Luk Meng solian ti Jises tataiai Luk 4:23 - Seimat

²³ I hone laha, “Nga sixi ka lehe amuto hone nga ukek, ‘Kolawa pohem. Ailewa waliko tenen lalap puki leili tonam masin ti amite hongohong o ailewen leili Kapenaum.’ ”

Luk Meng solian ti Jises tataiai Luk 4:23 Iomraidhean Croise

Matiu 13:54

I alia hani tesol puki tonan ti Nasaret. I nahih soh hani *synagog ape i hanau teka seilon. Teka laha hongohong laha ongake hawane waliko ti i kakak ape laha ukek, “I kekema anesoan ia? Alahan i pon aile hasohotui waliko tenen poh ti seilon kum pon ailean?

Matiu 4:13

I salili Nasaret ape aile tonan Kapenaum, tehu taon xohixohin ti kanitax Galili ma xuxi teka Sebulun ma Naptali.

Matiu 4:23

Jises nahih hani tesol tesol ti Galili hahanau teka seilon leili *synagog, ing ti apuhai teka *Ju. I kakaxi meng solian ti Haeu neini seilon ape i aile hasolia teka hina nax tenen tenen.

Mak Meng solian ti Jises tataiai Mak 6:1

Jises ma tesol kahikahin nahih salili tewau toan ien ape lato nahih hani tesol tonan ti Nasaret.

Luk Meng solian ti Jises tataiai Luk 2:39

Ti Josep ma Mary aile hatapoa lawe waliko ti nauna ti Moses kakak, lalu alia hani tonalalu ti Nasaret leili Galili.

Luk Meng solian ti Jises tataiai Luk 2:51

Jises kahiti aliake lalu hani Nasaret ape lawe i hong usi kakaialalu. Tel tinan namiloi kakapitini waliko ti i sosohot.

Luk Meng solian ti Jises tataiai Luk 4:16

Muhin ien Jises tahia hani Nasaret, tehu taon ti i lapale. Telao *Sabat i nahih hani tehu synagog hanowi ti lawe i ailele. I tule lehe i ridai kakai Haeu.

Luk Meng solian ti Jises tataiai Luk 4:31

Muhin ien Jises nahih hani Kapenaum, tehu taon leili Galili. Telao ngain Sabat i hanau teka seilon leili tehu synagog.

Luk Meng solian ti Jises tataiai Luk 4:35

Jises tumei spirit lialun ukek, “Minginiwa awam ape ahuta xaxaua ti tel seilon ie!” Spirit lialun towi xoini tel seilon hani itan ti puli lawe seilon tuahe i tai mange. Ape spirit lialun ahuta salili i.

Luk Meng solian ti Jises tataiai Luk 6:42

Amuto kum hone uke tel seilon liai, ‘Hanima nga xaxaweni teik masiap kokol he pulam’ na masin puki amuto teik masiap lalap he pulamuto. Seilon tenen lehomuto huoka! Amuto xaxawenimua teik masiap lalap he pulamuto ape muhin ien amuto paxapax alua ti xaxaweniai teik masiap kokol he puli tel seilon liai.”

Jon Meng solian ti Jises tataiai Jon 4:28

Tel hehin hana lioiwa tehu peti kan ape i kiliwau alia hani leili taon. I kakane teka seilon ukek,

2 Korin 5:16

Aile ape, lilian ti amite sohotua kahikahi Krais, sale paxapaxa ti amite kolongeniai seilon kumahe masin ti teka laha kum soh tetan. Ti imat, amite namiloi Jises Krais hanowi ti laha, tuahe ape amite namiloi towiahuen.