masiwi ti teka Ju. Imuh Porkius Festus uke totonan ti nahikei Sisaria.

Aposel 28:20

Aile ape nga ilowima amuto ti kakak kapimuto. Ti nake monomon ti kako teka *Israel hani *Krais tetel Haeu taloma, laha xioti kalabusi nga sen.”

Aposel 3:13

Haeu ti *Abraham, Aisak, *Jekop ma teka matahaun ti kako, i hanawen tel unauan Jises seilon pate tuah, tetel amuto hangaini hani teka masiwi ti *Rom. Pate amuto watakai i kalak Pailat ailewen namil ti oxoxian.

Aposel 4:27

“Ape salan, Herod ma Pontius Pailat apuha hetekie kapi teka seilon laha kum tioi Haeu ma teka seilon ti Israel leili Jerusalem ape laha aile namil ti halialui Jises, tel o kilamiwen, tel unauam i hani hatapo namilon ti puasam.

Aposel 9:2

Sol kamea na i tai axi i hina pas lehe i kola hani teka masiwi ti *synagog leili tehu taon Damaskas. Tesol pas ien i kaxi ka Sol pon xotiai teka seilon laha usiusi aweisali *Krais ma hakahita kalabusialaha hani Jerusalem.

1 Timoti 6:13

O tioi kewak, nga hahani o tesol nauna ien ti puli Haeu, tetel i axi hanawain hani lawe waliko moihin. Jises Krais tin i papaxai. I tetel i kaxi ahuti xoxoi namilon ti Haeu hani Pontius Pailat.

2 Timoti 2:9

Nake ti nga kaxi tenen meng solian ien, nga kau kawatan hetekie laha xioti kongini nga ani sen hanowi seilon tenen woun lialun. Tuahe tap tel kongini uke kaxiai kakai Haeu.

Hibru 13:3

Nameniwa hualiai teka leili kalabus. Aile haniwa laha hanowi na amuto kapi laha. Tin masin nameniwa teka laha kakau kawatan. Aile haniwa laha hanowi ka tin amuto kakau kawatan.