Matiu 2:2 - Seimat

² Ape lato kamea, “Ia tetel akaik i takahale masiwi tapein ti teka *Ju? Amite ningahi tehu kohot ti sai angiha i kola takahan ape amite nahima lotuian.”

Matiu 2:2 Iomraidhean Croise

Matiu 2:3

Ti tel masiwi Herod hongoa, namilon sihikuk hawane hetekie teka seilon ti Jerusalem.

Matiu 21:5

“Honewa teka seilon ti Jerusalem, ‘Paxaiwa, tel Masiwi ti amuto i luluainima kumahe masin seilon ti hile, i toto patul he tok donki, tok donki uluha.’ ” (Zech 9:9)

Matiu 27:11

Jises tutu mate Pailat ape Pailat kamei i ukek, “Nakon o se tel masiwi tapein ti teka Ju?” Ape Jises pahoi i ukek, “Se, masin ti o kakawen.”

Luk Meng solian ti Jises tataiai Luk 19:38

Laha tilol ukek, “Kako sameniwa ma amukewa tel kahi nati *David, tel i nahih hehetekiema poh ma solian ti Haeu! Kako sameniwa Haeu tel pohen tapein, tel i hatona hasolia tiakako.” (Ps 118:25-26, 148:1)

Luk Meng solian ti Jises tataiai Luk 2:11

Hongoa! Ngain tetelao leili Betlehem, tehu taon ti tel masiwi David takah, tel awaiakaha i takahawen. I awai kaha ti kawatan ti lialui woukaha. I *Krais tel Masiwi, tetel Haeu taloma.

Luk Meng solian ti Jises tataiai Luk 23:3

Pailat kamei i, “Nakon o tel masiwi tapein ti teka *Ju?” Ape Jises pahoi ukek, “Puki o kak ukek ien.”

Luk Meng solian ti Jises tataiai Luk 23:38

Teik kakain ti suluian lato tahi hakea onote patun i kak ukek, “Tel Masiwi Tapein ti teka Ju.”

Jon Meng solian ti Jises tataiai Jon 1:49

Nataniel ausinike hawane, “Tel masiwi, o tel Nati Haeu! O se masiwi tapein ti Israel!”

Jon Meng solian ti Jises tataiai Jon 12:13

Laha koti kai hatoh ape nahih titilol tengenian, “Kako haxawawa axe Haeu. Kako sameniwa ma amukewa tel i nahih hehetekiema poh ma solian ti Haeu! (Ps 118:25-26) Kako sameniwa ma amukewa tel Masiwi tapein ti *Israel!”

Jon Meng solian ti Jises tataiai Jon 18:37

Ape Pailat ukek, “Kaien o se tel masiwi tapein, kewak?” Jises pahoi i ukek, “Puki o ukek nga masiwi tapein. Nga takah hanima tehu pon ie ti kola hatake haniai seilon waliko tenen salan. Hatesol teka laha waheni waliko tenen salan, laha hong usi kakaiak.”

Jon Meng solian ti Jises tataiai Jon 19:19

Ti hahitake axe Pailat teka seilon ti hile tahi hakea teik kakain onote pati Jises. I ukek, “Jises ti Nasaret, tel Masiwi Tapein ti teka Ju.”

Jon Meng solian ti Jises tataiai Jon 20:28

Tomas paxai tioiwa ape i kak eliel hawane, “O se Masiwi tetak ma Haeu tetak!”

Jon Meng solian ti Jises tataiai Jon 5:23

I aile ukek lehe lawe seilon hong ma sameni nga tel Natun masin ti laha hong ma sameni tel Tamak Haeu. Tel na i watakai nga tel Natun, liai hoi i watakai tel Tamak Haeu, tetel i taloma nga.

Jon Meng solian ti Jises tataiai Jon 9:38

Tel seilon ukek, “Tel Masiwi, nga soh hawane tetam.” I lokuha hani itan ape i lotui Jises.

Hibru 1:6

Lokon ti Haeu taloma tel Natun pate tuah hani tehu pon ie i ukek, “Hatesol engel tetak haxawawa axan.” (Deut 32:43)

Hahatakei Haeu 22:16

Ape Jises kak ulea ukek, “Nga talo tel engel hahitake axak kaxi ahutiai tesol waliko leili teik pepa ie lehe hatesol kahikahik laha tioi hawane. Nga kahi nati *David tel Masiwi, nga nakuama tetan. Nga masin tehu kohot towisaian pate xewan.”