Luk Meng solian ti Jises tataiai Luk 8:12 - Seimat

¹² Aweisal ti waki maia put to, kikilami teka seilon laha hong kakai Haeu. Tuahe *Satan tahiama ape i xaxaweni kakain ien ti laha lehe laha kum soh Haeu ape Haeu kum awai laha ti kawatan ti lialui woulaha.

Luk Meng solian ti Jises tataiai Luk 8:12 Iomraidhean Croise

Matiu 13:19

Teka laha hong kakain ti Haeu neini seilon a laha kum xeu, laha masin aweisal ti waki maia put to. Laha hong kakai Haeu tuahe malimun wanen na *Satan xaxaweni kakai Haeu ti leilolaha.

Matiu 13:4

Ti i totowi waki maia, hina i put hani he aweisal ape manixux ngong ani.

Mak Meng solian ti Jises tataiai Mak 4:15

Seilon hina masin aweisal ti waki maia put to, laha hong kakai Haeu tuahe malimun wanen na *Satan xaxaweni kakain ien ti leilolaha.

Luk Meng solian ti Jises tataiai Luk 8:11

Jises ukek, “Ie salangawe tenen meng nga kaxiwen. Waki maia kikilami kakai Haeu.

Luk Meng solian ti Jises tataiai Luk 8:13

Kalamael ti waki maia put to, i kikilami teka seilon pate laha hong amuke kakai Haeu tuahe laha tap namil xoxoan ti Haeu. Laha soh kakai Haeu teik kukunun. Taen kawatan ma totohong tahiama, xoxoi namilolaha ti Haeu pate i put kosea.

Luk Meng solian ti Jises tataiai Luk 8:5

I ukek, “Telao tel seilon nahih towi seini waki maia. Hina i put hani aweisal. Imuh teka seilon nahih tuhi ma manixux ngong ani hatapo.

Hahatakei Haeu 12:9

Tok loloma lalap ien i se *Satan, tetel hoi i pupuas ti imat wanen, lokon ti i tanoma hanowi weiko. Lawe i neini hakalala seilon ti ailei saun lialun. Ape muhi tehu hilehile, laha towi ahuti i ma tesol tuaun hani tehu pon itan ie.