Matiu 10:5 - Seimat

⁵ Jises talo tesol aposel ape i kakane lato ukek, “Amuto kum nahih hahani kapi *teka kumahe Ju ma na tuahe tehu taon ti *Samaria.

Matiu 10:5 Iomraidhean Croise

Matiu 22:3

I talo tesol unauan nahih honei teka seilon i ilowiwen ti nahih haniai tehu angiain ti sala. Tuahe laha watakai.

Matiu 4:15

“Teka seilon ti xux ti Sebulun ma Naptali, xux ti pahoiwa kanitax Galili, pape kan Jodan, tewaok ti Galili ti *teka kumahe Ju totonai, laha toto he tilokoan ti saun lialun tuahe laha po tunahi lalape xewai Haeu. Laha toto he tilokoan ti matemate tuahe xewai Haeu po haxewa laha.” (Isa 9:1-2)

Mak Meng solian ti Jises tataiai Mak 6:7

I tiloi apuhini tesol huopanim hua kahikahin ape i talo lato uke hua hua. I hani lato poh ti xaxaweniai *spirit lialun.

Luk Meng solian ti Jises tataiai Luk 10:1

Muhin tel Masiwi Jises kilami 72 kahikahin liai ape i talo lato hua hua imat tetan hani lawe taon ma toan ti i namiloi na i nahiwa.

Luk Meng solian ti Jises tataiai Luk 10:33

“Tapeinan tel ti Samaria nahima. Amuto tioi wasole teka Ju ma teka Samaria kumahe ewi. Ti i ningahiwa tel Ju mangein, i tahane hawane.

Luk Meng solian ti Jises tataiai Luk 17:16

I put lokuha hani kapi ae Jises ape i kak kemulik hani i. Tel seilon ien i ti texux xux Samaria.

Luk Meng solian ti Jises tataiai Luk 9:1

Jises ilowi apuhini huopanim hua aposel ape i axi lato poh ti xaxaweniai *spirit lialun ma nax tenen tenen ti teka seilon.

Luk Meng solian ti Jises tataiai Luk 9:2

Ape i talo lato kaxiai meng solian ti Haeu neini seilon ma haewiai teka tinun.

Jon Meng solian ti Jises tataiai Jon 17:18

Masin ti o taloma nga hani tehu pon ie ti ailei pupuasam, tin nga talo lato hani tesol tesol ti ailei pupuasam.

Jon Meng solian ti Jises tataiai Jon 20:21

Jises kak ulea ukek, “Amuam ti Haeu kapimuto. Masin ti tel Tamak Haeu taloma nga ailei puasan, tin nga talo amuto.”

Jon Meng solian ti Jises tataiai Jon 4:20

Kaien kaxi hanima nga, alahan amuto teka Ju ukek lotuiai Haeu tesoloe leili Jerusalem? Teka matahaun ti amite lawe laha lotui Haeu ie patul he tehu maunten Gerisim.”

Jon Meng solian ti Jises tataiai Jon 4:5

Ape i sota tehu taon axan Sika. I xohixohin kapi teik hepekeun *Jekop haniwen tel natun Josep.

Jon Meng solian ti Jises tataiai Jon 4:9

Tel hehin ong hawane nake teka *Ju ma teka Samaria laha kum hukuma hehetekie. Ape i ukek, “Nga hehin ti Samaria. Alahan o tel Ju kamei nga utuhi axiai unumam kan?”

Jon Meng solian ti Jises tataiai Jon 7:35

Teka masiwi ti teka Ju he kakak alia laha, “Kaie i nahih kelak lehe kako kum pon tunahian? Nakon i nanamiloi na i nahih salili xuxukako hani kapi teka akikikako Ju kakaialaha *Grik? Sohin uke pahan i hanau teka Grik.

Jon Meng solian ti Jises tataiai Jon 8:48

Teka Ju kak lengeleng, “Salan wanen ti amite ukek ka o tel *Samaria ma *spirit lialun kapiti hahalialu o.”

Aposel 1:8

Tuahe ti Haeu hani amuto Holi Spirit, amuto uke pohen ape amuto kaxi sawateni nga hani teka seilon ti Jerusalem, hatexux ti Judia, *Samaria ma lawe xux.”

Aposel 10:45

Tesol Ju *kahikahi Jises lato kahitima Pita ti Jopa pate lato ongaini ka Haeu tin i axi Holi Spirit hani teka seilon laha kumahe Ju.

Aposel 8:1

Sol paxai waheni ti laha telei Stiven. Ti ngain tehu ien teka seilon hutui axiai kawatan tenen lialun wanen hani teka *kahikahi Jises leili Jerusalem. Aile ape hatesol kahikahi Jises ox hani tesol tesol ti Judia ma *Samaria tuahe tesol *aposel lato hamalum Jerusalem.

1 Tesalonika 2:16

Laha tohongi lali konginiamite ti kaxi haniai *teka kumahe Ju ka Haeu pahan i awai laha ti kawatan ti lialui woulaha. Ti laha aile ukek ien, laha tua palahi aheheke saun lialun ti laha ailele. Aile ape ti lengei Haeu, imuh i axi laha kawatan.