Luk Meng solian ti Jises tataiai Luk 5:11 - Seimat

¹¹ Ti lato uhi koap hanile ixux, lato hana lioi hatesol waliko ti lato ape kahiti Jises.

Luk Meng solian ti Jises tataiai Luk 5:11 Iomraidhean Croise

Matiu 10:37

“Na tel seilon pamu i waheni tel taman ma tel tinan i xoini ti i waheni nga, i kum pon kahikahik. Na tel seilon pamu i waheni tel natun i xoini ti i waheni nga, i kum pon kahikahik.

Matiu 19:27

Pita ukek, “Paxaiwa, amite tesol kahikahim salili hatapoen waliko ti amite ape amite kakahiti o. Kaie amite uke waliko la?”

Matiu 19:29

Ape hatesol teka laha salili tonalaha, ukalalaha, tualaha, tamalaha, tinalaha, natulaha ma na kinelaha nake laha kahikahik, laha uke pamu mongohuan, hetekie tonain kapi Haeu ti tap tahi tapoan.

Matiu 4:20

Kakanua lalu hana lioi upen ape kahiti i.

Matiu 4:22

Ape salan, lalu nahih salili tea koap ma tel tamalalu ape kahiti i.

Mak Meng solian ti Jises tataiai Mak 10:21

Jises paxai tioi namili tel seilon ien. Ape hetekie tatahan i ukek, “O tai aile teik waliko. Nahih hangainiwa hatesol soxiam ape haniwa teka seilon tap soxi lehe imuh o uke kahum ti *tone Haeu. Ape o nahih kahitima nga lehe o sohot kahikahik.”

Luk Meng solian ti Jises tataiai Luk 5:28

Livai tule, i lioi lawe waliko ape kahiti i.