Matiu 2:6 - Seimat

⁶ “ ‘Betlehem, taon ti Judia, o kumahe tehu taon tap axan ti Judia nake o tetesol tel masiwi i po sohot ti ngahatiai teka seilon tetak ti *Israel.’ ” (Mic 5:2; 2 Sam 5:2)

Matiu 2:6 Iomraidhean Croise

Matiu 2:1

*Jises takah leili taon Betlehem ti Judia, lokon ti *Herod masiwi. Lokon ien, tesol seilon ti sai angiha tahia hani Jerusalem. Lato aneso mumuh ti kohot.

Matiu 28:18

Jises xohi hani kapi lato ape i hone lato ukek, “Haeu hanawen nga Masiwi ti lawe waliko ti patul ma tehu pon ie.

Jon Meng solian ti Jises tataiai Jon 21:16

Jises kamei ulea, “Saimon tel nati Jon, nakon o waheni hawane nga?” I pahoi ukek, “A se. Tel Masiwi, o tioi nga waheni hawane o.” Ape Jises ukek, “Ngahati aluiniwa teka kahikahik masin ti tel ngahatiai sipsip.”

Jon Meng solian ti Jises tataiai Jon 7:42

A kakain ti leili pepai Haeu i ukek Krais, tel ti kaha to monomon, i nakuama ti tel masiwi *David ma i takah Betlehem, tetewau toan ti kemuk David toto.”

Epesus 1:22

Haeu hana lawe waliko hani hahitake Krais ape kilami i Masiwi tapein. Ape teteka laha soh tetan laha uke solian tetan.

Kolosi 1:18

Krais tetel i neini teka seilon tetan masin pati seilon i kapiti tupuan. I tetel hanialaha tonain tuah kapi Haeu. I tin Haeu hamoihamu ti matemate lehe i sohot Masiwi tapein ti lawe waliko.

Hibru 7:14

Kako tioi ka Jises tel Masiwi ti kako i nakuama ti *Juda. A Moses tai kilami tuahe na tel ti i nakuama ti Juda akeniai puasain ti hukuminiai Haeu ma seilon. Tap tel ti lato i ailelewen puasain ti haniai Haeu waliko tenen i kahui lialui woi seilon.

Hahatakei Haeu 11:15

Ti tel *engel tapeinan kuiniwa tehu suhusuhaun, kilan kinax tiloma tesol tone Haeu, laha ukek, “Haeu tel Masiwi ti kaha ma *Krais tetel i taloma, lalu sohot Masiwi tapein ti tehu pon ie ape lalu neini lawe seilon lian tehue.”

Hahatakei Haeu 2:27

‘Nga hani lato poh ti neiniai seilon masin ti nga kema ti Haeu tel Tamak. Nenein ti lato ahian wanen kane teka seilon laha tahi kakai Haeu. Lato aile halialu teka ien hanowi patula kalas ti i put ape i takel wikawika.’ (Ps 2:8-9)

Hahatakei Haeu 7:17

I sohot ukek ien nake totok sipsip uluha kapi Haeu i ngangahati ma neneini laha hani Haeu masin ti na kinawe seilon pate paxepaxen ape tel i neini laha hani tehu kan. Ape tatahan kum hatangi ulei laha nake Haeu xaxaweni hatapo lawe kawatan.”