Luk Meng solian ti Jises tataiai Luk 4:15 - Seimat

¹⁵ I hanau teka seilon sale Haeu leili *synagog, ing ti apuhai teka *Ju, ape kilan seilon amuke i.

Luk Meng solian ti Jises tataiai Luk 4:15 Iomraidhean Croise

Matiu 13:54

I alia hani tesol puki tonan ti Nasaret. I nahih soh hani *synagog ape i hanau teka seilon. Teka laha hongohong laha ongake hawane waliko ti i kakak ape laha ukek, “I kekema anesoan ia? Alahan i pon aile hasohotui waliko tenen poh ti seilon kum pon ailean?

Matiu 4:23

Jises nahih hani tesol tesol ti Galili hahanau teka seilon leili *synagog, ing ti apuhai teka *Ju. I kakaxi meng solian ti Haeu neini seilon ape i aile hasolia teka hina nax tenen tenen.

Matiu 9:35

Jises nahih kakalini taon ma toan tewau tewau. I hanau teka seilon leili *synagog. I kaxi meng solian ti Haeu neini seilon ma i aile haewia seilon ti hina nax tenen tenen.

Matiu 9:8

Ti teka seilon paxaiwa, laha ong mamata hawane ape laha sameni Haeu nake i axi poh tenen masin ien hani seilon.

Mak Meng solian ti Jises tataiai Mak 1:27

Teka seilon ongake hawane ape he kakak alia laha, “Nakon waliko la tetenen? Tetel seilon ie i ahuti kakain tenen haun. Kakaian masin tel seilon masiwi wanen. I tumei spirit lialun ape laha hong usi kakaian!”

Mak Meng solian ti Jises tataiai Mak 1:39

Ape Jises nahih kakalini Galili ti kaxi ahutiai kakai Haeu leili synagog ma i xaxaweni spirit lialun leili kilan seilon.

Mak Meng solian ti Jises tataiai Mak 1:45

Tuahe ti tel seilon nahiwa, i kaxi sawateni ka tinun ape i ewiwen. Aile ape Jises kum nahih hani taon ti leili seilon kilan. I tua nanahih melal ti taon tuahe seilon nahih tatale hani kapin.

Luk Meng solian ti Jises tataiai Luk 13:10

Telao Sabat Jises hahanau teka seilon leili tehu *synagog.

Luk Meng solian ti Jises tataiai Luk 4:16

Muhin ien Jises tahia hani Nasaret, tehu taon ti i lapale. Telao *Sabat i nahih hani tehu synagog hanowi ti lawe i ailele. I tule lehe i ridai kakai Haeu.