Luk Meng solian ti Jises tataiai Luk 3:14 - Seimat

¹⁴ Ape teka seilon ti hile tin laha kamei i, “A amite ape lahan? Amite aile la?” I hone aliake lato, “Kum lulungei seilon waxiai moniulaha. Kum hahamatau laha ka amuto aile halialu laha ma na amuto sului laha na laha kum hani amuto moni. Amukewa lape kahumuto ti amuto kewen.”

Luk Meng solian ti Jises tataiai Luk 3:14 Iomraidhean Croise

Matiu 8:5

Ti Jises tahia haniwa Kapenaum, tel masiwi ti hile ti Rom kamei i huhual.

Luk Meng solian ti Jises tataiai Luk 19:8

Ti lato leili ing, Sakias tule ape i hone Jises ukek, “Tel Masiwi, tepaun ti lawe soxiak nga hani teka tap soxi. Na nga pisi waxiwen moniai tel na seilon, nga aliake hani i taen hinalo akulai lapan ti nga pisiwen i.”

Luk Meng solian ti Jises tataiai Luk 3:10

Teka seilon kamei i, “Ape amite aile la?”

Luk Meng solian ti Jises tataiai Luk 3:13

I hone lato, “Kum pupuluti teka seilon. Kum waxi hahasea moni lapan ti teka masiwi kilamiwen.”

Aposel 10:7

Ti tel engel kakane kewa Konilius ape i salili i. Konilius tiloi hua unauan pate lolowi ma tel seilon ti hile i waheni Haeu.

Pilipai 2:15

Ti lawe waliko na amuto aile, hanowiwa ti teka seilon sawisawin lehe tap tel pon tieniamuto ti tenen na waliko. Amuto se nati Haeu, aile ape nahih alua hawanewa wasole teka seilon woulaha pate lialun lehe amuto masin xewan ti haxewaialaha hanowi kamai kohot i haxewa maun.

Pilipai 4:11

Kumahe nga kak ukek ien nake nga tae ti tenen na waliko. Nga ape maloan, kalak solian ma na lialun tunahi nga, nga amuam tatale.

Taitus 2:3

Tin masin naua teka hehin salaimat ailei saun tenen i kola ka laha puas usi ma sameni Haeu. Laha kum misahi puputini seilon liai ma kum pupuhei unum ailan. Laha ke nonoa hanaui seilon liai ailei saun solian.

Hahatakei Haeu 12:10

Muhin nga hong tenen kinax lalap ti tone Haeu ukek, “Taun ape i tahiawen ti Haeu awai seilon ti lawe waliko lialun. I kola lalape pohen ma soliai nenein tetan. Ape *Krais, tetel i taloma, i tel Masiwi ti lawe waliko. Satan ape laha towi ahutiwen ti tone Haeu. I tel kemuk i tutu mate Haeu suluiai teka kahikahi Krais lawe ngain ma ipong.