Luk Meng solian ti Jises tataiai Luk 4:18 - Seimat

¹⁸ “Spirit ti Haeu tel Masiwi i kapik nake i kilamiwen nga kaxi ahutiai *meng solian ti Haeu hani teka laha tae ti usiai aweisali Haeu. I taloma nga hetekie kakain ka nga ahutiai teka kalabus ma oxoxiai seilon ti kawatan ti lialui woulaha. Nga haewia teka pulaxa ma haxewa seilon ti sale aweisali Haeu. Nga awai seilon ti teka liai aile halialu laha.

Luk Meng solian ti Jises tataiai Luk 4:18 Iomraidhean Croise

Matiu 11:5

Teka pulaxa, laha nahih hanima kapik ape laha paxapax, teka laha kum nanahih ape laha nahih uke, teka hina nax lialun he tinulaha, laha ewi, teka taxingalaha sutu ape laha hong uke kakain. Teka maten laha moih alia ape teka pahalaha wanen Haeu neini ma ngahati laha, laha hongohong meng solian ti Haeu.

Matiu 12:18

“Ie tel Natuk, i unauak, tel nga kilamiwen, nga waheni ma pate nga amuke hawane i. Nga hani i Spirit tetak, ape i kaxi ahuti hani lawe seilon aweisal ti nga neini hasawi laha.

Matiu 12:20

I tahane teka seilon tenen masin topiu ti i kekelel. I huali teka seilon namilolaha tetak masin kamai ah tenen lehe i peh. I puas tatale atengi tataen teka seilon waheni nga neini laha.

Matiu 5:3

“Haeu aile hasolia hani teka pahalaha wanen i neini ma ngahati laha.

Luk Meng solian ti Jises tataiai Luk 4:17

Ape laha hani i teik pepai *Aisaia, tel kuluiai kakai Haeu. I holaiwa teik pepa ape i onoteni tesol ti i ukek,

Luk Meng solian ti Jises tataiai Luk 6:20

Jises paxai teka kahikahin ape i kakane laha hatesol, “Haeu aile hasolia hani teka pahalaha wanen i neini ma ngahati laha.

Luk Meng solian ti Jises tataiai Luk 7:22

Ape i pahoi huhua kahikahi Jon i ukek, “Amulu alia honewa Jon waliko ti amulu hongohong ma niningahi. Teka pulaxa laha nahih hanima kapik ape laha paxapax, teka laha kum nanahih ape laha nahih uke, teka hina nax lialun he tinulaha ape laha ewi, teka taxingalaha sutu ape laha hong uke kakain. Teka maten laha moih alia ape teka pahalaha wanen Haeu neini ma ngahati laha, laha hongohong *meng solian ti Haeu.

Jon Meng solian ti Jises tataiai Jon 1:41

Kiliwan wanen Andru upia tel ukalan ape kakane i, “Amite paxaiwen Mesaia.” Tenen kakain “Mesaia” i ukek, “Krais.”

Jon Meng solian ti Jises tataiai Jon 12:46

Nga lua hanima tehu pon ie masin xewai alon lehe hatesol seilon laha soh tetak laha kum to leili tilokoan ti saun lialun.

Jon Meng solian ti Jises tataiai Jon 3:34

Tetel Haeu taloma, i kakaxi kakai Haeu nake Haeu hani hatapo hawane i Spirit tetan.

Aposel 10:38

Amuto tioi Haeu hani Jises Holi Spirit ma poh. I nahih hani tesol tesol ailei puasain solian ma haewiai teka seilon *spirit lialun kapiti hahalialu nake Haeu kapin.

Aposel 26:18

O haxewai pulalaha waxi laha towiahu ti tilokoan hani xewan, ti pohe *Satan hani Haeu lehe Haeu oxoxi laha ti kawatan ti lialui woulaha. Ape laha selaia hani ailei puasan nake namilolaha xoxoan tetak.’

Aposel 4:26

Teka masiwi tenen tenen ti tehu pon itan ie apuha hetekie ti hileiai Haeu tel Masiwi ma Krais tel Natun.’ (Ps 2:1-2)

Aposel 4:27

“Ape salan, Herod ma Pontius Pailat apuha hetekie kapi teka seilon laha kum tioi Haeu ma teka seilon ti Israel leili Jerusalem ape laha aile namil ti halialui Jises, tel o kilamiwen, tel unauam i hani hatapo namilon ti puasam.

Kolosi 1:13

Kemuk *Satan neneini kako ape kako masin leili tilokoan. Tuahe aope ie Haeu oxoxiwen kako ti hahitake Satan ape i hani neiniakako tel Natun pate i waheni.

Jeims 2:5

Teka akikik ti Krais, hong matainiwa! Teteka seilon tap soxi teka liai paxai wasi laha, Haeu kilami laha lehe namilolaha xox tetan. Teka seilon ien Haeu neneini laha masin ti i kakanewen teka laha waheni i.

1 Pita 2:9

Tuahe amuto kumahe masin teka seilon ien. Haeu kilamiwen amuto seilon tetan. Amuto seilon sawisawin ti ailei puase Haeu, amuto hana hatapo tupuamuto hani i tel Masiwi ti amuto. Amuto seilon ti Haeu lehe amuto kaxi ahuti hani teka seilon lalape solian tetan, tetel i neini ahuti amuto leili tilokoan ti saun lialun hani leili soliai xewaian.