Matiu 11:11 - Seimat

¹¹ Nga hone amuto, puase Jon ti Haeu kilami i ailean, se pamu tuah ti puase hatesol seilon liai. Tuahe kalak teka ti pate naun leili teka seilon Haeu neneini, anesoalaha sale nenein ti Haeu pamu lapan ti Jon.

Matiu 11:11 Iomraidhean Croise

Matiu 11:10

Jon tel seilon Haeu kakaxi leili pepaun. Haeu kakane tel Natun i ukek, “ ‘Nga talo tel ahutiai kakaiak imat tetam ti apeseniai seilon ti sohotuam.’ (Mal 3:1)

Matiu 11:12

Lokon ti Jon kakaxi kakai Haeu hanima tataen aope ie, kilan seilon pahalaha wanen Haeu neini laha.

Matiu 3:1

Hina ahang tamusua Jon Baptis i hutui ahutiai kakai Haeu ti i nahih hahaniwa he lohong ti Judia.

Matiu 3:11

“Nga baptaisi teka seilon ani kan ti kolaian ka laha lioiwen saun lialun tuahe *Jises Krais, tel i sohotuma muhik, i hani laha *Holi Spirit ti kapitialaha. Jises pamu masiwian tetak, masiwiaian ala i kum pon nga unauan.

Matiu 5:19

Tel na i tahi tuahe teik nauna ti Haeu ape i hanau seilon liai tahian, Haeu namiloi ukek i tel pate naun. A tel na i puas usi ma hanau seilon liai puas usiai nauna ien, Haeu namiloi ukek i tel pate tuah.

Luk Meng solian ti Jises tataiai Luk 1:15

Amuto hatesol amuam nake Haeu namiloi ukek Jon i sohot tel seilon pate tuah. I kum un unum ailan. Tataen ti uli takahan, Haeu hani i *Holi Spirit ti kapitian.

Luk Meng solian ti Jises tataiai Luk 7:28

Jises kak ulea ukek, “Nga kakane amuto, puase Jon ti Haeu kilami i ailean se pamu tuah ti puase hatesol seilon liai. Tuahe kalak teka ti pate naun leili teka seilon Haeu neneini, anesoalaha sale nenein ti Haeu pamu lapan ti Jon.”

Luk Meng solian ti Jises tataiai Luk 9:48

I ukek, “Tel na i waxi auni akaik masin ie nake nga, se i aunini nga. Ape tel i waxi auni nga, i waheni tel Tamak Haeu, tetel i taloma nga. Tel na i teheni i ape i huali seilon liai, tel seilon ien Haeu namiloi ukek ka i pate tuah.”

Jon Meng solian ti Jises tataiai Jon 1:15

Jon kaxi hani seilon sale tetel i Kakain ti i ukek, “Tel seilon ien i tetel nga kakaxi ti nga ukek, ‘Tel na i luainima muhik i pamu masiwian tetak nake i hoi imat tetak.’ ”

Jon Meng solian ti Jises tataiai Jon 1:27

I tel puasama muhik. Masiwiaian ala i kum pon nga unauan.”

Jon Meng solian ti Jises tataiai Jon 10:41

Kilan seilon opea hani kapi Jises. Laha ukek, “Tap tenen waliko lalap Jon ailewen tuahe kakaian ti tel seilon ie se salan wanen.”

Jon Meng solian ti Jises tataiai Jon 3:30

Aile ape seilon namiloi eliel kewak i pamu tuah tetak.

Jon Meng solian ti Jises tataiai Jon 5:35

Kakai Jon masin xewan i haxewa hani amuto waliko tenen salan ti i kakak nga ape hina taun ti amuto amuke kakaian.

Jon Meng solian ti Jises tataiai Jon 7:39

Kakai Jises ti i kakak ien i kakaxi sale *Holi Spirit, tetel Haeu hani teka laha soh ti Jises. Hanima tataen, Haeu tai axi Holi Spirit hani teka *kahikahi Jises nake Haeu tai kola hatakei hatesol pohe Jises.

1 Korin 15:9

Ti paxaian tetak nga tel pamu itan ti lawe aposel. I kum tapai wanen laha axai nga aposel nake kemuk nga aile halialu hawane teka kahikahi Krais, teteka seilon ti Haeu.

1 Korin 6:4

Na amuto hina wasol, alahan amuto paxai teka kumahe kahikahi Krais ti hasawian? Teka seilon ien tap axalaha leilokako teka kahikahi Krais nake laha kum soh ti Haeu.

Epesus 2:3

Ti imat kako hatesol masin ien. Kako ailele waliko tenen ti tupuakako pahan. Kako usiusi lialui namilokako ma isiai pahakako ti ailei saun lialun. Ala i pon hawane kako uke kawatan ti lengei Haeu.

Epesus 3:8

Kalak nga tel seilon naun ti lawe seilon ti Haeu, i hani nga kaxi haniai teka kumahe Ju sale lawe waliko solian ti Krais hahani teka seilon tetan. Tesol waliko solian ien se tuah wanen, seilon kum pon kolongenian.

2 Timoti 1:10

Aile ape kako tioi ka Haeu waheni kako nake i hani kako Jises Krais tel awaiakako ti kawatan ti lialui woukako. Jises waxaini pohe matemate ape i hei aweisalukaha seilon ukei *tonain kapi Haeu ti tap tahi tapoan na kaha hong soh *meng solian tetan.

Hibru 11:40

Haeu namiloi peleiwen ka waliko ti i hani lato ma kako imuh pamu soliaian. Aile ape i tai hani hulutini lato. Pahan ati kako hatesol sohot seilon tenen sawisawin tapein.

1 Pita 1:10

*Teka kuluiai kakai Haeu ti imat laha eliel hawane upia matainiai ti sale Haeu awai kako. Laha kakaxi ka Haeu aile ukek ien ti lalape soliaian kumahe nake ti soliai puasakako.