Luk Meng solian ti Jises tataiai Luk 7:9 - Seimat

⁹ Ti Jises hongoa i ongake hawane. I xeisale ape i hone teka seilon kakahiti i, “Nga kakane amuto, ti leili *Israel nga tai tutunah tel seilon i hina namil xoxoan tetak masin tel seilon ti Rom ie.”

Luk Meng solian ti Jises tataiai Luk 7:9 Iomraidhean Croise

Matiu 15:28

Jises kakane tel hehin ukek, “Namilom salan xoxoan wanen tetak! Nga aile usi waliko tenen paham.” Ape tel natun i ewi huluta tataen ien.

Matiu 8:10

Ti Jises hongoa, pate i ongake ape i hone teka seilon kakahiti i, “Nga kakane amuto, ti leili *Israel nga tai tutunah tel seilon i hina namil xoxoan tetak masin tel seilon ti Rom ie.

Matiu 9:33

Tuahe tataen Jises xaxaweniwa spirit lialun ape tel seilon kakak. Hatesol seilon laha ongake hawane. Laha kak ausini, “Amite tai papaxai waliko tetenen ti *Israel hatexux!”

Luk Meng solian ti Jises tataiai Luk 7:10

Teka kaui kakain alia hani ingi tel masiwi ti hile ape lato tunahi ka tel unauan i ewiwen.

Luk Meng solian ti Jises tataiai Luk 7:50

Ape Jises kakane tel hehin, “Haeu awai o ti kawatan ti lialui woum nake namilom xoxoan tetak. Nahih hawanenewa.”

Luk Meng solian ti Jises tataiai Luk 7:8

Nga kak ukek nake tin hina seilon pamu masiwian tetak ma hina seilon ti hile hahitakak. Na nga hone tel, “Nahiwa,” i nahih. Na nga hone tel, “Nahima,” i nahima. Ape na nga talo tel unauak, “Ailewa tetenen,” i aile.’ ”