Luk Meng solian ti Jises tataiai Luk 23:2 - Seimat

² Ape laha aile tanomi ngah kakain ti suluan, laha ukek, “Tel seilon ie hahika teka seilon ti amite pahoiai teka masiwi ti Rom laha neneini amite. I hone laha kum hahani *Sisa, tel masiwi tapein ti Rom, moni ti pahan. Ape i ukek i tel masiwi ti teka seilon ma i *Krais, tel Haeu taloma.”

Luk Meng solian ti Jises tataiai Luk 23:2 Iomraidhean Croise

Matiu 17:27

Tuahe kumahe pahakalu aile halengealaha. Nahih haniwa peixux ape towiwa tehu kapetum haniwa itax. Tok xixi uli o ahetiwa, heiwa awan ape o tunahi tehu moni. Waxiwa ape kau haniwa Ingi Haeu, ati ti kalu.”

Matiu 22:21

Lato ukek, “Ti Sisa.” Ape Jises hone lato, “Ien, waliko ti Sisa haniwa Sisa, waliko ti Haeu haniwa Haeu.”

Matiu 27:11

Jises tutu mate Pailat ape Pailat kamei i ukek, “Nakon o se tel masiwi tapein ti teka Ju?” Ape Jises pahoi i ukek, “Se, masin ti o kakawen.”

Mak Meng solian ti Jises tataiai Mak 12:17

Jises hone lato ukek, “Waliko ti Sisa haniwa Sisa, waliko ti Haeu haniwa Haeu.” Pate lato ongaini sale pahoan tetan.

Mak Meng solian ti Jises tataiai Mak 15:2

Pailat kamei Jises, “Nakon o tel masiwi tapein ti teka Ju?” Jises kak pahoi ukek, “Masin ti o kakawen.”

Luk Meng solian ti Jises tataiai Luk 23:14

Ape i hone laha ukek, “Amuto ati hanima nga tel seilon ie, amuto ukek i hahika teka seilon pahoiai nenein ti amite teka masiwi ti Rom. Nga kamei nihehi paxaiwen i he matamuto ape nga tunahi ka kakaiamuto i kum pon suluan.

Luk Meng solian ti Jises tataiai Luk 23:5

Tuahe laha lungelung eliel ahe ape laha ukek, “I hanau hahalialu hatesol seilon ti Judia. I hutui leili Galili ape i tamus hahanima ie.”

Jon Meng solian ti Jises tataiai Jon 18:29

Aile ape Pailat nahih sohot hani kapi laha ape i kamea, “Pahamuto sului tel seilon ie ti waliko la?”

Jon Meng solian ti Jises tataiai Jon 18:30

Laha kak pahoi ukek, “Na masin i kumahe tel seilon ti ailei saun lialun kaie pake amite kum hakahita hanima kapim.”

Jon Meng solian ti Jises tataiai Jon 19:12

Ti Pailat hong kewak ien, i tohongi oxoxi ahuhuke Jises. Tuahe teka seilon ien leng ausini ukek, “Na masin o oxoxi ahuti tel seilon ie, o kumahe lohi *Sisa. Tel na i ukek i se tel masiwi tapein, i pahoxai Sisa tel masiwi tapein ti *Rom.”

Aposel 24:13

Ape teka seilon ie lato tap aweisal ti kolaian ka sulusulu ti lato salan.

Aposel 24:5

“Amite paxai tioi tel seilon ie i weli aile halialui wasole seilon. Lawe i hahika teka Ju tesol tesol ti hil pahoiai teka masiwi ti *Rom. I nanahike temat seilon laha axai Nasarin, teka kahikahi *Jises ti Nasaret.

Rom Teik pasi Pol hani teka kahikahi Jises Krais ti Rom 13:7

Haniwa seilon waliko ti hoi liai ala amuto hani laha. Moni ti teka masiwi kilamiwen ka amuto haniwa laha ti waliko tenen tenen, liai amuto haniwa. Kolawa lalape lomuto haniwa teka masiwi ti amuto.