Luk Meng solian ti Jises tataiai Luk 8:1 - Seimat

¹ Muhin ien Jises lua hani taon ma toan tewau tewau kaxiai meng solian ti sale Haeu neini seilon. Tesol huopanim huhua *aposel nahih kakahiti i.

Luk Meng solian ti Jises tataiai Luk 8:1 Iomraidhean Croise

Matiu 11:1

Muhin ti Jises hanau kewa tesol huopanim hua kahikahin, i nahih salili tesol toan ien ape i nahih hani taon ti xohixohin. I hahanau ma kakaxi *meng solian ti Haeu hani teka seilon.

Matiu 13:19

Teka laha hong kakain ti Haeu neini seilon a laha kum xeu, laha masin aweisal ti waki maia put to. Laha hong kakai Haeu tuahe malimun wanen na *Satan xaxaweni kakai Haeu ti leilolaha.

Matiu 4:23

Jises nahih hani tesol tesol ti Galili hahanau teka seilon leili *synagog, ing ti apuhai teka *Ju. I kakaxi meng solian ti Haeu neini seilon ape i aile hasolia teka hina nax tenen tenen.

Matiu 9:35

Jises nahih kakalini taon ma toan tewau tewau. I hanau teka seilon leili *synagog. I kaxi meng solian ti Haeu neini seilon ma i aile haewia seilon ti hina nax tenen tenen.

Mak Meng solian ti Jises tataiai Mak 1:39

Ape Jises nahih kakalini Galili ti kaxi ahutiai kakai Haeu leili synagog ma i xaxaweni spirit lialun leili kilan seilon.

Luk Meng solian ti Jises tataiai Luk 1:80

Tel natun Jon lapale ape Holi Spirit hapohea i. I heheuta he lohong atengi tataen i kaxi ahuti kakai Haeu hani teka seilon ti Israel.

Luk Meng solian ti Jises tataiai Luk 20:1

Ngain tehu ti Jises kakaxi *meng solian ti Haeu hani teka seilon leili *Ingi Haeu, teka masiwi tuah ti hukuminiai Haeu ma seilon, *teka hanaui nauna ti Moses ma teka masiwi liai ti teka *Ju, lato hatesol nahih hani kapin.

Luk Meng solian ti Jises tataiai Luk 4:18

“Spirit ti Haeu tel Masiwi i kapik nake i kilamiwen nga kaxi ahutiai *meng solian ti Haeu hani teka laha tae ti usiai aweisali Haeu. I taloma nga hetekie kakain ka nga ahutiai teka kalabus ma oxoxiai seilon ti kawatan ti lialui woulaha. Nga haewia teka pulaxa ma haxewa seilon ti sale aweisali Haeu. Nga awai seilon ti teka liai aile halialu laha.

Luk Meng solian ti Jises tataiai Luk 9:6

Ape tesol aposel nahih kakaxi *meng solian ti Jises hani toan tewau tewau ma hahaewia teka seilon tinun.

Aposel 10:38

Amuto tioi Haeu hani Jises Holi Spirit ma poh. I nahih hani tesol tesol ailei puasain solian ma haewiai teka seilon *spirit lialun kapiti hahalialu nake Haeu kapin.

Aposel 13:32

“Ape amili kaxi hahani amuto meng solian ie.

Rom Teik pasi Pol hani teka kahikahi Jises Krais ti Rom 10:15

Ape tap tel kaxi hani laha na masin tap tel taloi tel seilon ti kaxian. Ti leili pepai Haeu, *Aisaia tai kaxiwen ukek, “Teka laha kakaxi *meng solian ti Haeu, tahiaialaha se pate solian.” (Isa 52:7)